Khemmalay SONDAVANH
ກອງປະຊຸມຄັ້ງປະຖົມມະລຶກ ໂຄງການສ້າງຕັ້ງສູນຝຶກອົບຮົມ ຮ່ວມມື ລາວ-ສ.ເກົາຫຼີ ດ້ານຊົນລະປະທານ
ໂຄງການສ້າງຕັ້ງສູນຝຶກອົບຮົມ ຮ່ວມມື ລາວ-ສ.ເກົາຫຼີ ດ້ານຊົນນະບົດ ເປັນໂຄງການໜຶ່ງທີ່ມີຄວາມໝາຍຄວາມສຳຄັນ ໃນການເສີມຂະຫຍາຍຄວາມຮູ້ຄວາມສາມາດ ໃຫ້ພະນັກງານວິຊາການຂອງຂະແໜງພັດທະນາຊັບພະຍາກອນນ້ຳ, ຊົນລະປະທານ ແລະ ການຄວບຄຸມກວດກາຄຸນນະພາບການກໍ່ສ້າງພື້ນຖານໂຄງລ່າງຊົນລະປະທານ ທັງພາກລັດ ແລະ ເອກະຊົນຫັນເປັນທັນສະໄໝ ເປັນວຽກງານໜຶ່ງທີ່ປະກອບສ່ວນເຂົ້າໃນການຈັດຕັ້ງຜັນຂະຫຍາຍ ຍຸດທະສາດພັດທະນາກະ ສິກໍາ ຮອດປີ 2025 ແລະ ວິໃສທັດຮອດປີ 2030 ເວົ້າລວມ, ເວົ້າສະເພາະແມ່ນ ແຜນງານການສ້າງຄວາມເຂັ້ມແຂງ ໃຫ້ແກ່ຂະແໜງການຊົນລະປະທານ. Continue reading
ຂໍ້ມູນລາຍງານການລະບາດສັດຕູພືດ ແລະ ແມງໄມ້ຕາມເວລາຈິງ ຈາກລະບົບອຸຕຸກະເສດ ສປປ ລາວ.
ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຮ່ວມມືເຮັດວຽກປະສານງານກັບ ກົມຄຸ້ມຄອງ ແລະ ພັດທະນາທີ່ດິນກະສິກຳ, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະ ນາຊົນນະບົດ, ກົມປູກຝັງ (ສູນປ້ອງກັນພືດ), ກະຊວງກະສິກຳ ແລະ ປ່າໄມ້. ຮວ່ມກັນພັດທະນາລະບົບ ບໍລິການຂໍ້ມູນອຸຕຸກະເສດ ຂອງ ສປປ ລາວ, ພາຍໃຕ້ການສະໜັບສະໜູນທຶນຮອນ ແລະ ເຕັກນິກ ຈາກອົງການ ອາຫານ ແລະ ການກະເສດແຫ່ງສະຫະປະຊາຊາດ ປະຈຳ ສປປ ລາວ. Continue reading
ເດັກນ້ອຍບ້ານນາໄຊໄດ້ກິນອາຫານທີ່ມີໂພຊະນາການ
ວັນທີ 23 ມັງກອນ 2022, ກຸ່ມໂພຊະນາການ ບ້ານ ນາໄຊ, ເມືອງ ບຸນໃຕ້, ແຂວງ ຜົ້ງສາລີ ໄດ້ ສາທິດການປຸ່ງແຕ່ງອາຫານ ໃຫ້ເດັກອາຍຸ 6-23 ເດືອນ, ຈໍານວນ 15 ຄົນ. ການແຕ່ງກິນໃນຄັ້ງນີ້ ໄດ້ຕົ້ມເຂົ້າປຽກຕາມສູດທີ 7 ຂອງກຸ່ມໂພຊະນາການບ້ານ ໂດຍມີສ່ວນປະກອບ ຄື: ແປ້ງບົດ (ເຮັດມາຈາກເຂົ້າ ຈ້າວ ແລະ ຖົ່ວຂຽວ) ຈຳນວນ 50 ກຼາມ, ນົມຈືດ 125 ມິນລີກຼາມ ແລະ ໝາກອຶ 40 ກຼາມ. ຊຶ່ງມີວິທີການປຸງແຕ່ງດັ່ງນີ້: Continue reading
