Khemmalay SONDAVANH
ພິທີມອບ-ຮັບ ເຄື່ອງຈັກ ແລະ ອຸປະກອນໃນການຜະລິດກະສິກຳ ຈາກ ສ.ເກົາຫຼີ ໃຫ້ແກ່ ສູນຄົ້ນຄວ້າເຂົ້າ, ສະຖາບັນຄົ້ນຄວ້າກະສິກຳ,ປ່າໄມ້ ແລະ ພັດທະນາຊົນນະບົດ
ໃນຕອນເຊົ້າວັນທີ 29 ຕຸລາ 2021ທີ່ຜ່ານມາ ສູນຄົ້ນຄວ້າເຂົ້າ, ສະຖາບັນຄົ້ນຄວ້າກະສິກຳ,ປ່າໄມ້ ແລະ ພັດທະນາຊົນນະບົດ(ສກປພ)ຈັດ ພິທີມອບ-ຮັບ ເຄື່ອງກົນຈັກ ແລະ ອຸປະກອນໃນຜະລິດກະສິກໍາທີ່ໄດ້ຮັບການພັດທະນາຈາກ ສ.ເກົາຫລີ, ເຊິ່ງປະກອບມີລົດໄຖປັ່ນດິນທີ່ສາມາດໄຖ່ດິນໄດ້ເລິກ, ຝຸ່ນຊິລີເຄດ, ຝຸ່ນນ້ຳ, ແລະ ຢ່າປາບສັດຕູພືດ ມູນຄ່າຫຼາຍກວ່າ 50,000 ໂດລ່າ. ເປັນກຽດມອບໂດຍ ທ່ານ ຊິນ ຈາງໂຫ, ຜູ້ອຳນວຍການ ສູນໂຄເປຍປະຈຳ ສປປລາວ ແລະ ຮັບໂດຍ ທ່ານ ນາງ ປອ ໃຈ ບຸນພະນູໄຊ, ຫົວໜ້າສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ, ມີທ່ານ ຫົວໜ້າ ສູນຄົ້ນຄວ້າເຂົ້າ, ຫົວໜ້າ ພະແນກບໍລິຫານ, ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມທັງໝົດ 20 ທ່ານ. Continue reading
ການສ້າງແຜນທີ່ຕ່າງໆ ຂອງກົມຄຸ້ມຄອງ ແລະ ພັດທະນາທີ່ດິນກະສິກຳ
ນຳໃຊ້ຂໍ້ມູນສະພາບອາກາດ ຊ່ວຍໃນການຕັດສິນໃຈເຊົ່າສຳປະທານ ແລະ ລົງທຶນດ້ານກະສິກຳ (Climate informed agriculture land investments)
ແຜນທີ່ພູມອາກາດ ສໍາລັບ ສ ປປລາວ
ແຜນທີ່ ພູມອາກາດແມ່ນຫຍັງ (climate maps), ມີຄວາມຈໍາເປັນ ແລະ ສໍາຄັນຄືແນວໃດ, ສປປລາວສ້າງແຜນທີ່ດັ່ງກ່າວແນວໃດ ແລະ ແຜນທີ່ດັ່ງກ່າວມີຜົນປະໂຫຍດແນວໃດ ໃນໂຂງເຂດວຽກງານກະສິກໍາ, ປ່າ ໄມ້ ແລະ ການພັດທະນາຊົນນະບົດ. ນີ້ແມ່ນເຫດຜົນທີ່ສໍາຄັນອັນນື່ງ ທີ່ກະຊວງກະສິກຳ ແລະ ປ່າໄມ້ ຊຶ່ງມີກົມຄຸ້ມຄອງ ແລະ ພັດທະນາທີ່ດິນກະສິກຳເປັນຕົວແທນ ແລະ ກະຊວງຊັບພະຍາ ກອນທໍາມະຊາດ ແລະ ສີ່ງແວດລ້ອມ ໂດຍມີກົມອຸຕຸນິຍົມ ແລະ ອຸທົກກະສາດເປັນຕົວແທນ ໄດ້ພ້ອມກັນພັດທະນາ ແລະ ສ້າງແຜນທີ່ດັ່ງກ່າວນີ້ຂຶ້ນ ພາຍໃຕ້ໂຄງການສ້າງຄວາມເຂັ້ມແຂງລະບົບຕິດຕາມ ແລະ ຂໍ້ມູນຂ່າວສານອຸຕຸກະເສດ ໄລຍະທີ 1: 2015-2020 (ຊາມິສ-1) ຊຶ່ງໄດ້ຮັບການຊ່ວຍເຫຼືອທາງດ້ານທຶນຮອນ ແລະ ເຕັກໂນໂລຍີ ຈາກອົງການອາຫານ ແລະ ການກະເສດແຫ່ງສະຫະປະຊາຊາດ. Continue reading
ແຜນທີ່ ຄວາມປົກຫຸ້ມທີ່ດິນກະສິກຳ ສະບັບທໍາອິດ ຂອງ ສປປ ລາວ
ແຜນທີ່ການປົກຫຸ້ມພື້້ນທີ່ປູກພືດກະສິກຳ ສະບັບທໍາອິດຂອງກະຊວງກະສິກຳ ແລະ ປ່າໄມ້ ແມ່ນຖືກພັດທະນາ ແລະ ສ້າງຂຶ້ນໂດຍການຮ່ວມມືກັນ ລະຫວ່າງ ກົມຄຸ້ມຄອງ ແລະ ພັດທະນາທີດິນກະສິກຳ (ຄພດກ) ແລະ ອົງການອາຫານ ແລະ ການກະເສດແຫ່ງສະຫະປະຊາຊາດ (FAO) ພ້ອມດ້ວຍຄະນະທີມງານສະເພາະດ້ານທີ່ກ່ຽວຂ້ອງ (ທີມງານຊ່ຽວຊານ) ດ້ວຍການນໍາໃຊ້ເຄ່ືອງມືອຸປະກອນທີ່ທັນສະໄໝ ແລະ ຂໍ້ມູນທາງວິທະຍາສາດທີ່ມີຄວາມຊັດເຈນສູງ ເຂົ້າໃນຂະບວນການເຮັດວຽກໃນຂັ້ນຕອນຕ່າງໆ. ແຜນທີ່ດັ່ງກ່າວແມ່ນຖືກສ້າງຂຶ້ນນມາ ບົນພື້ນຖານ ການຕອບສະໜອງຄວາມຕ້ອງການຫຼາຍໆດ້ານຂອງສັງຄົມ (ການຄຸ້ມຄອງ, ການຄົ້ນຄວ້າ, ການກໍານົດ-ການອອກນະໂຍບາຍດ້ານກະສິກຳ), ການພັດທະນາດ້ານເສດຖະກິດ-ສັງຄົມ, ການປົກປັກຮັກສາ – ການອະນຸລັກສິ່ງແວດລ້ອມຂອງລັດຖະບານ ແລະ ຮາກຖານການຜະລິດໃນປະຈຸບັນ ແລະ ອານາຄົດ. Continue reading
