ຂ່າວ
ທົ່ວປະເທດ ຄັດເລືອກໄດ້ 413 ຄອບຄົວ ເປັນຕົວແບບດ້ານກະສິກຳ ແລະ ປ່າໄມ້
ຜ່ານການເຮັດທົດລອງວຽກງານ 3 ສ້າງຂອງ ຂະແໜງກະສິກຳ ແລະ ປ່າໄມ້ ສາມາດສ້າງຄອບຄົວຕົວແບບ ດ້ານກະສິກຳ ທັງໝົດ 413 ຄອບຄົວ, ໃນນັ້ນດ້ານການປູກຝັງມີ 182 ຄອບຄົວ, ລ້ຽງສັດ ມີ 132 ຄອບຄົວ ແລະ ຜະລິດກະສິກຳແບບປະສົມປະສານ ທັງປູກທັງລ້ຽງ 99 ຄອບຄົວ.
ກອງປະຊຸມສະຫຼຸຸບການເຂົ້າຮ່ວມ ຂະບວນການແຂ່ງຂັນຮັກຊາດ ແລະ ການພັດທະນາ ຕິດພັນກັບວຽກງານ 3 ສ້າງ 2012-2015 ແລະ ທິດທາງແຜນການ 2016-2020 ຂອງ ຂະແໜງການກະສິກຳ ແລະ ປ່າໄມ້ ແລະ ຍ້ອງຍໍຜົນງານປະຈຳປີ 2015 ໄດ້ຈັດຂຶ້ນໃນວັນທີ 2 ມີນານີ້ ທີ່ກະຊວງດັ່ງກ່າວ ໂດຍການເປັນປະທານຂອງ ທ່ານ ດຣ. ເພັດ ພົມພິພັກ ລັດຖະມົນຕີວ່າການ ກະຊວງກະສິກຳ ແລະ ປ່າໄມ້, ມີບັນດາລັດຖະມົນຕີຊ່ວຍວ່າການ, ຫົວໜ້າກົມ-ຮອງກົມ ພ້ອມດ້ວຍພະນັກງານວິຊາການເຂົ້າຮ່ວມ.
ກະຊວງກະສິກຳແລະປ່າໄມ້ ຈັດພິທີເຜີຍແຜ່ເອກະສານເພື່ອກະກຽມໃນການເລືອກຕັ້ງ
ໃນວັນທີ 25 ກຸມພາ ທີສະໂມສອນ ສະຖາບັນຄົ້ນຄວ້າກະສິກຳແລະປ່າໄມ້ແຫ່ງຊາດໄດ້ມີການຈັດພິທີໃນການເຜີຍແຜ່ເອກະສານໃນການກະກຽມໃນການເລືອກຕັ້ງສະມາຊິກສະພາແຫ່ງຊາດແລະສະມາຊິກສະພາແຂວງ, ນະຄອນຫລວງຂຶ້ນ ໂດຍການເປັນປະທານ ຂອງທ່ານ ທອງພັດ ວົງມະນີ ລັດຖະມົນຕິຊ່ວຍວ່າການ ຊຶ່ງໃຊ້ເວລາ 1 ວັນ ໂດຍມີຜູ້ເຂົ້າຮ່ວມ ກວ່າ300 ທ່ານ. ເພື່ອເປັນການຮັບປະກັນໃນການເຂົ້າຮ່ວມເພື່ອໄປໃຊ້ສິດໃນການເລືອກຕັ້ງແລະເຮັດໃຫ້ບັນຍາກາດໃນການເລືອກຕັ້ງໃນຄັ້ງນີິ້ເຕັມໄປດ້ວຍບັນຍາການອັນຟົດຟື້ນ ປານປາງບຸນໃຫຍ່ຂອງຊາດແລະເຮັດໃຫ້ຜົນສຳເລັດຂອງການເລືອກຕັ້ງເປັນໄປຕາມແຜນການວາງໄວ້ ທ່ານປະທານຍັງໄດ້ໃຫ້ ພະນັກງານທຸກຄົນຈົງເອົາໃຈໃສ່ແລະຕັ້ງໜ້າໃນການອອກໄປໃຊ້ສິດຂອງຕົນໃນການເລືອກຕັ້ງຄັ້ງນີ້ແລະໃຫ້ປະຕິບັດຕາມລະບຽບຫລັກການຂອງການເລືອກຕັ້ງໃຫ້ເຂັ້ມງວດເຮັດໃຫ້ການເລືອກຕັ້ງຄັ້ງນີ້ມີຜົນສຳເລັດທຸກດ້ານຮ້ອຍເປີເຊັນ.