ກອງທຶນຫຼຸດຜ່ອນຄວາມທຸກຍາກ (ທລຍ) ປະກອບສ່ວນເຂົ້າ ໃນການປັບປຸງວຽກງານໂພຊະນາການ ຢູ່ 4 ແຂວງ ພາກເໜືອ ຂອງລາວ
ກອງປະຊຸມປະຈຳປີ 2021 ຂອງແຜນງານໜຶ່ງດຽວທີ່ມີສ່ວນຮ່ວມຈາກຫຼາຍຂະແໜງການ ເພື່ອປັບປຸງວຽກງານໂພຊະນາການ ຢູ່ 4 ແຂວງພາກເໜືອຂອງລາວ, ທີ່ຈັດຂຶ້ນໃນວັນທີ 31/1 -1/2/2022, ທີ່ແຂວງອຸດົມໄຊ. ພາຍໃຕ້ການເປັນປະທານຮ່ວມຂອງ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ອ່ອນແກ້ວ ອຸ່ນອາລົມ ຮອງເຈົ້າແຂວງໆອຸດົມໄຊ. ເຊິ່ງມີ ທ່ານ ປອ ສຸລິອຸດົງ ສູນດາລາ ຮອງລັດຖະມົນ ຕີກະຊວງສຶກສາທິການ ແລະ ກິລາ, ທ່ານ ອາເລັກຊານເດີ ເຄຣັມເມີ ຫົວໜ້າຫ້ອງການຜູ້ຕາງໜ້າທະນາຄານໂລກປະຈຳລາວ ແລະ ມີຜູ້ຕາງໜ້າຈາາກບັນດາຂະແໜງແຜນການທີ່ກ່ຽວຂ້ອງ ເຊັ່ນ: ຂະແໜງກະສິກຳ ແລະ ປ່າໄມ້, ສາທາລະນະສຸກ ແລະ ຂະແໜງໂຍທາທິການ ແລະ ຂົນສົ່ງ ນັບແຕ່ຂັ້ນສູນກາງ, 4 ແຂວງ ແລະ 12 ເມືອງເປົ້າ ໝາຍຂອງແຜນງານເຂົ້າຮ່ວມ. Continue reading
23 ບ້ານຂອງເມືອງຊໍາໃຕ້, ແຂວງ ຫົວພັນ ປ່ອຍເງິນກູ້ຢືມຈາກເງິນຕົ້ນທຶນໝູນວຽນ ໃຫ້ສະມາຊິກກຸ່ມຊ່ວຍເຫຼືອກັນ
ໃນລະຫວ່າງເດືອນກັນຍາ ຫາ ເດືອນທັນວາ ປີ 2021 ກຸ່ມຊ່ວຍເຫລືອກັນ (ກຊກ) ໃນ 23 ບ້ານ ຂອງເມືອງ ຊໍາໃຕ້, ແຂວງ ຫົວພັນ ໄດ້ປ່ອຍເງິນກູ້ຢືມຈາກເງິນຕົ້ນທຶນໝູນວຽນ ໃຫ້ແກ່ສະມາຊິກກຸ່ມຊ່ວຍເຫລືອກັນ (ກຊກ) ຈຳນວນ 685 ຄົນ (ຍິງ 684 ຄົນ) ເພື່ອໄປເຮັດກິດຈະກຳສ້າງລາຍຮັບ ເຊັ່ນ: ລ້ຽງສັດປີກ, ລ້ຽງຫມູ, ລ້ຽງແບ້, ລ້ຽງປາ, ລ້ຽງມ້ອນ, ຕໍ່າຫູກ ແລະ ຄ້າຂາຍຍ່ອຍ ເປັນຈຳນວນເງິນທັງໝົດ 1.021.552.000 ກີບ ໃນອັດຕາດອກເບ້ຍ 0,5% ຕໍ່ເດືອນ ເຊຶ່ງການຊໍາລະເງິນຕົ້ນທຶນ ແລະ ດອກເບ້ຍ ແມ່ນກໍານົດ 1 ປີ ຈຶ່ງຈະເກັບເງິນກູ້ຄືນ ເພື່ອໃຫ້ສະມາຊິກຜູ້ອື່ນຢືມຕໍ່. ລາຍລະອຽດການກູ້ຢືມຂອງສະມາຊິກ ກຸ່ມຊ່ວຍເຫລືອກັນ (ກຊກ) ເພື່ອເຮັດກິດຈະກໍາສ້າງລາຍໃນນັ້ນມີ 26 ຄົນ ຢືມເງິນ 34.200.000 ກີບ ເພື່ອລ້ຽງແບ້; 341 ຄົນ ຢືມເງິນ 557.952.000 ກີບ ເພື່ອລ້ຽງໝູ; 224 ຄົນ ຢືມເງິນ ຈຳນວນ 280.900.000 ກີບ ເພື່ອລ້ຽງສັດປິກ; 86 ຄົນ ຢືມເງິນ ຈຳນວນ 126.000.000 ກີບ ເພື່ອຕໍ່າຫູກ ແລະ 8 ຄົນ ຢືມເງິນ ຈຳນວນ 22,500,000 ກີບ ເພື່ອປູກມອນລ້ຽງມ້ອນ. Continue reading
ການພະຍາກອນລະດູການ 3 ຫາ 6 ເດືອນລ່ວງໜ້າ ຈາກລະບົບອຸຕຸກະເສດ ສປປ ລາວ
ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຮ່ວມມືເຮັດວຽກປະສານງານກັບ ກົມຄຸ້ມຄອງ ແລະ ພັດທະນາທີ່ດິນກະສິກຳ, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ, ສູນປ້ອງກັນພືດ, ກົມປູກຝັງ, ກະຊວງກະສິກຳ ແລະ ປ່າໄມ້. ໄດ້ຮວ່ມກັນພັດທະນາລະບົບການບໍລິການຂໍ້ມູນອຸຕຸກະເສດ ຂອງ ສປປ ລາວ ພາຍໃຕ້ການສະໜັບສະໜູນທຶນຮອນ ແລະ ເຕັກນິກຈາກ ອົງການອາຫານ ແລະ ການກະເສດ ແຫ່ງສະຫະປະຊາຊາດ ປະຈຳ ສປປ ລາວ. Continue reading
ຄວາມໜາຍ ແລະ ການນຳໃຊ້ ຄ່າດັດສະນີອຸນຫະພູມຄວາມຮອ້ນສະສົມ (GDD) ຈາກລະບົບອຸຕຸກະເສດ ສປປ ລາວ
ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຮ່ວມມື ເຮັດວຽກປະສານງານ ກັບກະຊວງກະສິກຳ ແລະ ປ່າໄມ້ ຄື: ກົມຄຸ້ມຄອງ ແລະ ພັດທະນາທີ່ດິນກະສິກຳ, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ, ກົມປູກຝັງ (ສູນປ້ອງກັນພືດ). ໄດ້ຮວ່ມກັນພັດທະນາລະບົບບໍລິການຂໍ້ມູນອຸຕຸກະເສດ ຂອງ ສປປ ລາວ ພາຍໃຕ້ການສະໜັບສະໜູນທຶນຮອນ ແລະ ເຕັກນິກຈາກອົງການອາຫານ ແລະ ການກະເສດແຫ່ງສະຫະປະຊາຊາດ ປະຈຳ ສປປ ລາວ.