Celebrate World Food Day, International Day, and National Week for the Eradication of Poverty 2021.
On October 25, 2021, the Ministry of Agriculture and Forestry hosted an online event World Food Day, International Day, and National Poverty Alleviation Week 2021 in partnership with the Food and Agriculture Organization of United Nations (FAO) and the UN in Lao PDR Country Team.
World Food Day 2021 was held virtually under the theme: “Our actions are our future.” Better Production, Better Nutrition, Better Environment, and Better Life.”
The theme “Ending Progress Together: End Prolonged Poverty, Respect for All, and Our World” served as the focus for International Day and National Week for the Eradication of Poverty.
H.E. Mr. Thongphath Vongmany, Deputy Minister of Ministry of Agriculture and Forestry (MAF), chaired the online event joined by U.N. Resident Coordinator (UNRC) in Lao PDR Ms. Sara Sekkenes and Food and Agriculture Organization of the United Nations (FAO) Country Representative to Lao PDR Mr. Nasar Hayat.
Heads of Departments, Departments, Institutions, Ministries, the United Nations and Development Partners, the Provincial Department of Agriculture and Forestry, Vientiane Capital, stakeholders, and invited guests were among some 326 participants. Continue reading
ສະເຫຼີມສະຫຼອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ, ປະຈຳປີ 2021.
ຄືດັ່ງທີ່ພວກເຮົາຮູ້ນໍາກັນແລ້ວວ່າ ຄວາມທຸກຍາກ ແລະ ໄພອຶດຫິວ ໄດ້ກາຍເປັນບັນຫາໃຫຍ່ຂອງໂລກ ມາເປັນເວລາຫຼາຍສັດຕະວັດແລ້ວ. ສະນັ້ນ, ອົງການອາຫານ ແລະ ການກະເສດ ຂອງສະຫະປະຊາຊາດ ຈຶ່ງໄດ້ກຳນົດເອົາ ວັນທີ 16 ຕຸລາ ຂອງທຸກປີ ເປັນວັນອາຫານໂລກ ເຊິ່ງເລີ່ມແຕ່ ປີ 1980 ເປັນຕົ້ນມາ ທີ່ຄົບຮອບ 41 ປີ. ຫຼັງຈາກນັ້ນ, ສະຫະປະຊາຊາດ ກໍ່ໄດ້ກຳນົດເອົາວັນທີ 17 ຕຸລາ ເປັນວັນສາກົນເພື່ອລຶບລ້າງຄວາມທຸກຍາກ ໂດຍເລີ່ມແຕ່ ປີ 1992 ເປັນຕົ້ນມາ, ມາຮອດ ປີ 2003 ລັດຖະບານ ແຫ່ງ ສປປ ລາວ ກໍໄດ້ກຳນົດເອົາ ວັນທີ 17-24 ຕຸລາ ເປັນສັບປະດາແຫ່ງຊາດ ເພື່ອລຶບລ້າງຄວາມທຸກຍາກ.