ພິທີລົງນາມສັນຍາການສ້າງຂອບການຮ່ວມມືດ້ານການເງິນລະຫວ່າງລັດຖະບານ ສປປ ລາວ ແລະ ລັດຖະບານ ຮົງກາລີ
ຂປລ.ໃນວັນທີ 22 ກຸມພາ2016 ທີ່. ກະຊວງການຕ່າງປະເທດ ແລະ ການຄ້າ ຮົງກາລີ ໄດ້ຈັດພິທີເຊັນສັນຍາວ່າດ້ວຍການສ້າງຂອບການຮ່ວມມືດ້ານການເງິນລະຫວ່າງ ລັດຖະບານ ສປປ ລາວ ແລະ ລັດຖະບານ ຮົງກາລີ, ໂດຍ ທ່ານ ພູເຂົາ ພົມມະວົງສາ, ເອກອັກຄະລັດ ຖະທູດ/ຜູ້ຕາງໜ້າຖາວອນແຫ່ງ ສປປ ລາວ ທີ່ມີສໍານັກງານຕັ້ງຢູ່ ນະຄອນຫຼວງວຽນ, ປະເທດ ໂອຕຣິດ ແລະ ຝ່າຍຮົງກາລີ ແມ່ນ ທ່ານ ດຣ. ອີສວານ ມິໂກລາ ( Dr. István Mikola ), ລັດຖະມົນຕີຊ່ວຍວ່າການກະຊວງການຕ່າງປະເທດ ແລະ ການຄ້າ ຮົງກາລີ ເປັນຄູ່ຮ່ວມລົງນາມ. ໃນພິທີດັ່ງກ່າວຝ່າຍລາວຍັງມີ ທ່ານ ດຣ. ພວງປາຣິສັກ ປຣະວົງວຽງຄໍາ, ລັດຖະມົນຕີຊ່ວຍ ວ່າການກະຊວງກະສິກໍາ ແລະ ປ່າໄມ້ ແຫ່ງ ສປປ ລາວ ແລະ ພາກສ່ວນກ່ຽວຂ້ອງ ຈາກ ທັງສອງຝ່າຍເຂົ້າຮ່ວມເປັນສັກຂີພິຍານ. Continue reading
ພິທີ ເປີດການນໍາໃຊ້ ລະບົບເວັບໄຊ ກະຊວງກະສິກຳ ແລະ ປ່າໄມ້ ຢ່າງເປັນທາງການ
ໃນວັນທີ 02 ກຸມພາ 2016 ທີ່ສະໂມສອນຂອງ ກະຊວງກະສິກໍາ ແລະ ປ່າໄມ້ໄດ້ມີການເປີດໂຕເວັບໄຊຂອງ ກະຊວງກະສິກຳ ແລະ ປ່າໄມ້ ຢ່າງເປັນທາງການຂື້ນ ພາຍໃຕ້ການເປັນປະທານຂອງ ທ່ານ ດຣ. ພວງປາຣິສັກ ປຣະວົງວຽງຄຳ, ລັດຖະມົນຕີຊ່ວຍວ່າການ ກະຊວງ ກະສິກຳ ແລະ ປ່າໄມ້ ທັງເປັນຄະນະຊີ້ນໍາວຽກງານຂໍ້ມູນຂ່າວສານໄອຊີທີຂອງກະຊວງ ເປັນຜູ້ກົດປຸ່ມເປີດເວັບໄຊ ຢ່າງເປັນທາງການ ພ້ອມດ້ວຍຄະນະກົມ, ຮອງກົມ, ກະຊວງອ້ອມຂ້າງ ແລະ ຄະນະວິຊາການ ທີ່ກ່ຽວຂ້ອງ ເຂົ້າຮ່ວມຫລາຍກ່ວາ 35 ທ່ານ. ເວັບໄຊກະຊວງ ແມ່ນເພື່ອເປັນບ່ອນເຊື່ອມໂຍງບັນດາລະບົບຂໍ້ມູນຂ່າວສານ ທີ່ກ່ຽວຂ້ອງກັບກະສິກຳ ແລະ ປ່າໄມ້ໃນລາວທີມີຢູ່ເຂົ້າໄວ້ນຳກັນເພື່ອໃຫ້ຜູ້ຊົມໃຊ້ສາມາດເຂົ້າເຖິ່ງໄດ້ງ່າຍ ແລະ ເປັນແຫລ່ງຂໍ້ມູນຂ່າວສານທີ່ເປັນທາງການ ຂອງວຽກງານການພັດທະນາກະສິກໍາເປັນບ່ອນສັງລວມ ແລະເຜີຍແຜ່ ບັນດາຂໍ້ມູນຂ່າວສານກ່ຽວກັບກະສິກຳໃນລາວ ແລະ ເປັນອີກບ່ອນໜຶ່ງໃນການຖ່າຍທອດບັນດາຄວາມຮູ້ແລະ ເຕັກໂນໂລຍີການຜະລິດກະສິກຳເພື່ອໃຫ້ສັງຄົມສາມາດເຂົ້າໄປນຳໃຊ້ໄດ້ງ່າຍ ແລະ ເປັນບ່ອນໂຄສະນາວຽກງານແລະພ້ອມທັງຊ່ວຍໃນການປະສານງານ ໃຫ້ແກ່ອົງການຈັດຕັ້ງທີຂຶ້ນກັບ ກໍ່ຄື ກົມ ພະແນກ ສູນ ໂຄງການຕ່າງໆ Continue reading
ກອງປະຊຸມ ຜ່ານແຜນພັດທະນາກະສິກຳ ແລະ ປ່າໄມ້ ຄັ້ງທີ 8 ພາຍໃຕ້ຫົວຂໍ້ ການສົ່ງເສີມຜະລິດເປັນສີນຄ້າ ສ້າງສຳພັນເສດຖະກິດ ເພື່ອສ້າງກົນໄກຍົກລະດັບການຄ້າຊາຍແດນ ລາວ-ຫວຽດນາມ
ໃນວັນທີ 26 ມັງກອງ 2016 ນີ້ ພະແນກກະສິກຳ ແລະ ປ່າໄມ້ ຫົວພັນ ໄດ້ຈັດກອງປະຊຸມ ຜ່ານແຜນພັດທະນາກະສິກຳ ແລະ ປ່າໄມ້ ຄັ້ງທີ 8 ແລະຍຸດທະສາດພັດທະນາ ແຕ່ນີ້ຮອດປີ 2025 ວິໄສທັດຮອດປີ 2030 ພາຍໃຕຫົວຂໍ້ ການສົ່ງເສີມຜະລິດເປັນສີນຄ້າ ສ້າງສຳພັນເສດຖະກິດ ເພື່ອສ້າງກົນໄກຍົກລະດັບການຄ້າຊາຍແດນ ລາວ-ຫວຽດນາມ ຂື້ນທີ ພະແນກແຜນການ ແລະ ການລົງທືນ ໂດຍການເຂົ້າຮ່ວມຂອງທ່ານ ດຣ ພວງປາຣີສັກ ປຣະວົງວຽງຄຳ ລັດຖະມົນຕີຊ່ວຍວ່າການກະຊວງກະສິກຳ ແລະ ປ່າໄມ້, ທ່ານ ພັນທອງ ເພັດໄຊສົມພັນ ຮອງເຈົ້່າແຂວງແຂວງ ຫົວພັນ ແລະ ທ່ານ ສີສູນທອນ ສິດທິມໍລະດາ ຜູ້ຊ່ວຍວຽກທ່ານຮອງນາຍົກ ຜູ້ໍຊີ້ນຳວຽກງານເສດຖະກິດ ການຜະລິດ ແລະຈໍລະຈອນ ພ້ອມນີ້ຍັງມີຫົວໜ້າ ຮອງຫົວໜ້າພະແນກກະສິກຳ ແລະ ປ່າໄມ້ ແຂວງ ຫົວພັນ, ຜົງສາລີ, ຊຽງຂວາງ, ຫຼວງພະບາງ ອ້າຍນ້ອງວິຊາການທີ່ກ້ຽວຂ້ອງເຂົ້າຮ່ວມທັງໝົດ 92 ທ່ານ ຍີງ 14 ທ່ານ.
ການນຳກະຊວງກະສິກຳ ແລະ ປ່າໄມ້ ພ້ອມດ້ວຍູຄະນະເຂົ້າຢ້ຽມຢາມ ທ່ານຮອງເຈົ້າແຂວງໆຫົວພັນ
ໃນຕອນເຊົ້າຂອງວັນທີ 26 ມັງກອນ 2016 ນີ້ ທີ່ຫ້ອງວ່າການປົກຄອງແຂວງໆ ຫົວພັນ ທ່ານ ດຣ ພວງປາຮິສັກ ປຮະວົງວຽງຄຳ ລັດຖະມົນຕີຊ່ວຍວ່າການກະຊວງກະສິກຳ ແລະ ປ່າໄມ້, ທ່ານ ສີສູນທອນ ສິດທິມໍລະດາ ຜູ້ຊ່ວຍທ່ານຮອງນາຍົກ ຊີ້ນຳວຽກງານເສດຖະກິດ ການຜະລິດ ແລະ ຈໍລະຈອນ ພ້ອມນີ້ຍັງມີຄະນະກົມ, ຮອງກົມ ພະແນກກະສິກຳ ແລະ ປ່າໄມ້ ແຂວງຫົວພັນ ພົບປະ ແລະ ຢ້ຽມຢາມ ທ່ານ ພັນທອງ ເພັດໄຊສົມພັນ ຮອງເຈົ້າແຂວງໆ ຫົວພັນ. ຈຸດປະສົງ ເພື່ອຜັນຂະຫຍາຍມະຕິກອງປະຊຸມໃຫ່ຍຂອງພັກ ຄັ້ງທີ່ 9 ສືບຕໍ່ໃສ່ກອງປະຊຸມໃຫ່ຍຂອງພັກຄັ້ງທີ 10 ໂດຍຫັນເປັນແຜນພັດທະນາກະສິກຳ ແລະ ປ່າໄມ້ 5 ປີ ຄັ້ງທີ 8 ຂອງແຊວງຫົວພັນ ໃນນັ້ນແມ່ນໄດ້ເນັ້ນໃສ່ແຜນຜະລິດເປັນສິນຄ້າ
ທ່ານ ວິໄລວັນ ພົມເຂ ອາດີດການນຳກະຊວງກະສິກຳ ແລະ ປ່າໄມ້ ພ້ອມດ້ວຍຄະນະລົງຊຸກຍູ້ການຜະລິດລະດູແລ້ງ ແຂວງ ສະຫວັນນະເຂດ.