ລະບົບອຸຕຸກະເສດ ຂອງ ສປປ ລາວ ແມ່ນລະບົບ ເວັບ ແລະ ແອັບອອນລາຍ ທີ່ສາມາດເຂົ້າເຖິງໄດ້ທຸກສະຖານທີ່ໆ ມີອິນເຕີເນັດ ໂດຍຜ່ານທາງໂມບາຍໂຟນ ແລະ ຄອມພິວເຕີ້. ການບໍລິການຂໍ້ມູນອຸຕຸກະເສດ ແມ່ນອົງປະກອບເຫຼັກອັນ ໜຶ່ງຂອງລະບົບ ທີ່ປະກອບດ້ວຍບົດຂ່າວອຸຕຸກະເສດ (ປະຈຳອາທິດ ແລະ ປະຈຳເດືອນ), ດັດສະນີອຸຕຸກະເສດ ແລະ ແຜນທີ່ຄວາມສ່ຽງສະພາບແຫ້ງແລ້ງ ແລະ ອາກາດຮ້ອນເອົ້າ. ບັນດາຄວາມສ່ຽງອຸຕຸກະເສດທັງໜົດ ມີ 6 ດັດສະນີຕົວຊີ້ ວັດ ຄື: ຄ່າດັດສະນີອຸນຫະພູມຄວາມຮອ້ນສະສົມ ຫຼື GDD, ນ້ຳຝົນ, ໄພແຫ້ງແລ້ງ, ອາດກາດຮ້ອນເອົ້າ, ອາກາດໜາວ ເຢັນ ແລະ ສັດລ້ຽງກັບອາກາດຮ້ອນເອົ້າ.
ອຸນຫະພູມສະສົມໃນປີ ຄ່າດັດສະນີອຸນຫະພູມຄວາມຮອ້ນສະສົມ ຫຼື GDD ເປັນຂໍ້ມູນທີ່ສຳຄັນໃຫ້ແກ່ນັກຊ່ຽວ ຊານທາງກະສິກຳນຳໃຊ້ ເພື່ອສຶກສາເບິ່ງວ່າສະພາບອາກາດແຕ່ລະໄລຍະອົບອຸຸ່ນ ພຽງພໍກັບການຈະເລີນເຕີບໂຕຂອງພືດ ຕາມມາດຖານການຂະຫຍາຍຕົວຂອງພືດຕາມອຸນຫະພູມ. ມາດຖານກຳນົດຄ່າດັດສະນີ ການສະສົມອຸນຫະພູມໃນປີ ການສະສົມ ແມ່ນເມື່ອໃດທີ່ອຸນຫະພູມສະເລ່ຍໃນມື້ ຫາກສູງກວ່າເກນອຸນຫະພູມມາດຖານ ແມ່ນຈະຖືກລວມເຂົ້າກັນ ເຊັ່ນວ່າ: ການສະສົມອຸນຫະພູມສູງກ່ວາ 5 ອົງສາເຊ (GDD 5°C) ປະຈຳປີ ແມ່ນອຸນຫະພູມສະເລ່ຍປະຈຳວັນທີ່ສູງກວ່າ 5 ອົງສາເຊ ແມ່ນຈະຖືກສັງລວມສຳລັບທຸກໆມື້ໃນປີ, ການສະສົມອຸນຫະພູມສູງກ່ວາ 10 ອົງສາເຊ (GDD 10°C) ປະຈຳປີ ແມ່ນອຸນຫະພູມສະເລ່ຍປະຈຳວັນທີ່ສູງກວ່າ 10 ອົງສາເຊ ແມ່ນຈະຖືກສັງລວມສຳລັບທຸກໆມື້ໃນປີ.
ສຳລັບການນຳໃຊ້ຄ່າດັດສະນີດັ່ງກ່າວນີ້ ອຸນຫະພູມສະສົມປະຈຳປີ ສູງກວ່າ 5 ອົງສາເຊ ແມ່ນນຳໃຊ້ເພື່ອປະເມີນຜົນການຈະເລີນເຕີບໂຕຂອງສາລີ, ຜັກກາດ ແລະ ປະເພດພືດອາຫານສັດ; ສ່ວນອຸນຫະພູມສະສົມປະຈຳປີ ສູງກວ່າ 10 ອົງສາເຊ ໂດຍທົ່ວໄປແມ່ນຖືກນຳໃຊ້ ເພື່ອປະເມີນຜົນການຈະເລີນເຕີບໂຕ ຂອງ ສາລີ, ເຂົ້າ, ໜາກເລັ່ນ, ກາເຟ, ປະເພດພືດຕະກຸນຖົ່ວ ແລະ ການພັດທະນາຂອງແມງໄມ້ສັດຕູພືດ.
