Khemmalay SONDAVANH
ກອງປະຊຸມປະເມີນຜົນຂອງ ອົງການອາຫານ ແລະ ການກະເສດ (FAO) ໄດ້ຈັດຂຶ້ນເພື່ອທົບທວນຄືນຄວາມສໍາເລັດຂອງໄລຍະການເຝິກອົບຮົມໃຫ້ແກ່ພະນັກງານແຂວງອັດຕະປື ພາຍໃຕ້ໂຄງການຄຸ້ມຄອງຄວາມສ່ຽງໄພພິບັດ ແລະ ການປັບຕົວຕໍ່ການປ່ຽນ ແປງ ສະພາບດິນຟ້າອາກາດ/FAO progress workshop held to review the completion of the training phase for the Agriculture Disaster Risk Management and Climate Change Adaptation planning for Attapeu officials
ກອງປະຊຸມປະເມີນຜົນຂອງ ອົງການອາຫານ ແລະ ການກະເສດ (FAO) ໄດ້ຈັດຂຶ້ນເພື່ອທົບທວນຄືນຄວາມສໍາເລັດຂອງໄລຍະການເຝິກອົບຮົມໃຫ້ແກ່ພະນັກງານແຂວງອັດຕະປື ພາຍໃຕ້ໂຄງການຄຸ້ມຄອງຄວາມສ່ຽງໄພພິບັດ ແລະ ການປັບຕົວຕໍ່ການປ່ຽນ ແປງ ສະພາບດິນຟ້າອາກາດ.
ໃນວັນທີ 16 ມິຖຸນາ 2022, ທີ່ນະຄອນຫຼວງວຽງຈັນ, ອົງການອາຫານ ແລະ ການກະເສດ ແຫ່ງສະຫະປະຊາຊາດ (FAO), ກົມແຜນການ ແລະ ການຮ່ວມມື, ກະຊວງກະສິກຳ ແລະ ປ່າໄມ້, ໄດ້ຈັດກອງປະຊຸມທົບທວນ ແລະ ຕີລາຄາຄືນ ເພື່ອປະເມີນຊຸດຝຶກອົບຮົມພະນັກງາານລັດ ກ່ຽວກັບການຄຸ້ມຄອງຄວາມສ່ຽງໄພພິບັດດ້ານກະສິກຳ/ການປັບຕົວຕໍ່ການປ່ຽນແປງສະພາບດິນຟ້າອາກາດ (DRM/CCA). ການຝຶກອົບຮົມທັງ 5 ຊຸດນີ້ ໄດ້ຖືກຈັດຂຶ້ນພາຍໃຕ້ໂຄງການ “ສ້າງຄວາມທົນທານຕໍ່ດິນຟ້າອາກາດ ແລະ ລະບົບກະສິກໍາທີ່ເປັນມິດກັບສິ່ງແວດລ້ອມ ແລະ ການດຳລົງຊີວິດຢູ່ແຂວງອັດຕະປື” (Climate REAL) ເຊິ່ງໄດ້ຮັບທຶນຈາກອົງການຮ່ວມມືສາກົນ ສ.ເກົາຫຼີ (KOICA).