ໃນວັນທີ່ 11 ມັງກອນ 2015 ທີ່ຜ່າມານີ້, ທ່ານ ວິໄລວັນ ພົມເຂ ອາດີດລັດຖະມົນດີວ່າການກະຊວງກະສິກຳ ແລະ ປ່າໄມ້ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມຊຸກຍູ້ ແລະ ສົ່ງເສີມການຜະລິດລະດູແລ້ງ ທີ່ແຂວງສະຫວັນນະເຂດ ກອງປະຊຸມຄັ້ງນີ້ ຍັງມີການນຳພະແນກ ກະສິກໍາ ແລະປ່າໄມ້ແຂວງ, ຫົວໜ້າຂະແໜງ ແລະ ວິຊາການເຂົ້າຮ່ວມທັງໝົດ 60 ກວ່າທ່ານ.
ໃນທີ່ປະຊຸມທ່ານ ຄຳລຸຍ ຍາດຕິວົງ ຫົວໜ້າພະແນກກະສິກຳ ແລະ ປ່າໄມ້ ແຂວງ ໄດ້ລາຍງານໃຫ້ຮູ້ວ່າ: ຄາດໝາຍສູ້ຊົນ ຜະລິດເຂົ້ານາແຊງ, ນາປີ ສົກ ປີ 2014-2015 ປະມານ 1 ລ້ານໂຕນ ປະຕິບັດໄດ້ 1,016 ລ້ານໂຕນ, ລື່ນຄາດໝາຍ 16 ພັນໂຕນ. ແລະ ແຜນການຜະລິດລະແລ້ງ ປີ 2016 ນີ້ ຄາດໝາຍສູ້ຊົນໃຫ້ໄດ້ 30.000 ເຮັກຕາ ສະມັດຕະພາບສະເລຍ 5,39 ໂຕນຕໍ່ເຮັກຕາ. ປະຈຸບັນນີ້ທົ່ວແຂວງກໍາລັງຂຸ້ນຂ້ຽວກະກຽມລົງສູ່ການຜະລິດນາແຊງ ສາມາດຕົກກ້າໄດ້ 1.725 ເຮັກຕາ, ປະຈຸບັນບັກດໍາໄດ້ແລ້ວ 8.967 ເຮັກຕາ ເທົ່າກັບ 30% ຂອງແຜນການ ໃນນີ້ມີ ນາຫວ່ານ 4.549 ເຮັກຕາ, ນາຢອດ 61 ເຮັກຕາ ແລະນາດຳ 4.357 ເຮັກຕາ, ແຕ່ຍັງມີສີ່ງທ້າທາຍຫຼາຍດ້ານ ເປັນຕົ້ນແມ່ນ ໄພແຫ້ງແລ້ງ ຝົນຕົກໜ້ອຍກວ່າທຸກປີ, ການຕອບສະໜອງນ້ຳ, ແນວພັນ ຝຸ່ນປຸຍຕ່າງໆບໍ່ພຽງພໍ ເຮັດໃຫ້ຜົນຜະລິດບໍ່ໄດ້ຕາມຄາດໝາຍ. ເພື່ອຮັບປະກັນໃຫ້ແກ່ຜະລິດສະບຽງອາຫານ ແລະ ຜະລິດເປັນສີນຄ້າ. ຈື່ງສະເໜີໃຫ້ຟື້ນຟູ, ສ້ອມແປງ ແລະ ປ່ຽນຖ່າຍຈັກສູບນ້ຳທີ່ເປ່ເພ, ຕອບສະໜອງຝູ່ນປຸຍໃຫ້ປະຊາຊົນ, ຈັດສົ່ງພະນັກງານວິຊາການລົງຊຸກຍູ້ແນະນຳທາງດ້ານເຕັກນິກ ແລະຂັ້ນຕອນການຜະລິດ ເພື່ອຍົກຕະມັດຕະພາບເຂົ້າສູງຂື້ນ ແລະບັນລູຕາມຄາດໝາຍທີວາງໄວ້.