ໃນລະບົບອຸຕຸກະເສດຂອງ ສປປ ລາວ ລະບົບ ຫຼັກຊາ ແມ່ນໄດ້ປະມວນຜົນແບບອັດຕະໂນມັດ ຄ່າດັດສະນີສະສົມອຸນຫະພູມປະຈຳປີ ສຳລັບທຸກເມືອງທົ່ວປະເທດ ໃນໜ້າຕ່າງຄ່າດັດສະນີ GDD ແມ່ນໄດ້ສະແດງເສັ້ນກຼາບປຽບ ທຽບລະຫວ່າງຄ່າປັດຈຸບັນ ແລະ ຄ່າຄາດຄະເນ 7 ມື້ຂ້າງໜ້າ ກັບຄ່າໃນປີຜ່ານມາ. ຈາກການປະມວນຜົນຄ່າອຸນຫະພູມສະສົມ GDD ຂອງເມືອງ ພູກູດ, ແຂວງ ຊຽງຂວາງ ຄ່າປະມວນຜົນຄາດຄະເນຈາກວັນທີ 25-31 ມັງກອນ 2022 ຈາກເສັ້ນກຼາບໄດ້ສະແດງໃຫ້ເຫັນວ່າ: ປະລິມານຄວາມຮອ້ນອຸນຫະພູມສະສົມ ໃນໄລຍະວັນທີດຽວກັນຄ່າຂອງປີກາຍ ຈະສູງກວ່າຄ່າຄາດຄະເນຂອງປີນີ້ ນັ້ນສະແດງໃຫ້ເຫັນວ່າ: ຮອບວຽນການຈະເລີນເຕີບໂຕຂອງພືດທີ່ປູກ ແລະ ແມງໄມ້ ໃນໄລຍະເວລາດຽວກັນນັ້ນ ສຳລັບປີນີ້ຄາດຄະເນວ່າແກ່ຍາວກວ່າ ປີທີ່ຜ່ານມາ.
ຂໍ້ມູນເພີ້ມເຕີມ:
ລະບົບຫຼັກຊາແມ່ນໄດ້ຮັບທືນຊ່ວຍເຫຼືອຈາກ ໂຄງການໃຫ້ທືນໂດຍກອງທືນສິ່ງແວດລອ້ມໂລກ ຂອງອົງການ FAO ຜ່ານໂຄງການ ສ້າງຄວາມເຂັ້ມແຂງ ລະບົບຕິດຕາມ ແລະ ຂໍ້ມູນຂ່າວສານ ອຸຕຸກະເສດ ເພື່ອການປັບໂຕກັບການປ່ຽນແປງພູມອາກາດ ແລະ ຄ້ຳປະກັນສະບຽງອາຫານໃນ ສປປ ລາວ (SAMIS).
ທີ່ຢູ່ເວັບໄຊ້ຫຼັກຊາ: www.lacsa.net
ລະບົບເອບປຼີເກເຊີນ ແອນດຼອຍ: https://play.google.com/store/apps/details?id=com.fao.lacsa_app
ລະບົບເອບປຼີເກເຊີນ ແອບໂປ້: https://apps.apple.com/sg/app/lacsa/id1573693442
ຂໍ້ມູນປັບປູງເປັນປະຈຳສາມາດເຂົ້າເບິ່ງໄດ້ທີ່: https://www.facebook.com/samisdmh.