ກອງປະຊຸມ ສະຫຼຸບປິດການຊ່ວຍເຫຼືອໂຄງການ ກອງທຶນຫຼຸດຜ່ອນຄວາມທຸກຍາກ ຂອງອົງການເພື່ອການພັດທະນາ ແລະ ຮ່ວມມື ຂອງປະເທດສະວິດເຊີແລນ
ກອງປະຊຸມ ສະຫຼຸບປິດການຊ່ວຍເຫຼືອໂຄງການ ກອງທຶນຫຼຸດຜ່ອນຄວາມທຸກຍາກ ຂອງອົງການເພື່ອການພັດທະນາ ແລະ ຮ່ວມມື ຂອງປະເທດສະວິດເຊີແລນ
ໃນວັນທີ 16 ມິຖຸນາ ທລຍ, ກະຊວງກະສິກຳ ແລະ ປ່າໄມ້ ໄດ້ຈັດກອງປະຊຸມສະຫຼຸບປິດການຊ່ວຍເຫຼືອໂຄງການ ທລຍ ຂອງອົງການ SDC ຂຶ້ນ, ທີ່ກົມພັດທະນາຊົນນະບົດ. ໂດຍການເປັນປະທານຂອງ ທ່ານ ສີປະໄພ ໄຊສົງຄາມ ຫົວໜ້າຫ້ອງການກະຊວງ, ທ່ານ ຄຣິສຕຽນ ເອງເລີ ຮອງຫົວໜ້າອົງການ SDC ປະຈຳ ສປປ ລາວ. ເຊິ່ງມີ ທ່ານ ພັດນະຄອນ ຄັນທະມີໄຊ ຜູ້ອຳນວຍການບໍລິຫານ ທລຍ; ທ່ານ ນ. ອໍເຣລີ ໄລ໌ເຮຕິ ຫົວໜ້າແຜນງານດ້ານການຄຸ້ມຄອງ ແລະ ການມີສ່ວນຮ່ວມຂອງປະຊາຊົນ; ທ່ານ ນ. ນິດສາ ວົງພະນະຄອນ ຜູ້ຮັບຜິດຊອບແຜນງານອາວຸໂສດ້ານການຄຸ້ມຄອງ; ທ່ານ ເບັນຈາມິນ ເບີກຮາດ ຜູ້ຊ່ຽວຊານອາວຸໂສ ດ້ານການພັດທະນາສັງຄົມ; ຫົວໜ້າຄະນະທີມງານຈັດຕັ້ງປະຕິບັດໂຄງການ, ທີມງານຊ່ຽວຊານຂອງທະນາຄານໂລກ; ພາກສ່ວນທີ່ກ່ຽວຂ້ອງ ແລະ ແຂກຖືກເຊີນ ເຂົ້າຮ່ວມທັງໝົດ 23 ທ່ານ, ຍິງ 06 ທ່ານ. ຈຸດປະສົງຂອງກອງປະຊຸມໃນຄັ້ງນີ້ ເພື່ອເປັນການສະຫຼຸບຜົນງານການຊ່ວຍເຫຼືອຂອງ SDC ທີ່ໄດ້ສະໜັບສະໜູນ ທລຍ ໃນໄລຍະ 13 ປີຜ່ານມາ (2012-2022).
ຄະນະຊ່ຽວຊານທະນາຄານໂລກ ລົງເຄື່ອນໄຫວວຽກງານ ຢູ່ເມືອງກະລຶມ
ຄະນະຊ່ຽວຊານທະນາຄານໂລກ ລົງເຄື່ອນໄຫວວຽກງານ ຢູ່ເມືອງກະລຶມ
ໃນລະຫວ່າງ ວັນທີ 07 – 09 ມິຖຸນາ 2022 ຜ່ານມານີ້, ທ່ານ ນາງ ຊູຊານ ເຊັນ ຫົວໜ້າຝ່າຍບໍລິຫານວຽກງານພັດທະນາສັງຄົມ ແລະ ການມີສ່ວນຮ່ວມ, ທ່ານ ເບັນຈາມິນ ເບິກຮາດ ຜູ້ຊ່ຽວຊານອາວູໂຊ ດ້ານການພັດທະນາສັງຄົມ ແລະ ຫົວໜ້າທິມງານຈັດຕັ້ງປະຕິບັດໂຄງການ ພ້ອມດ້ວຍຄະນະຊ່ຽວຊານຈາກທະນາຄານໂລກ, ທ່ານ ພັດທະຄອນ ຄັນທະມີໄຊ ຜູ້ອຳນວຍການກອງທຶນຫຼຸດຜ່ອນຄວາມທຸກຍາກ (ທລຍ) ພ້ອມດ້ວຍຄະນະ ໄດ້ລົງເຄື່ອນໄຫວວຽກງານ ຢູ່ເມືອງກະລຶມ, ແຂວງເຊກອງ ຊື່ງກ່ອນທີ່ຈະລົງຢ້ຽມຢາມຢູ່ເມືອງກະລຶມ ຄະນະດັ່ງກ່າວ ໄດ້ເຂົ້າພົບ ທ່ານ ນາງ ຈັນຫອມ ມະຫາໄຊ ຮອງເລຂາພັກແຂວງ, ຮອງເຈົ້າແຂວງໆເຊກອງ ເພື່ອສະເໜີຈຸດປະສົງ ແລະ ແຜນການເຄື່ອນໄຫວວຽກງານຢູ່ທ້ອງຖີ່ນໃນຄັ້ງນີ້ ໂດຍສະເພາະແມ່ນການເກັບກໍາຂໍ້ມູນ ເພື່ອກະກຽມໂຄງການປັບປຸງຊີວິດການເປັນຢູ່ ແລະ ການປັບຕົວ ເຂົ້າກັບການປ່ຽນແປງດິນຟ້າອາກາດ ຫຼື CLEAR.
