ຂ່າວ
ກອງປະຊຸມສະຫຼຸບ 09 ເດືອນ ແລະ ຜ່ານແຜນການ ປີ 2019
ໂຄງການກະສິກຳເພື່ອໂພຊະນາການ ໄດ້ຈັດກອງປະຊຸມສະຫຼຸບ 09 ເດືອນ ແລະ ຜ່ານແຜນປີ 2019 ຂຶ້ນ ໃນວັນທີ 08 ພະຈິກ 2018 ທີ່ຫ້ອງປະຊຸມພະແນກກະສິກຳ ແລະ ປ່າໄມ້ແຂວງ ບໍລິຄຳໄຊ. ໂດຍການເປັນປະທານຂອງ ທ່ານ ສະຫວັນ ຫານພົມ ຮອງຫົວໜ້າກົມແຜນການ ແລະ ການເງິນ, ກະຊວງກະສິກຳ ແລະ ປ່າໄມ້, ມີຜູ້ປະສານງານຂັ້ນສູນກາງ, ແຂວງ, ເມືອງ, ກົມສົ່ງເສີມເຕັກນິກ ແລະ ປຸງແຕ່ງກະສິກຳ, ສະຖາບັນຄົນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ, ອົງການອາຫານໂລກ ແລະ ອົງການອາຫານ ແລະ ການກະເສດ. Continue reading
ພິທີເປີດປ້າຍວັງສະຫງວນອ່າງນ້ຳຊວງ
ໃນວັນທີ 31 ຕຸລາ 2018 ນີ້ ກົມລ້ຽງສັດ ແລະ ການປະມົງ, ກະຊວງກະສິກຳ ແລະ ປ່າໄມ້ ໄດ້ຈັດພິທີເປີດປ້າຍວັງສະຫງວນອ່າງນ້ຳຊວງຂຶ້ນ ທີ່ບ້ານ ແຈ້ງສະຫວ່າງ, ເມືອງ ໂພນໂຮງ, ແຂວງ ວຽງຈັນ. ໂດຍການເຂົ້າຮ່ວມຂອງ ທ່ານ ບຸນທອງ ຊາພັກດີ ຮອງຫົວໜ້າກົມລ້ຽງສັດ ແລະ ການປະມົງ,ທ່ານ ອາກິໂຕະ ຊາໂຕະ ຮອງອົງການ ເຊັບເດຼັກ (SEAFDEC), ທ່ານ ຕາກູໂຣະ ຊີບູໂນະ ຮອງອົງການປະມົງນ້ຳຈືດ, ພ້ອມດ້ວຍອຳນາດການປົກຄອງບ້ານ, ປະຊາຊົນບ້ານແຈ້ງສະຫວ່າງ, ທະ ຫານ, ຕຳຫຼວດ ແລະປະຊາຊົນ 15 ບ້ານອ້ອມຂ້າງເຂົ້າຮ່ວມ. Continue reading
ປາຖະກະຖາວັນສະຖາປະນາ ສາທາລະນະລັດຮົງກາລີ ຄົບຮອບ 29 ປີ
ໃນທາມກາງບັນຍາກາດທີ່ລັດຖະບານກໍຄືປະຊາຊົນຮົງກາລີພວມສະເຫຼີມສະຫຼອງວັນສະຖາປະນາສາທາລະນະລັດຮົງກາລີ ຄົບຮອບ 29 ປີ ຢ່າງເປັນຂະບວນຟົດຟື້ນ, ສະມາຄົມມິດຕະພາບ ລາວ-ຮົງກາລີ ແລະ ສະຖານ ທູດຮົງກາລີປະຈໍາລາວກໍ່ໄດ້ ຈັດພິທີປາຖະກະຖາຂື້ນເພື່ອສະເຫຼີມສະຫຼອງວັນສໍາຄັນດັ່ງກ່າວ ໃນວັນທີ 5 ພະຈິກ 2018 ທີ່ພັດທະຄານແມ່ຂອງ, ນະຄອນຫຼວງວຽງຈັນ, ເປັນກຽດເຂົ້າຮ່ວມໂດຍທ່ານ ປອ ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງ ກະສິກໍາ ແລະ ປ່າໄມ້ ພ້ອມທັງເປັນປະທານສະມາ ຄົມມິດຕະພາບ ລາວ-ຮົງກາລີ, ທ່ານເອກອັກຄະລັດຖະທູດຮົງກາລີ ປະຈໍາລາວ, ມີທ່ານຮອງຫົວໜ້າກົມພົວພັນສາ ກົນອົງການ ຈັດຕັ້ງມະຫາຊົນຄະນະພົວພັນຕ່າງປະເທດສູນກາງພັກ, ກໍາມະການສະມາຄົມມິດຕະພາບຮົງກາລີ-ລາວ ພ້ອມ ດ້ວຍບັນດາອາດີດນັກສຶກສາລາວຈາກຮົງກາລີ ແລະ ບັນດາຜູ້ຕາງໜ້າໂຄງການຮົງກາລີປະຈໍາລາວ ເຂົ້າຮ່ວມ ຢ່າງພ້ອມພຽງ. ໃນໂອກາດນີ້ທ່ານ ຊີນແວສເຕີ ບູສ ເອກອັກຄະລັດຖະທູດຮົງກາລີປະຈໍາລາວ ໄດ້ເລົ່າ ຄືນປະຫວັດຄວາມເປັນມາ ແລະ ການພັດທະນາເສດຖະກິດ-ສັງຄົມຂອງ ຮົງກາລີ ຕະຫຼອດໄລຍະ 29 ປີ ພ້ອມທັງໄດ້ຍົກໃຫ້ເຫັນເຖີງ ການຮ່ວມມື ແລະ ສາຍພົວພັນ ມິດຕະພາບອັນສະໜິດແໜ້ນ ແລະ ເປັນມູນ ເຊື້ອລະຫວ່າງ ລາວ-ຮົງກາລີ-ລາວ ແລະ ປະຊາຊົນຂອງ ທັງສອງຊາດລາວ-ຮົງກາລີ. Continue reading
ມອບ-ຮັບ ໂຄງການຊ່ວຍເຫຼືອລາວ ກ່ຽວກັບການປ້ອງກັນ ແລະຄວບຄຸມພະຍາດສັດຂ້າມຊາຍແດນ
ເພື່ອເປັນການເພີ່ມທະວີວຽກງານການຮ່ວມມື ລະຫວ່າງ ລາວ-ຈີນ ກ່ຽວກັບການຄວບຄຸມພະຍາດສັດຂ້າມຊາຍແດນ. ໃນວັນທີ 26 ຕຸລາ ທີ່ຜ່ານມາ. ໄດ້ມີພິທີມອບ-ຮັບ ໂຄງການຊ່ວຍເຫຼືອລາວ ກ່ຽວກັບການປ້ອງກັນ ແລະຄວບຄຸມພະຍາດສັດຂ້າມຊາຍແດນ ທີບ້ານຈັນສະຫວ່າງ, ເມືອງສີໂຄດຕະບອງ, ນະຄອນຫຼວງວຽງຈັນ. ໃຫ້ກຽດເຂົ້າຮ່ວມໂດຍທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງກະສິກໍາ ແລະປ່າໄມ້, ທ່ານ ຫວ່າງ ຊີຮຸຍ ທີ່ປຶກສາດ້ານເສດຖະກິດ-ການຄ້າ ຂອງເອກອັກຄະລັດຖະທູດ ສປ.ຈີນ ປະຈໍາລາວ. ມີຜູ້ແທນມາຈາກຫ້ອງການ, ກົມອ້ອມຂ້າງກະຊວງ, ຜູ້ຕ່າງໜ້າບໍລິສັດຮັບເໝົາກໍ່ສ້າງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. Continue reading
ມອບ-ຮັບ ແນວພັນຖົ່ວດິນ ແລະ ຝຸ່ນປຸ໋ຍອິນຊີ ໃຫ້ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ
ເພື່ອເປັນການຍົກລະດັບມາດຕະຖານການຜະລິດກະສິກໍາທີ່ດີ ແລະການຫັນເປັນອຸດສາຫະກໍາທີ່ທັນສະໄໝ, ນໍາໃຊ້ເຕັກໂນໂລຊີ ແລະນະວັດຕະກໍາໃໝ່ ທີ່ເໝາະສົມ ຊ່ວຍຂັບເຄື່ອນຂະບວນການຜະລິດ. ໃນວັນທີ 24 ຕຸລາ 2018 ນີ້ ໄດ້ມີພິທີມອບ-ຮັບ ແນວພັນຖົ່ວດິນ ຈໍານວນ 20 ໂຕນ ແລະຝຸ່ນປຸ໋ຍອິນຊີ ຈໍານວນ 200 ຊຸດ ໃຫ້ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ ຢູ່ເມືອງ ທຸລະຄົມ, ແຂວງ ວຽງຈັນ ລະຫວ່າງ ສະມາຄົມສົ່ງເສີມ ແລະພັດທະນາກະສິກໍາລາວ ກັບ ກຸ່ມຜະລິດກະສິກໍາ ຢູ່ວັດກາງ ບ້ານ ລິງຊັນ, ເມືອງ ທຸລະຄົມ, ແຂວງ ວຽງຈັນ. ໃຫ້ກຽດເຂົ້າຮ່ວມໂດຍທ່ານ ທອງວັນ ວິໄລເຮືອງ ການນໍາກະຊວງ ກະສິກໍາ ແລະປ່າໄມ້. ມີຮອງຫົວໜ້າຫ້ອງການກະຊວງ, ຂັ້ນກົມ, ພະແນກກະສິກໍາ ແລະ ປ່າໄມ້ແຂວງ-ເມືອງ, ປະທານສະມາຄົມພັດທະນາກະສິກໍາລາວ ພ້ອມດ້ວຍຊາວກະສິກອນ ກຸ່ມຜະລິດກະສິກໍາ ບ້ານ ລິງຊັນ ເຂົ້າຮ່ວມຢ່າງພ້ອມພຽງ. Continue reading
ປາຖະກະຖາ ເນື່ອງໃນວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກ
ເພື່ອປະກອບສ່ວນເຂົ້າໃນວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະລຶບລ້າງຄວາມທຸກຍາກ ໂດຍສະເພາະແມ່ນການຄໍ້າປະກັນສະບຽງອາຫານ, ສົ່ງເສີມການຜະລິດເປັນສິນຄ້າ ແລະປັບປຸງໂພຊະນາການ ຊື່ງຜ່ານມາ ເຮັດໃຫ້ວຽກງານດັ່ງກ່າວກາຍເປັນໜ້າທີ່ທົ່ວພັກທົ່ວລັດທົ່ວປວງຊົນຢ່າງແທ້ຈິງ. ໃນອາທິດຜ່ານມາ, ກະຊວງກະສິກໍາ ແລະປ່າໄມ້ ໄດ້ຈັດປາຖະກະຖາ ເນື່ອງໃນວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ຕໍ່ກະຊວງຖະແຫຼງຂ່າວ ວັດທະນະທໍາ ແລະທ່ອງທ່ຽວ ຢູ່ ຫ້ອງປະຊຸມຫໍ່ສະໝຸດແຫ່ງຊາດ ຫຼັກ 6 ໃຫ້ກຽດປາຖະກະຖາໂດຍທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກໍາ ແລະ ປາ່ໄມ້. ເຂົ້າຮ່ວມມີ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວ ວັດທະນະທໍາ ແລະທ່ອງທ່ຽວ, ມີຫົວໜ້າຫ້ອງການກະຊວງ, ຫົວໜ້າກົມ ແລະຮອງກົມ ພ້ອມດ້ວຍ ພະນັກງານຫຼັກແຫຼ່ງທົ່ວກະຊວງເຂົ້າຮ່ວມ. Continue reading