ສປປ ລາວ ເລັ່ງຂະຫຍາຍເນື້ອທີ່ການຜະລິດເພື່ອຄໍ້າປະກັນສະບຽງອາຫານ
ໃນວັນທີ 29 ທັນວາ 2015 ທີ່ຫ້ອງວ່າການລັດຖະບານໄດ້ຈັດກອງປະຊຸມຄະນະຊີ້ນຳໂຄງການຄ້ຳປະກັນສະບຽງອາຫານ ແລະ ຜະລິດເປັນສິນຄ້າ ຂຶ້ນ ພາຍໃຕ້ການເປັນປະທານຂອງ ທ່ານສົມສະຫວາດ ເລັ່ງສະຫວັດຮອງນາຍົກລັດຖະມົນຕີ, ຜູ້ຊີ້ນໍາວຽກງານເສດຖະກິດການຜະລິດ ແລະ ຈໍລະຈອນທັງເປັນຫົວໜ້າຄະນະຊີ້ນຳໂຄງການດັ່ງກ່າວ ເຊິ່ງມີທ່ານລັດຖະມົນຕີວ່າການ,ບັນດາລັດຖະມົນຕີຊ່ວຍວ່າການ, ກົມກອງທີ່ກ່ຽວຂ້ອງ ແລະ ຕາງໜ້າຄະນະນຳຈາກບັນດາທ້ອງຖິ່ນ ເຂົ້າຮ່ວມ.
ໃນກອງປະຊຸມໄດ້ສະຫລຸບ ແລະ ລາຍງານກ່ຽວກັບຜົນຂອງການຈັດຕັ້ງປະຕິບັດ ໂຄງການຄ້ຳປະກັນສະບຽງອາຫານ ແລະ ໂຄງການສົ່ງເສີມການຜະລິດເປັນສິນຄ້າ ໃນຕະຫຼອດໄລຍະ ເກືອບ 2 ປີທີ່ຜ່ານມາ ໂດຍສະເພາະ ການຜະລິດເຂົ້າ ແລະ ສັດ ເຊິ່ງເຫັນວ່າ ໃນປີທີ່ຜ່ານມາ ການຜະລິດເຂົ້າ ໃນ 10 ແຂວງເປົ້າໝາຍ ສູງເຖິງ 3,2 ລ້ານກວ່າໂຕນ ໃນເນື້ອທີ່ 786 ພັນເຮັກຕາ ກວມເຖິງ 85% ຂອງການຜະລິດເຂົ້າທົ່ວປະເທດ Continue reading
ກອງປະຊຸມແລກປ່ຽນ ລະຫວ່າງ ກະຊວງກະສິກຳ ແລະ ປ່າໄມ້ ສປປ ລາວ ແລະ ກະຊວງ ກະສິກຳ ແລະ ພັດທະນາ ຊົນນະບົດ ສສ. ຫວຽດນາມ ໃນວັນທີ 17-18 ທັນວາ 2015 ທີ່ ນະຄອນຫຼວງ ຮ່າໂນ້ຍ.