ການອະນຸລັກແຂ້ນໍ້າຈືດ ຢູ່ທີ່ດິນບໍລິເວນນໍ້າຣາມຊາເຊຈໍາພອນ ແຂວງສະຫວັນນະເຂດ ບັນລຸຜົນສໍາເລັດຢ່າງສູງ/Croc conservation milestone achieved at the Xe Champhone Ramsar Wetland Complex
ການອະນຸລັກແຂ້ນໍ້າຈືດ ຢູ່ທີ່ດິນບໍລິເວນນໍ້າຣາມຊາເຊຈໍາພອນ ແຂວງສະຫວັນນະເຂດ ບັນລຸຜົນສໍາເລັດຢ່າງສູງ
ໃນວັນທີ 25 ພຶດສະພານີ້, ນັກວິທະຍາສາດຈາກອົງການອະນຸລັກສັດປ່າ (WCS) ປະຈໍາ ສປປ ລາວ ພ້ອມດ້ວຍຄູ່ຮ່ວມງານ ຈາກພາກລັດ ຊຶ່ງລວມທັງກົມປ່າໄມ້, ກະຊວງກະສິກຳ ແລະ ປ່າໄມ້ ແລະ ຄະນະອະນຸລັກຊີວະນາໆພັນຂັ້່ນບ້ານ ບ້ານນາຕ້າຍ ໄດ້ລົງຕິດຕາມກວດກາຊີວະນາໆພັນ ແລະ ເກັບໄຂ່ແຂ້ນໍ້າຈືດ ຢູ່ທີ່ດິນບໍລິເວນນໍ້າຣາມຊາເຊຈໍາພອນ ແຂວງສະຫວັນນະເຂດ. ແຂ້ນໍ້າຈືດແມ່ນສັດທີ່ໃກ້ຈະສູນພັນ ເຊິ່ງມີຈໍານວນໜ້ອຍກວ່າ 1,000 ໂຕ ຢູ່ໃນຖິ່ນທີ່ຢູ່ອາໄສທໍາມະຊາດ. ໃນນັ້ນ ພົບວ່າ ມີໜ້ອຍກວ່າ 5% ຂອງຈໍານວນໄຂ່ທີ່່ຖືກວາງຕາມທໍາມະຊາດ ສາມາດມີຊີວິດຢູ່ລອດຈົນເຕີບໃຫຍ່ເຕັມທີ່. ຢູ່ເຂດຣາມຊາເຊຈໍາພອນ ທີມງານອະນຸລັກ ໄດ້ເກັບໄຂ່ຈາກຮັງທໍາມະຊາດ 2-3 ແຫ່ງໃນແຕ່ລະປີ ແລະ ຊ່ວຍເບາະລ້ຽງໂຕອ່ອນເປັນເວລາ 2 ປີ ຈົນລູກແຂ້ມີຄວາມຍາວເກືອບ 1 ແມັດ ແລ້ວປ່ອຍລົງຄືນສູ່ທໍາມະຊາດ ຈົນສາມາດເຮັດໃຫ້ປະຊາກອນແຂ້ຢູ່ ດິນບໍລິເວນນໍ້າຣາມຊາເຊຈໍາພອນ ສາມາດຟື້ນຟູຈໍານວນໄດ້ດີຂຶ້ນ ແລະ ໄວກວ່າເກົ່າ. ໂຄງການນີ້ໄດ້ຮັບການສະໜັບສະໜູນຢ່າງເຕັມທີ່ ຈາກຊຸມຊົນທ້ອງຖິ່ນ ໃນການຫ້າມລ່າແຂ້ຍ້ອນປະເພນີ ແລະ ຄວາມເຊື່ອໃນທ້ອງຖິ່ນ ແລະ ກໍບໍ່ເຄີຍມີປະຫວັດການລາຍງານບັນຫາຄວາມຂັດແຍ່ງໃດໆກ່ຽວກັບສັດຂີ້ອາຍຊະນິດພັນນີ້.