ປະຈຸບັນ ສປປ ລາວ ພົບກັບບັນຫາການລະບາດພະຍາດ ໂຄວິດ-19 ກໍ່ຄືໃນທົ່ວໂລກ, ເຊິ່ງລາວເຮົາມີຈໍານວນຜູ້ຕິດເຊື້ອນັບມື້ນັບຫຼາຍຂຶ້ນ ໃນຂອບເຂດທົ່ວປະເທດ ຊຶ່ງໄດ້ສົ່ງຜົນກະທົບໂດຍກົງ ແລະ ສ້າງຄວາມເສຍຫາຍຢ່າງມະຫາສານ ຕໍ່ຊີວິດ, ເສດຖະກິດ ແລະ ສັງຄົມຂອງຊາດ ໂດຍສະເພາະ ແມ່ນບັນດາຂະແໜງການ ທີ່ນອນໃນຂົງເຂດເສດຖະກິດເປັນຕົ້ນແມ່ນ: ຂະແໜງການກະສິກໍາ ແລະ ປ່າໄມ້, ການບໍລິການ, ການທ່ອງທ່ຽວ ແລະ ຂະແໜງການຄ້າ, ມີການຂະຫຍາຍຕົວຊ້າລົງ ແລະ ການຈ້າງງານໃນສັງຄົມກໍ່ຫຼຸດລົງ. Continue reading
ປື້ມເຫຼັ້ມໃໝ່ໜ່ ກ່ຽວກັບການບໍລິການຂໍ້ມູນພູມອາກາດ ແກ່ຊາວກະສິກອນ
ລະບົບບໍລິການຂໍ້ມູນພູມອາກາດແກ່ຊາວກະສິກອນ (LaCSA) ໄດ້ໃຫ້ຂໍ້ມູນອຸຕຸກະເສດໃນຮູບແບບກະທັດຮັດແກ່ຊາວກະສິກອນ. ພາຍໃຕ້ໂຄງການ ຊາມິສ, ອົງການອາຫານ ແລະ ການກະເສດ ແຫ່ງສະຫະປະຊາຊາດ ຮ່ວມມືກັບກົມອຸຕຸນິຍົມ ແລະ ອຸທົກກະສາດ ແລະ ກົມຄຸ້ມຄອງ ແລະ ພັດທະນາດິນກະສິກຳ, ໄດ້ທົດສອບບາງເຕັກນິກ-ວິທີການ ເພື່ອໃຫ້ຊາວກະສິກອນເຂົ້າເຖິງຂ້ມູນອຸຕຸກະເສດ ໃນການນຳໃຊ້ ແລະ ດຶງເອົາຂໍ້ມູນຈາກລະບົບຫຼັກຊານັ້ນ ແມ່ນໄດ້ຝຶກອົບຮົມໃຫ້ແກ່ ພະນັກງານຫ້ອງການກະສິກຳ ແລະ ປ່າໄມ້ ເມືອງ ແລະ ພະນັກງານຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງ ໃນຂອບເຂດທົ່ວປະເທດ ໂດຍສະຖາບັນຄົ້ນ ຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ. Continue reading
ການສ້າງແຜນທີ່ດິນ ສຳລັບ ສາທາລະນະລັດ ປະຊາທິປະໄຕ ປະຊາຊົນລາວ
ກົມຄຸູ້ມຄອງ ແລະ ພັດທະນາທີ່ດິນກະສິກຳ, ກະຊວງກະສິກຳ ແລະ ປ່າໄມ້ ໂດຍຜ່ານໂຄງການສ້າງຄວາມ ເຂັ້ມແຂງລະບົບຕິດຕາມ ແລະ ຂໍ້ມູນຂ່າວສານອຸຕຸກະເສດ (SAMIS) ເພື່ອປັບປຸງຄວາມສາມາດການປັບໂຕ ຕໍ່ ການປ່ຽນແປງພູມອາກາດ ແລະ ການຄ້ຳປະກັນສະບຽງອາຫານຂອງ ສປປ ລາວ ແມ່ນໄດ້ສ້າງແຜນທີ່ຊະນິດດິນ ໂດຍການເກັບຕົວຢ່າງດິນທົ່ວທົ່ວປະເທດ ແລະ ຄົ້ນຄ້ວາທົບທວນບັນດາຂໍ້ມູນທີ່ກ່ຽວຂ້ອງ ເຂົ້າໃນການຈັດປະເພດດິນ ຕາມລະບົບມາດຖານປະເພດດິນສາກົນ (WRB) ປີ 2014. Continue reading
ຄຳສັງ່ກ່ຽວກັບ ການສ້າງຂະບວນການປົກປັກຮັກສາ ແລະ ພັດທະນາສັດນໍ້າ ແລະ ສັດປ່າ ເນື່ອງໃນໂອກາດວັນປ່ອຍປາ ແລະ ອະນຸລັກ ສັດນໍ້າ ແລະ ສັດປ່າແຫ່ງຊາດ ວັນທີ 13 ກໍລະກົດ 2020