ມອບເຄື່ອງຊ່ວຍເຫຼືອໃຫ້ແກ່ຄອບຄົວທຸກຍາກ ຢູ່ບ້ານ ປາງສາ, ເມືອງ ນາໝໍ້, ແຂວງ ອຸດົມໄຊ
ໃນວັນທີ 14 ມັງກອນ 2022 ຜ່ານມາ, ທ່ານ ພັດນະຄອນ ຄັນທະມີໄຊ ຜູ້ອຳນວຍການບໍລິຫານ ກອງທຶນຫຼຸດຜ່ອນຄວາມທຸກຍາກ (ທລຍ), ກະຊວງກະສິກໍາ ແລະ ປ່າໄມ້, ພ້ອມດ້ວຍຄະນະ ໄດ້ນຳເອົາເຄືື່ອງນຸ່ງຫົ່ມ, ເຄື່ອງຮັບໃຊ້ໃນຄອບຄົວ ແລະ ອຸປະກອນການຮຽນຈໍານວນໜຶ່ງ ທີ່ຮິບໂຮມຈາກການບໍລິຈາກຂອງພາກສ່ວນຕ່າງໆ ມອບໃຫ້ຄອບຄົວທຸກຍາກ ຈຳນວນ 12 ຄອບຄົວ, ຢູ່ບ້ານ ປາງສາ, ເມືອງ ນາໝໍ້, ແຂວງ ອຸດົມໄຊ ໃນໄລຍະທີ່ລົງໄປເຄື່ອນໄຫວຊຸກຍູ້ວຽກງານຢູ່ພື້ນທີ່ເປົ້າໝາຍຂອງໂຄງການ ທລຍ. ເຄື່ອງຊ່ວຍເຫຼືອທີ່ມອບໃຫ້ໃນຄັ້ງນີ້ ປະກອບມີ: ເຄື່ອງນຸ່ງເດັກນ້ອຍ ອາຍຸ 4-6 ປີ ຈຳນວນ 1 ແກັດ, ເຄື່ອງນຸ່ງເດັກນ້ອຍ ອາຍຸ 5-8 ປີ ຈຳນວນ 1 ແກັດ, ເຄື່ອງນຸ່ງເດັກນ້ອຍ ອາຍຸ 8-9 ປີ ຈຳນວນ 1 ແກັດ, ເຄື່ອງນຸ່ງເດັກນ້ອຍ ອາຍຸ 5-10 ປີ ຈຳນວນ 4 ແກັດ, ເກີບເດັກນ້ອຍ ອາຍຸ 5-10 ປີ ຈຳນວນ 2 ແກັດ, ເສື້ອຜູ້ໃຫຍ່ ຈຳນວນ 1 ຖົງ, ກະເປົານັກຮຽນ ຈຳນວນ 1 ແກັດ, ຜ້າຫົ່ມໃຫຍ່ ຈຳນວນ 1 ຖົງ, ເສື້ອຊ້ອນໃນ ຈຳນວນ 2 ຖົງ ແລະ ໄຟສາຍ ຈຳນວນ 4 ໂຫຼ, ລວມເປັນມູນຄ່າທັງໝົດ 5 ລ້ານກວ່າກີບ. Continue reading
ຂັ້ນຕອນການປູກກະລ່ຳປີ ດ້ວຍຮູບແບບກະສິກຳທີ່ດີ ຫຼື GAP
ບ້ານ ອາສົກໃຫຍ່ ມີນໍ້າພຽງພໍໃນການຜະລິດກະສິກໍາ
ໃນປີ 2021 ຜ່ານມາ ກອງທຶນຫຼຸດຜ່ອນຄວາມທຸກຍາກ (ທລຍ), ກະຊວງກະສິກໍາ ແລະ ປ່າໄມ້ ໄດ້ຮັບທຶນສົມທົບຈາກລັດຖະບານລາວ ລວມທັງໝົດ 2 ຕື້ກວ່າກີບ ເພື່ອຈັດຕັ້ງປະຕິບັດໂຄງການຍ່ອຍຢູ່ 3 ເມືອງ ຂອງແຂວງ ສາລະວັນ ຄື: ເມືອງ ຕຸ້ມລານ, ຕະໂອ້ຍ ແລະ ເມືອງ ສະໝ້ວຍ. ຊຶ່ງເປັນເມືອງພູດອຍ ແລະ ນອນໃນແຜນພັດທະນາເມືອງທຸກຍາກ ຂອງແຂວງ ສາລະວັນ. Continue reading