ກອງປະຊຸມ ຜ່ານຍຸດທະສາດການຄຸ້ມຄອງ ແລະ ພັດທະນາທີ່ດິນກະສິກຳ ຮອດປີ 2040
ກອງປະຊຸມ ຜ່ານຍຸດທະສາດການຄຸ້ມຄອງ ແລະ ພັດທະນາທີ່ດິນກະສິກຳ ຮອດປີ 2040
ໃນຕອນເຊົ້າຂອງວັນທີ 09 ມີຖຸນາ 2022, ກົມຄຸ້ມຄອງ ແລະ ພັດທະນາທີ່ດິນກະສິກຳ, ກະຊວງກະສິກຳ ແລະ ປ່າໄມ້ ຢູ່ທີສະໂມສອນກະຊວງກະສິກໍາ ແລະ ປ່າໄມ້, ໄດ້ຈັດກອງປະຊຸມຂັ້ນກະຊວງຄັ້ງທີ 2 ຂື້ນ ເພືອຜ່ານຍຸດທະສາດວຽກງານການຄຸ້ມຄອງ ແລະ ພັດທະນາທີ່ດິນກະສິກຳ ຮອດປີ 2040 (ສະບັບຮ່າງປັບປຸງ) ຂຶ້ນ, ໂດຍການເປັນປະທານຂອງ ທ່ານ ກິແກ້ວ ສິງນາວົງ ຮອງລັດຖະມົນຕີກະຊວງກະສິກໍາ ແລະ ປ່າໄມ້, ທັງເປັນຜູ້ຊີ້ນໍາວຽກງານຄຸ້ມຄອງ ແລະ ພັດທະນາທີ່ດິນກະສິກຳ. ຊຶ່ງມີກົມ, ສະຖາບັນອອ້ມຂ້າງກະຊວງກະສິກໍາ ແລະ ປ່າໄມ້, ພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ, ກະຊວງທີ່ກ່ຽວຂ້ອງ (ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ກະຊວງແຜນການ ແລະ ການລົງທຶນ, ກະຊວງພະລັງງານ ແລະ ບໍ່ແຮ່ ແລະ ກະຊວງອຸດສາຫະກໍາ ແລະ ການຄ້າ), ພາກສວ່ນກ່ຽວຂ້ອງ ແລະ ແຂກຖືກເຊີນ ເຂົ້າຮ່ວມທັງໝົດ ຈໍານວນ 49 ທ່ານ , ຍີງ 11 ທ່ານ.
ການມອບອຸປະກອນການຜະລິດ ແລະ ການຝຶກອົບໃຫ້ແກ່ຊາວກະສິກອນກຸ່ມຜະລິດຜັກ 4 ບ້ານເປົ້າໝາຍ ຂອງໂຄງການປັບປຸງເຕັກໂນໂລຊີການຜະລິດພືດຜັກ (KRC) ຢູ່ເມືອງຫາດຊາຍຟອງ ນະຄອນຫຼວງວຽງຈັນ
ການມອບອຸປະກອນການຜະລິດ ແລະ ການຝຶກອົບໃຫ້ແກ່ຊາວກະສິກອນກຸ່ມຜະລິດຜັກ 4 ບ້ານເປົ້າໝາຍ ຂອງໂຄງການປັບປຸງເຕັກໂນໂລຊີການຜະລິດພືດຜັກ (KRC) ຢູ່ເມືອງຫາດຊາຍຟອງ ນະຄອນຫຼວງວຽງຈັນ
ໃນເດືອນ ພຶດສະພາ 2022 ທີ່ຜ່ານມາ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ, ກະຊວງກະສິກຳ ແລະ ປ່າໄມ້ ຮ່ວມກັບໂຄງການປັບປຸງເຕັກໂນໂລຊີການຜະລິດພືດຜັກ (KRC) ຢູ່ເມືອງ ຫາດຊາຍຟອງ, ນະຄອນຫຼວງວຽງຈັນ. ໄດ້ມອບອຸປະກອນການຜະລິດໃຫ້ແກ່ຊາວກະສິກອນກຸ່ມຜະລິດພືດຜັກ ຢູ່ໃນ 4 ກຸ່ມບ້ານເປົ້າໝາຍຂອງໂຄງການ ຄື: ບ້ານ ສິມມະໂນໃຕ້, ຊາຍຟອງ ເໜືອ, ຫົວຫ້າ ແລະ ບ້ານ ທ່າແຂກ, ເມືອງ ຫາດຊາຍຟອງ, ນະຄອນຫຼວງວຽງຈັນ. ໂດຍການເຂົ້າຮ່ວມເປັນປະທານມອບໂດຍ ທ່ານ ປອ ນ. ໃຈ ບຸນພະນຸໄຊ ຫົວໜ້າສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ແລະ ປອ ລີ ອຶງໂຫ ຜູ້ຈັດການໂຄງການ (KRC) ນອກຈາກນັ້ນ, ກໍ່ມີຜູ້ຕາງໜ້າຈາກຂະແໜງປູກຝັງ ພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ, ຫ້ອງການກະສິກໍາ ແລະ ປ່າໄມ້ເມືອງ ຫາດຊາຍຟອງ ແລະ ຊາວກະສິກອນກຸ່ມຜະລິດຜັກ ໃນ 4 ກຸ່ມບ້ານເປົ້າໝາຍ ເຂົ້າຮ່ວມທັງໝົດ ຈໍານວນ 156 ທ່ານ, ຍິງ 45 ທ່ານ.