ສໍາມະນາ ວັນອາຫານໂລກ, ວັນສາກົນ ແລະວັນສັບປະດາແຫ່ງຊາດ ເພື່ອລຶບລ້າງຄວາມທຸກຍາກ
ເພື່ອເລັ່ງໃສ່ເປົ້າໝາຍຮັບປະກັນຄວາມໝັ້ນຄົງທາງດ້ານສະບຽງອາຫານ, ຜະລິດສິນຄ້າກະສິກໍາ ທີ່ມີທ່າແຮງຕາມທິດພັດທະນາກະສິກໍາສະອາດ ປອດໄພ ແລະຍືນຍົງ ບົນພື້ນຖານການຫັນເປັນອຸສາຫະກໍາທັນສະໄໝ ຕິດພັນກັບການພັັດທະນາຊົນນະບົດ ແລະພັດທະນາປ່າໄມ້ ເພື່ອເປັນແຫຼ່ງສະໜອງວັດຖຸດິບທີ່ບໍ່ບົກແຫ້ງ ແລະປະກອບສ່ວນສ້າງພື້ນຖານເສດຖະກິດແຫ່ງຊາດ. ໃນຕອນບ່າຍວັນທີ 16 ຕຸລາ 2018 ກະຊວງກະສິກໍາ ແລະປ່າໄມ້ ໄດ້ຈັດພິທີສໍາມະນາ ວັນອາຫານໂລກ, ວັນສາກົນ ແລະວັນສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ທີ່ສະຖາບັນຄົ້ນຄວ້າກະສິກຳ, ປ່າໄມ້ ແລະພັດທະນາຊົນນະບົດ ໃຫ້ກຽດເປັນປະທ່ານຮ່ວມໂດຍ ທ່ານ ປອ ບຸນທອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳ, ປ່າໄມ້ ແລະພັດທະນາຊົນນະບົດ, ທ່ານ ນາງ ອາລິຊັນ ໂຮບ ມໍຣ ຜູ້ຕາງໜ້າຈາກ ອົງການອາຫານ ແລະ ການກະເສດ ປະຈໍາ ພາກພື້ນ ອາຊີ-ປາຊີຟິກ, ທ່ານ ນ.ມາກາເຣັດ ຈອນ ວິນລຽມ ຕາງໜ້າອົງການສະຫະປະຊາຊາດ ປະຈໍາລາວ. ມີບັນດາຫົວໜ້າກົມ, ຮອງກົມ ພ້ອມດ້ວຍພາກສ່ວນກ່ຽວຂ້ອງ ແລະນັກຮຽນນັກສຶກສາເຂົ້າຮ່ວມ. Continue reading
ພິທີສະເຫຼີມສະຫຼອງວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ປະຈໍາປີ 2018
ໃນວັນທີ 16 ຕຸລາ 2018 ໄດ້ມີພິທີສະເຫຼີມສະຫຼອງວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມ ທຸກຍາກ ປະຈຳປີ 2018, ຊຶ່ງຈັດຂຶ້ນໂດຍກະຊວງກະສິ ກຳ ແລະປ່າໄມ້ ຮ່ວມກັບ ອົງການອາຫານ ແລະການກະເສດ FAO, ອົງການເພື່ອການພັດທະນາ ແຫ່ງສະຫະປະຊາຊາດ. ໃຫ້ກຽດເປັນປະທານໂດຍ ທ່ານ ສອນໄຊ ສີພັນດອນ ຮອງນາຍົກລັດ ຖະມົນຕີ, ທ່ານ ປອ. ລຽນ ທິແກ້ວ ລັດຖະມົນຕີກະຊວງກະສິກໍາ ແລະປ່າໄມ້, ມີຮອງລັດຖະມົນຕີ, ຜູ້ຕາງໜ້າອົງການຈັດຕັ້ງສາກົນ ແລະພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ລັດຖະມົນຕີກະຊວງກະສິກໍາ ແລະປ່າໄມ້ ໄດ້ໃຫ້ກຽດກ່າວໃນພິທີວ່າ: ສຳລັບ, ປະເທດເຮົາ ການສະເຫຼີມສະຫຼອງວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກປີນີ້ ແມ່ນຢູ່ໃນເງື່ອນໄຂທີ່ປະຊາຊົນເຮົາສາມາດຍາດໄດ້ຜົນສຳເລັດຫຼາຍດ້ານ ໃນການຈັດຕັ້ງປະຕິບັດຍຸດທະສາດການເຕີບໂຕ ແລະລຶບລ້າງຄວາມທຸກຍາກແຫ່ງຊາດ (NGPES) ຕະຫຼອດໄລຍະ 15 ປີຜ່ານມາ (2003-2018) ແລະໃນໄລຍະເຄິ່ງສະໄໝຂອງແຜນພັດທະນາເສດຖະກິດ-ສັງຄົມ ແຫ່ງລັດ 5 ປີຄັ້ງທີ VIII ເປັນ ຕົ້ນແມ່ນ ສປປລາວ ໄດ້ບັນລຸຫຼາຍເງື່ອນໄຂ ຂອງການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ, ມີສະຖຽນລະພາບດ້ານການເມືອງ, ເສດຖະກິດ ມີການເຕີບໂຕຢ່າງຕໍ່ເນື່ອງ, ສັງຄົມມີຄວາມສະຫງົບ ເປັນລະບຽບຮຽບຮ້ອຍ, ອົງການປົກຄອງທ້ອງຖິ່ນຮາກຖານ ໄດ້ຮັບການປັບປຸງໃຫ້ເຂັ້ມແຂງຂຶ້ນຕາມທິດ 3 ສ້າງ, ການແກ້ໄຂຄວາມທຸກຍາກ, ການຄ້ຳປະກັນຄວາມໝັ້ນຄົງດ້ານສະບຽງອາຫານ ແລະສົ່ງເສີມການຜະລິດເປັນສິນຄ້າ ກໍມີຄວາມຄືບໜ້າເປັນຢ່າງດີ.
ເພື່ອເຮັດພິທີດັ່ງກ່າວມີຄວາມໝາຍຄວາມສໍາຄັນ ຄະນະປະທານນໍາໂດຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ໃຫ້ກຽດຕັດແຖບຜ້າ, ລັ່ນຄ້ອງ 9 ບາດ ແລະ ປ່ອຍປຸມເປົ້າ ເພື່ອເປີດງານດັ່ງກ່າວຢ່າງເປັນທາງການ. ໂອກາດນີ້ ຄະນະປະທານ ພ້ອມດ້ວຍແຂກທີ່ເຂົ້າຮ່ວມ ໄດ້ທ່ຽວຊົມການວາງສະແດງສິນຄ້າພາຍໃນງານ ນໍາອີກ. ສຳລັບ ງານດັ່ງກ່າວແມ່ນຈະດຳເນີນໄປເປັນເວລາ 5 ວັນເຕັມ ແຕ່ວັນທີ 15 – 19 ຕຸລາ 2018, ທີ່ສະຖາບັນຄົ້ນຄວ້າກະສິກຳ, ປ່າໄມ້ ແລະພັດທະນາຊົນນະບົດ, ຊຶ່ງພາຍໃນງານດັ່ງກ່າວມີການວາງສະແດງ ແລະຂາຍສິນຄ້າ ມາຈາກບັນດາລັດ ແລະຫົວໜ່ວຍທຸລະກິດທັງໝົດ 228 ຮ້ານ.
