ຝຶກອົບຮົມ ກ່ຽວກັບວຽກງານ ຕ້ານ ແລະ ສະກັດກັ້ນ ການຄ້າ-ຂາຍສັດປ່າ ທີ່ຜິດກົດໝາຍ ໃຫ້ຄະນະປະສານງານເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ຳ ແລະ ສັດປ່າ ແລະ ກົດໝາຍວ່າດ້ວຍປ່າໄມ້ ຂັ້ນແຂວງ (P-WEN) ແຂວງ ບໍ່ແກ້ວ, ຫຼວງນ້ຳທາ ແລະ ແຂວງ ອຸດົມໄຊ

Published June 14, 2022 | By Khemmalay SONDAVANH

ຝຶກອົບຮົມ ກ່ຽວກັບວຽກງານ ຕ້ານ ແລະ ສະກັດກັ້ນ ການຄ້າ-ຂາຍສັດປ່າ ທີ່ຜິດກົດໝາຍ ໃຫ້ຄະນະປະສານງານເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ຳ ແລະ ສັດປ່າ ແລະ ກົດໝາຍວ່າດ້ວຍປ່າໄມ້ ຂັ້ນແຂວງ

(P-WEN) ແຂວງ ບໍ່ແກ້ວ, ຫຼວງນ້ຳທາ ແລະ ແຂວງ ອຸດົມໄຊ

ໃນລະຫວ່າງວັນທີ 13 ຫາ 18 ມິຖຸນາ 2022. ກົມກວດກາປ່າໄມ້, ກະຊວງກະສິກຳ ແລະ ປ່າໄມ້ ໄດ້ຈັດຝຶກອົບຮົມ ກ່ຽວກັບວຽກງານຕ້ານ ແລະ ສະກັດກັ້ນ ການຄ້າ-ຂາຍສັດປ່າ ທີ່ຜິດກົດ ໝາຍ ໃຫ້ແກ່ຄະນະປະສານ ງານເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ໍາ ແລະ ສັດປ່າ ແລະ ກົດ ໝາຍ ວ່າດ້ວຍປ່າໄມ້ ຂັ້ນແຂວງ (P-WEN) ຂຶ້ນ, ທີ່ຫ້ອງປະຊຸມໂຮງແຮມເດິ ແກຣນລີເວີຊາຍ II (The Grand Riverside II Hotel), ເມືອງ ວັງວຽງ, ແຂວງ ວຽງຈັນ. ໂດຍການເປັນປະທານຂອງ ທ່ານ ສຸນັນທາ ຈຸນລະມະນີ ຮອງຫົວໜ້າກົມກວດກາປ່າໄມ້, ມີຜູ້ເຂົ້າຮ່ວມຝຶກອົບຮົມ ທີ່ມາຈາກຄະ ນະປະສານງານ ເຄືອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ໍາ ແລະ ສັດປ່າ ແລະ ກົດໝາຍ ວ່າດ້ວຍ ປ່າໄມ້ ຂັ້ນແຂວງ (P-WEN) ຄື: ແຂວງ ບໍ່ແກ້ວ, ຫຼວງນ້ໍາທາ ແລະ ແຂວງ ອຸດົມໄຊ, ຕາງໜ້າຈາກກອງກວດກາປ່າໄມ້, ຂະແໜງປ່າໄມ້ ແລະ ກອງຄຸ້ມຄອງປ່າສະຫງວນ, ພະແນກຕໍາຫຼວດສິ່ງແວດລ້ອມ, ກອງກວດ ກາພາສີ, ອົງການໄອຍະການປະຊາຊົນ, ອົງການກວດກາລັດຂັ້ນແຂວງ ແລະ ຄູຝຶກຈາກອົງ ການ WWF-Laos ແລະ ອົງການ Traffic, ເຂົ້າຮ່ວມທັງໝົດ 90 ທ່ານ, ຍິງ 11 ທ່ານ.

ຈຸດປະສົງຂອງການຝຶກອົບຮົມໃນຄັ້ງນີ້ ເພື່ອເປັນການສ້າງຄວາມເຂັ້ມແຂງ ແລະ ແລກປ່ຽນ ບົດຮຽນ ໃຫ້ແກ່ບັນດາພາກສ່ວນ ທີ່ຢູ່ໃນຄະນະປະສານງານເຄືອຂ່າຍບັງຄັບໃຊ້ກົດໝາຍ ວ່າດ້ວຍ ສັດນ້ໍາ ແລະ ສັດປ່າ ແລະ ກົດ ໝາຍ ວ່າດ້ວຍປ່າໄມ້ ຂັ້ນແຂວງ (P-WEN) ກ່ຽວກັບວຽກງານ ການຕ້ານ ແລະ ສະກັດກັ້ນ ການຄ້າ-ຂາຍສັດປ່າ ທີ່ຜິດກົດໝາຍ ໂດຍເນັ້ນໃສ່ການການນໍາສະເໜີ ກ່ຽວກັບ ບັນຊີປະເພດສັດປ່າຫວງຫ້າມທີ່ໃກ້ຈະສູນພັນ ທີ່ນອນຢູ່ໃນສົນທິສັນຍາສາກົນ ວ່າດ້ວຍ ການຄ້າຂາຍຊະນິດພັນສັດປ່າ ແລະ ພືດປ່າ ທີ່ໃກ້ຈະສູນພັນລະຫວ່າງຊາດ (CITES), ການສື່ສານ, ການລັກລອບເຄື່ອນຍ້າຍສັດປ່າ, ການວາງແຜນ ແລະ ເຕັກນິກວິທີການກວດຄົ້ນພາຫະນະ ແລະ ເຄ ຫະສະຖານ, ການຄຸ້ມຄອງສະຖານທີ່ເກີດເຫດ, ການເກັບກໍາຂໍ້ມູນ ແລະ ການດໍາເນີນຄະດີສັດປ່າ.