ຝຶກອົບຮົມ ກ່ຽວກັບວຽກງານ ຕ້ານ ແລະ ສະກັດກັ້ນ ການຄ້າ-ຂາຍສັດປ່າ ທີ່ຜິດກົດໝາຍ ໃຫ້ຄະນະປະສານງານເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ຳ ແລະ ສັດປ່າ ແລະ ກົດໝາຍວ່າດ້ວຍປ່າໄມ້ ຂັ້ນແຂວງ (P-WEN) ແຂວງ ບໍ່ແກ້ວ, ຫຼວງນ້ຳທາ ແລະ ແຂວງ ອຸດົມໄຊ
ຝຶກອົບຮົມ ກ່ຽວກັບວຽກງານ ຕ້ານ ແລະ ສະກັດກັ້ນ ການຄ້າ-ຂາຍສັດປ່າ ທີ່ຜິດກົດໝາຍ ໃຫ້ຄະນະປະສານງານເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ຳ ແລະ ສັດປ່າ ແລະ ກົດໝາຍວ່າດ້ວຍປ່າໄມ້ ຂັ້ນແຂວງ
(P-WEN) ແຂວງ ບໍ່ແກ້ວ, ຫຼວງນ້ຳທາ ແລະ ແຂວງ ອຸດົມໄຊ
ໃນລະຫວ່າງວັນທີ 13 ຫາ 18 ມິຖຸນາ 2022. ກົມກວດກາປ່າໄມ້, ກະຊວງກະສິກຳ ແລະ ປ່າໄມ້ ໄດ້ຈັດຝຶກອົບຮົມ ກ່ຽວກັບວຽກງານຕ້ານ ແລະ ສະກັດກັ້ນ ການຄ້າ-ຂາຍສັດປ່າ ທີ່ຜິດກົດ ໝາຍ ໃຫ້ແກ່ຄະນະປະສານ ງານເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ໍາ ແລະ ສັດປ່າ ແລະ ກົດ ໝາຍ ວ່າດ້ວຍປ່າໄມ້ ຂັ້ນແຂວງ (P-WEN) ຂຶ້ນ, ທີ່ຫ້ອງປະຊຸມໂຮງແຮມເດິ ແກຣນລີເວີຊາຍ II (The Grand Riverside II Hotel), ເມືອງ ວັງວຽງ, ແຂວງ ວຽງຈັນ. ໂດຍການເປັນປະທານຂອງ ທ່ານ ສຸນັນທາ ຈຸນລະມະນີ ຮອງຫົວໜ້າກົມກວດກາປ່າໄມ້, ມີຜູ້ເຂົ້າຮ່ວມຝຶກອົບຮົມ ທີ່ມາຈາກຄະ ນະປະສານງານ ເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ໍາ ແລະ ສັດປ່າ ແລະ ກົດໝາຍ ວ່າດ້ວຍ ປ່າໄມ້ ຂັ້ນແຂວງ (P-WEN) ຄື: ແຂວງ ບໍ່ແກ້ວ, ຫຼວງນ້ໍາທາ ແລະ ແຂວງ ອຸດົມໄຊ, ຕາງໜ້າຈາກກອງກວດກາປ່າໄມ້, ຂະແໜງປ່າໄມ້ ແລະ ກອງຄຸ້ມຄອງປ່າສະຫງວນ, ພະແນກຕໍາຫຼວດສິ່ງແວດລ້ອມ, ກອງກວດ ກາພາສີ, ອົງການໄອຍະການປະຊາຊົນ, ອົງການກວດກາລັດຂັ້ນແຂວງ ແລະ ຄູຝຶກຈາກອົງ ການ WWF-Laos ແລະ ອົງການ Traffic, ເຂົ້າຮ່ວມທັງໝົດ 90 ທ່ານ, ຍິງ 11 ທ່ານ.
