ແຜນທີ່ເລື່ອງລາວ ກາເຟ ແລະ ກ້ວຍ ແນວທາງຄວາມທົນທານຕໍ່ສະພາບອາກາດຂອງຂະແໜງກະສິກຳ
ໃນລະຫວ່າງ ວັນທີ 14-18 ມີນາ 2022 ອົງການ ອາຫານ ແລະ ການກະເສດ FAO ຮ່ວມກັບໂຄງການສ້າງຄວາມເຂັ້ມແຂງລະບົບການຕິດຕາມ ແລະ ຂໍ້ມູນຂ່າວສານອຸຕຸກະເສດ ເພື່ອການປັບໂຕກັບການປ່ຽນແປງພູມອາກາດ ແລະ ຄ້ຳປະກັນສະບຽງອາຫານໃນ ສປປ ລາວ (SAMIS) ຈັດກອງປະຊຸມລະດັບຊ່ຽວຊານຂັ້ນທ້ອງຖິ່ນຂຶ້ນ ຢູ່ທີ່ແຂວງ ສາລະວັນ ແລະ ແຂວງ ຈຳປາສັກ. ຈຸດປະສົງຂອງກອງປະຊຸມ ແມ່ນເພື່ອນຳສະເໜີເຜີຍແຜ່ ແຜນທີ່ເລື່ອງລາວຂອງ ກ້ວຍ ແລະ ກາເຟ, ສົນທະນາກ່ຽວກັບບັນດາຄຳແນະນຳ ແລະ ແນວທາງ, ຈຳແນກຮູບແບບການປະສານງານ. ບັນດາຊ່ຽວຊານທີ່ໄດ້ເຂົ້າຮ່ວມໄດ້ຈັດແບ່ງອອກເປັນ 3 ກຸ່ມ ຄື: ກຸ່ມຊາວກະສິກອນ, ພາກສ່ວນກ່ຽວຂ້ອງ ແລະ ກຸ່ມພະນັກງານລັດຖະກອນຈາກພາກ ລັດ. ກິດຈະກຳວຽກນີ້ແມ່ນຕໍ່ເນື່ອງຈາກການປືກສາຫາລື ທີ່່ຖືກຈັດຂຶ້ນທີ່ແຂວງ ບໍລິຄຳໄຊ ແລະ ແຂວງ ຊຽງຂວາງ ກ່ຽວກັບ ມັນຕົ້ນ ແລະ ສາລີ.
ອົງການ FAO ຮ່ວມກັບໂຄງການ SAMIS ໄດ້ຜະລິດແບບຈຳລອງສະຖານະການພູມອາກາດ ໃນໄລຍະເວລາ 20 ປີ, 50 ປີ ແລະ 100 ປີ ສຳລັບ ສປປ ລາວ. ພ້ອມນັ້ນ, ກໍ່ຍັງສ້າງແຜນທີ່ຄວາມເໝາະສົມ ເຂດນິເວດກະສິກຳ (AEZ) ແລະ ຜົນຜະລິດ ສຳລັບ 6 ປະເພດພືດຫຼັກ ຂອງ ສປປ ລາວ ໃນປັດຈຸບັນ ແລະ ໃນໄລຍະເວລາ 20 ປີ, 50 ປີ ແລະ 100 ປີ ຂ້າງໜ້າ ກໍ່ໄດ້ສ້າງຂຶ້ນ.
ວິທີການສ້າງແຜນທີ່ຄວາມເໝາະສົມ ເຂດນິເວດກະສິກຳ AEZ ແມ່ນນຳໃຊ້ຂໍ້ມູນ ດິນ, ພູມອາກາດ ແລະ ລະບົບ ການປູກພືດ ເພື່ອຈຳລອງສະຖານະການຄວາມເໜາະສົມ ແລະ ປະລິມານຜົນຜະລິດ ໃນປັດຈຸບັນ ແລະ ໃນອະນາຄົດ. ວຽກງານ ດັ່ງກ່າວນີ້ ແມ່ນໄດ້ຈັດຕັ້ງປະຕິບັດໂດຍ ກົມຄຸ້ມຄອງ ແລະ ພັດທະນາທີ່ດິນກະສິກຳ ໂດຍພາຍໃຕ້ການ ຊີ້ນຳທາງດ້ານເຕັກນິກ ຈາກສະຖາບັນເຕັກໂນໂລຊີແຫ່ງອາຊີ AIT.