ໃນວັນທີ 17-18 ທັນວາ 2015 ທີ່ຜ່ານມານີ້ ກະຊວງກະສິກຳ ແລະ ປ່າໄມ້ ສປປ ລາວ ນຳໂດຍ ທ່ານ ດຣ. ພວງປາຣິສັກ ປຣະວົງວຽງຄຳ, ລັດຖະມົນຕີຊ່ວຍວ່າການ ກະຊວງ ກະສິກຳ ແລະ ປ່າໄມ້ ພ້ອມດ້ວຍ ຄະນະວິຊາການ ທີ່ກ່ຽວຂ້ອງ ໄດ້ປະຊຸມ ປຶກສາຫາລື ແລກປ່ຽນ ການຮ່ວມມື ດ້ານ ກະສິກຳ, ປ່າໄມ້ ແລະ ພັດທະນາ ຊົນນະບົດ ເພື່ອປຶກສາຫາລື ແລະ ຕົກລົງ ເປັນເອກະພາບ ໃນບາງປະເດັນ ບັນຫາ ໃນວຽກ ຈຸດສຸມ ບຸລິມະສິດ ທີ່ຕ້ອງໄດ້ເອົາໃຈໃສ່ ຕໍ່ໜ້າ ບົນຈິດໃຈ ກະກຽມ ເນື້ອໃນ ເຂົ້າໃນ ບົດບັນທຶກ ກອງປະຊຸມ ຄັ້ງທີ 38 ຂອງ ຄະນະກຳມາທິການ ຮ່ວມມື ສອງຝ່າຍ ລະຫວ່າງ ລັດຖະບານ ສປປ ລາວ ກັບ ລັດຖະບານ ສສ ຫວຽດນາມ ແລະ ສັນຍາ ການຮ່ວມມື ສອງຝ່າຍ ລະຫວ່າງ ລັດຖະບານ ສປປ ລາວ ກັບ ລັດຖະບານ ສສ ຫວຽດນາມ, ພ້ອມດຽວກັນນັ້ນ ກອງປະຊຸມກໍ່ໄດ້ປຶກສາຫາລືເຖີງເນື້ອໃນ ແລະ ແຜນການຮ່ວມມື ໃນໄລຍະ 5 ປີ ຕໍ່ຫນ້າ (2016-2020) ຊື່ງປະເດັນ ບັນຫາ ແລກປ່ຽນກັນ ມີຕົ້ນຕໍ ດັ່ງນີ້:
ທ່ານລັດຖະມົນຕີຊ່ວຍວ່າການກະຊວງກະສິກຳ ແລະ ປ່າໄມ້ ຕອນຮັບອົງການ EU
ໃນອາທິດທີ່ຜ່ານມານີ້ ທ່ານ ດຣ ພວງປາຣີສັກ ປຣະວົງວຽງຄຳ ລັດຖະມົນຕີຊ່ວຍວ່າການກະຊວງກະສິກຳ ແລະ ປ່າໄມ້ ຕ້ອນຮັບການເຂົ້າພົບຂອງ Mr Michel GOEFFIM ຜູ້ຕາງໜ້າສະຫະພາບເອີຣົບ EU ເພື່ອປືກສາຫາລື ການກະກຽມການເຈລະຈາ ຮອບທຳອິດ ໃນການເຂົ້າຮ່ວມເປັນສະມາຊິກ ອົງການ ການຄ້າໄມ້ເປັນທຳ (FLEGT) ກັບສະຫະພາບເອີຣົບ ທາງລັດຖະບານລາວ ໄດ້ມອບໝາຍໃຫ້ກະຊວງກະສິກຳ ແລະ ປ່າໄມ້ ເປັນຜູ້ປະສານງານຫຼັກ ໃນການຍື່ນຈົດໝາຍເຈດຈຳນົງຕໍ່ EUເພື່ອສະເໜີຈັດກອງປະຊຸມເຈລະຈາ ຕົກລົງການເປັນຄູ່ຮ່ວມສັນຍາການຄ້າໄມ້ແບບສະມັກໃຈ, ພ້ອມດຽວກັນນີ້ ທາງລັດຖະບານລາວ ກໍ່ໄດ້ຫ້າມການສົ່ງໄມ້ທອນ ແລະ ໄມ້ຕີຕັບ ອອກຕ່າງປະເທດ ພ້ອມທັງ ແນະນຳວ່າໄມ້ຕ້ອງໄດ້ຮັບການປຸງແຕ່ງໃຫ້ເປັນຜະລິດຕະພັນສຳເລັດຮູບພາຍໃນປະເທດກ່ອນ ຈື່ງສົ່ງອອກເພື່ອສ້າງມູນຄ່າເພີ່ມ Continue reading