ພາບ ແລະ ຂ່າວໂດຍ: ພະແນກໂຄສະນາ ແລະ ຂ່າວສານ
ກະຊວງກະສິກໍາ ແລະ ປ່າໄມ້ ເປີດນໍາໃຊ້ສູນພັດທະນາການປະມົງ
ໃນວັນທີ 19 ຕຸລາ 2018 ນີ້, ກົມລ້ຽງສັດ ແລະ ການປະມົງ, ກະຊວງກະສິກໍາ ແລະ ປ່າໄມ້ ໄດ້ຈັດພິທີເປີດນໍາໃຊ້ ສູນພັດທະນາການປະມົງຂື້ນທີ່ບ້ານ ສິວິໄລ ເມືອງ ນາຊາຍທອງ ນະຄອນຫຼວງວຽງຈັນ, ເປັນກຽດເຂົ້າຮ່ວມໂດຍ ທ່ານ ປອ ລຽນ ທີແກ້ວ ລັດຖະມົນຕີ ກະຊວງ ກະສິກໍາ ແລະ ປ່າໄມ້, ທ່ານ ທາເກຊິ ຮິກິຮະຣະ ເອກອັກຄະລັດຖະທູດຢີ່ປຸ່ນປະຈໍາ ລາວ, ມີຫົວໜ້າຫ້ອງການ ຮ່ວມມືສາກົນໄຈກາປະຈໍາລາວ, ອົງການປົກ ຄອງທ້ອງຖິ່ນ, ຕາງໜ້າຈາກວິທະຍາໄລ, ບັນດາກົມສະຖາບັນ ອ້ອມຂ້າງກະຊວງ ກະສິກໍາ ແລະ ປ່າໄມ້ເຂົ້າຮ່ວມ. Continue reading
ລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະຜູ້ແທນ ເຂົ້າຮ່ວມກອງປະຊຸມລັດຖະມົນຕີ ກະສິກໍາ ແລະ ປ່າໄມ້ອາຊຽນ ຄັ້ງທີ 40 ແລະ ກອງປະຊຸມທີ່ກ່ຽວຂ້ອງ
ໃນລະຫວ່າງ ວັນທີ 10-14 ຕຸລາ 2018, ທ່ານ ປອ. ລຽນ ທີແກ້ວ ລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະຜູ້ແທນໄດ້ເຂົ້າຮ່ວມກອງປະຊຸມລັດຖະມົນຕີ ກະສິກຳ ແລະ ປ່າໄມ້ ອາຊຽນ ຄັ້ງທີ 40, ກອງປະຊຸມລັດຖະມົນຕີ ກະສິກຳ ແລະ ປ່າໄມ້ ອາຊຽນ+3ຄັ້ງທີ 18, ກອງປະຊຸມລັດຖະມົນຕີກະສິກຳ ແລະ ປ່າໄມ້ ອາຊຽນແລະ ລັດຖະມົນຕີ ສປ ຈີນ (GeneralAdministration of Customs, China–GACC) ກ່ຽວກັບການຮ່ວມມືດ້ານສຸຂານາໄມ ແລະ ສຸຂານາໄມພືດ ອາຊຽນ ຄັ້ງທີ 6ແລະ ກອງປະຊຸມທີ່ກ່ຽວຂ້ອງທີ່ໄດ້ຈັດຂື້ນ ທີ່ ຮ່າໂນ້ຍ, ສສ ຫວຽດນາມ.ຈຸດປະສົງຂອງກອງປະຊຸມດັ່ງກ່າວແມ່ນເພື່ອລາຍງານຜົນການຈັດຕັ້ງປະຕິບັດວຽກງານໃນຊຸມປີຜ່ານມາ ແລະ ແຜນຕໍ່ໜ້າໃນຂອບການຮ່ວມມືດ້ານສະບຽງອາຫານ,ກະສິກຳແລະປ່າໄມ້ອາຊຽນ ແລະ ການຮ່ວມມື ກັບ ບັນດາປະເທດ+3 (ຍີປຸ່ນ, ສປ.ຈີນ ແລະ ສ.ເກົາຫຼີ) ແລະ ບັນດາຄູ່ຮ່ວມພັດທະນາຕ່າງໆ ທີ່ກ່ຽວຂ້ອງ.