ວຽກງານນີ້ແມ່ນຢູ່ພາຍໃຕ້ໂຄງການ FAO, CCAFS ແລະ ມະຫາວິທະຍາໄລຢູເຖຼັດ, ປະເທດໂຮນລັງ ຫຼື ເນເທີແລນ ໄດ້ຮ່ວມມື ໃນການອອກແບບ ແລະ ຈັດຕັ້ງປະຕິດບັດໃນເບື້ອງຕົ້ນ ໃນການຝຶກອົບຮົມລະດັບສູງ ກ່ຽວກັບ: ການວາງແນວ ທາງ ແລະ ຄາດຄະເນໃນອະນາຄົດ ຂອງລັດຖະບານ ສປປ ລາວ. ໃນປີ 2021 ໄດ້ສຳເລັດ ການພັດທະນາ 4 ແຜນທີ່ເລື່ອງລາວ ສຳລັບ ມັນຕົ້ນ, ສາລີ, ກ້ວຍ ແລະ ກາເຟ ໂດຍສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ ແລະ ກົມຄຸ້ມ ຄອງ ແລະ ພັດທະນາທີ່ດິນກະສິກຳ. ລະບົບການປູກຝັງແມ່ນໄດ້ຮັບການວິເຄາະ ໂດຍນຳໃຊ້ຜົນໄດ້ຮັບຂອງແຜນທີ່ຄວາມ ເໝາະສົມປູກພືດ SAMIS AEZ ແລະ ຊຸດເຄື່ອງມືການເບິ່ງແນວທາງອະນາຄົດແບບຫຼາຍມີິຕິ. ບັນດາອົງປະກອບທັງໝົດ ຂອງຕ່ອງໂສ້ມູນຄ່າພືດ ແມ່ນໄດ້ຮັບການຈຳແນກເຊັ່ນດຽວກັນກັບຄວາມສ່ຽງໃນປັດຈຸບັນ ແລະ ອະນາຄົດ. ບົນພື້ນຖານ ການວິເຄາະນີ້ ບັນດາຄຳແນະນຳແກ່ນະໂຍບາຍ ແມ່ນປະກອບດ້ວຍຄຳສະເໜີກິດຈະກຳ ແລະ ຍຸດທະສາດ ທີ່ໄດ້ສະແດງລາຍ ລະອຽດໃນຮູບແບບແຜນແນວທາງການຈັດຕັ້ງປະຕິບັດ ຊຶ່ງວຽກງານດັ່ງກ່າວແມ່ນໄດ້ສຳເລັດຜົນ ເພື່ອຮັບປະກັນການຈັດຕັ້ງ ປະຕິບັດຢ່າງມີປະສິດທິຜົນ ຍຸດທະສາດພັດທະນາວຽກງານກະສິກຳ (ADS) ປີ 2025 ແລະ ວິໄສທັດຂອງຂະແໜງການກະສິ ກຳ ຮອດປີ 2030. ພາຍໃຕ້ການສະໜັບສະໜູນ ຂອງພະແນກແຜນການ ແລະ ການຮວ່ມມື ແລະ ທີມງານນະໂຍບາຍ, ແຜນ ທີ່ເລື່ອງລາວດັ່ງກ່າວ ແມ່ນໄດ້ເຜີຍແຜ່ນຳສະເໜີໃຫ້ແກ່ຜູ້ມີສ່ວນຮ່ວມໃນຂັ້ນທ້ອງຖິ່ນ ແລະ ເປັນການຢັ້້ງຢືນການທົດສອບ ບັນດາຄຳແນະນຳທີ່ໄດ້ສະເໜີ ໃນຂົງເຂດພື້ນທີ່ການຜະລິດຂັ້ນທ້ອງຖິ່ນ.