ພິທີສະຫຼຸບ ຜົນການຈັດຕັ້ງປະຕິບັດ ໂຄງການພັດທະນາເຄືອຂ່າຍເຝົ້າລະວັງພະຍາດສັດປ່າ ຢູ່ ສປປ ລາວ “WildHealthNet ”ແຕ່ປີ 2019-2022, ຊຶ່ງໄດ້ຮັບການສະໜັບສະໜູນທຶນຈາກ ອົງການປ້ອງກັນຫຼຸດຜ່ອນໄພຂົ່ມຂູ່ (DTRA) ສະຫະລັດອາເມລິກາ/Transition Ceremony for the WildHealthNet project funded by the Defense Threat Reduction Agency, USA
ພິທີສະຫຼຸບ ຜົນການຈັດຕັ້ງປະຕິບັດ ໂຄງການພັດທະນາເຄືອຂ່າຍເຝົ້າລະວັງພະຍາດສັດປ່າ ຢູ່ ສປປ ລາວ “WildHealthNet ”ແຕ່ປີ 2019–2022, ຊຶ່ງໄດ້ຮັບການສະໜັບສະໜູນທຶນຈາກ ອົງການປ້ອງກັນຫຼຸດຜ່ອນໄພຂົ່ມຂູ່ (DTRA) ສະຫະລັດອາເມລິກາ.
ນະຄອນຫຼວງວຽງຈັນ, 9 ມິຖູນາ 2022 ທີ່ໂຮງແຮມ ຄຣາວພລາຊາ, ນະຄອນຫຼວງວຽງຈັນ – ກົມລ້ຽງສັດ ແລະ ການປະມົງ, ກະຊວງກະສິກໍາ ແລະ ປ່າໄມ້ ແລະ ອົງການ ອະນຸລັກ ສັດປ່າ ປະຈໍາ ສປປ ລາວ (WCS) ໄດ້ຈັດພິທີສະຫຼຸບຜົນການຈັດຕັ້ງປະຕິບັດ ໂຄງການພັດທະນາເຄືອຂ່າຍການເຝົ້າລະວັງພະຍາດສັດປ່າ ຢູ່ ສປປ ລາວ “WildHealthNet” ແຕ່ປີ 2019–2022; ທີ່ໄດ້ຮັບທຶນສະໜັບສະໜູນຈາກ ອົງການປ້ອງກັນຫຼຸດຜ່ອນໄພຂົ່ມຂູ່ (DTRA) ສະຫະລັດອາເມລິກາ. ການຈັດຕັ້ງປະຕິບັດກິດຈະກໍາໂຄງການໃນໄລຍະດັ່ງກ່າວ ແມ່ນເລັງໃສ່ການສ້າງເຄືອຂ່າຍ ແລະ ພັດທະນາມາດຕະຖານຂັ້ນຕອນ ການປະຕິບັດການເຝົ້າລະວັງພະຍາດສັດປ່າ ຢູ່ ສປປ ລາວ. ພິທີດັ່ງກ່າວ ໄດ້ມີການເຂົ້າຮ່ວມຈາກຫຼາຍພາກສ່ວນທີ່ກ່ຽວຂ້ອງທັງພາກລັດ, ອົງການຈັດຕັ້ງສາກົນ, ຫ້ອງວິໄຈ ທັງຂັ້ນສູນກາງ ແລະ ທ້ອງຖິ່ນ. Continue reading
ງານຕະຫຼາດນັດນະວັດຕະກຳກະສິກຳ ແລະ ການສົນທະນາ ວັນທີ 30 ພຶດສະພາ – 02 ມິຖຸນາ 2022, ວິທະຍາເຂດສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ/Agricultural Innovation Market Fair and Panel Discussions 30 May – 2 June 2022, National Agriculture and Forestry Research Institute campus
ງານຕະຫຼາດນັດນະວັດຕະກຳກະສິກຳ ແລະ ການສົນທະນາ ວັນທີ 30 ພຶດສະພາ – 02 ມິຖຸນາ 2022, ວິທະຍາເຂດສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ
ໃນວັນທີ 30 ພຶດສະພາ 2022 ທີ່ນະຄອນຫຼວງວຽງຈັນ, ອົງການອາຫານ ແລະ ການກະເສດ ແຫ່ງ ສະຫະປະຊາຊາດ (FAO) ຮ່ວມມືກັບ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ (NAFRI) ໄດ້ເປີດງານຕະຫຼາດນັດນະວັດຕະກຳກະສິກຳ ທີ່ຈະດຳເນີນເປັນເວລາ 4 ວັນ, ເຊີ່ງຈະມີການໂອ້ລົມສົນທະນາ ແລະ ການນໍາສະເຫນີ ຫຼາຍຫົວຂໍ້. ນະວັດຕະກໍາກະສິກຳມີທ່າແຮງອັນໃຫຍ່ຫຼວງໃນ ສປປ ລາວ ເພື່ອເພີ່ມລາຍຮັບຂອງຊາວກະສິກອນ, ປັບປຸງຄ້ຳປະກັນສະບຽງອາຫານ ແລະ ໂພຊະນາການ ແລະ ຊ່ວຍໃຫ້ການຄຸ້ມຄອງຊັບພະຍາກອນທຳມະຊາດແບບຍືນຍົງ. ດັ່ງນັ້ນ, ຈຸດປະສົງຂອງງານແມ່ນ ເພື່ອເປັນເວທີທີ່ຍົກໃຫ້ເຫັນ ແລະ ແລກປ່ຽນຄໍາຄິດເຫັນ ແລະ ອໍານວຍຄວາມສະດວກໃຫ້ແກ່ການພົວພັນຄູ່ຮ່ວມມື ລະຫວ່າງ ບັນດາພາກສ່ວນທີ່ກ່ຽວຂ້ອງ ນັບແຕ່ຊາວກະສິກອນເຖິງນັກລົງທຶນ ແລະ ຜູ້ວາງນະໂຍບາຍ ເພື່ອສົ່ງເສີມການປະດິດສ້າງ/ນະວັດຕະກຳ ກະສິກໍາ. Continue reading
ອົງການ FAO ສຳເລັດການເຝິກອົບຮົມການວາງແຜນ DRM/CCA ໃຫ້ແກ່ພະນັກງານລັດ ທີ່ແຂວງອັດຕະປື ໃນລະຫວ່າງວັນທີ 24-26 ພຶດສະພາ 2022/FAO completes DRM/CCA planning training for government officials in Attapeu Province, 24-26 May 2022
ອົງການ FAO ສຳເລັດການເຝິກອົບຮົມການວາງແຜນ DRM/CCA ໃຫ້ແກ່ພະນັກງານລັດ ທີ່ແຂວງອັດຕະປື ໃນລະຫວ່າງວັນທີ 24-26 ພຶດສະພາ 2022
ອັດຕະປື, ສປປ ລາວ – ອົງການອາຫານ ແລະ ການກະເສດ ແຫ່ງ ສະຫະປະຊາຊາດ (FAO) ແລະ ກົມແຜນການ ແລະ ການຮ່ວມມື, ກະຊວງກະສິກຳ ແລະ ປ່າໄມ້, ໄດ້ສຳເລັດການເຝິກອົບຮົມກ່ຽວກັບ ການວາງແຜນການຄຸ້ມຄອງຄວາມສ່ຽງໄພພິບັດ/ການປັບຕົວຕໍ່ການປ່ຽນແປງດິນຟ້າອາກາດ (DRM/CCA) ໃຫ້ແກ່ພະນັກງານລັດຖະບານ. ການເຝິກອົບຮົມຫ້າໂມດູນໄດ້ຖືກຈັດຂຶ້ນພາຍໃຕ້ໂຄງການ “ສ້າງຄວາມທົນທານຕໍ່ດິນຟ້າອາກາດ ແລະ ລະບົບກະສິກໍາທີ່ເປັນມິດກັບສິ່ງແວດລ້ອມ ແລະ ການດຳລົງຊີວິດຢູ່ແຂວງອັດຕະປື” (Climate REAL), ເຊິ່ງໄດ້ຮັບການສະໜັບສະໜູນໂດຍອົງການ KOICA. Continue reading