ໃນກອງປະຊຸມລັດຖະມົນຕີ ກະສິກຳ ແລະ ປ່າໄມ້ ອາຊຽນ ຄັ້ງທີ 40ໄດ້ຕົກລົງຮັບຮອງເອົາເອກະສານທັງໝົດ 23 ສະບັບ ເຊິ່ງເປັນເອກະສານທາງດ້ານນະໂຍບາຍ, ແຜນການ ແລະ ເຕັກນິກໃນວຽກງານກະສິກໍາ ແລະ ປ່າໄມ້. ພ້ອມດຽວກັນ ໃນກອງປະຊຸມລັດຖະມົນຕີ ກະສິກຳ ແລະ ປ່າໄມ້ ອາຊຽນ+3 ຄັ້ງທີ 18 ໄດ້ຈັດພິທີເຊັນສັນຍາ ແລະ ບົດບັນທຶກຄວາມເຂົ້າໃຈ ທັງໝົດຈໍານວນ 3 ສະບັບ ປະກອບມີ: (i) ສັນຍາວ່າດ້ວຍ ຄັງແຮເຂົ້າສຸກເສີນ ອາຊຽນ+3; (ii) ບົດບັນທຶກຄວາມເຂົ້າໃຈລະຫວ່າງ ປະເທດສະມາຊິກອາຊຽນ ແລະ ອົງການອາຫານ ແລະ ການກະເສດ (FAO) ວ່າດ້ວຍການສ້າງຄວາມເຂັ້ມແຂງການຮ່ວມມືໃນວຽກງານກະສິກຳ ແລະ ປ່າໄມ້; ແລະ (iii) ບົດບັນທຶກຄວາມເຂົ້າໃຈລະຫວ່າງ ອາຊຽນ-ສປຈີນວ່າດ້ວຍການຮ່ວມມືດ້ານອາຫານ ແລະ ກະສິກຳ.
ໃນໄລຍະກອງປະຊຸມ ລັດຖະມົນຕິກະສິກຳ ແລະ ປ່າໄມ້ ອາຊຽນ ທ່ານລັດຖະມົນຕີ ພ້ອມດ້ວຍຕະນະຍັງໄດ້ເຂົ້າຮ່ວມກອງປະຊຸມພົບປະສອງຝ່າຍຮ່ວມກັບລັດຖະມົນຕີກະຊວງ ກະສິກໍາ ແລະ ພັດທະນາຊົນນະບົດ ສສ ຫວຽດນາມ ເຊິ່ງໃນກອງປະຊຸມໄດ້ມີການລາຍງານສະພາບການຜະລິດ ແລະ ປຶກສາຫາລືທິດທາງການຮ່ວມມືໃນຕໍ່ໜ້າຂອງທັງສອງຝ່າຍ. ພ້ອມດຽວກັນນີ້ ຄະນະຜູ້ແທນຍັງໄດ້ຢ້ຽມຢາມ ບ້ານກະສິກໍາພັດທະນາ ຕາແສງຄັນຕຽນ, ການຜະລິດຂອງບໍລິສັດຫຸ້ນສ່ວນປຸງແຕ່ງກະສິກໍາເພື່ອສົ່ງອອກໄປເອີຣົບ ແລະ ອາເມລິກາ (Dong Giao JSC), ແລະ ສະຖານີສູບນໍ້າຊົນລະປະທານ ບິງໂບະ ແຂວງ ພູທອກ ເພື່ອເປັນການແລກປ່ຽນບົດຮຽນ ແລະ ສົ່ງເສີມການຮ່ວມມືດ້ານ ກະສິກໍາ ແລະ ປ່າໄມ້.
