ໃນທາມກາງບັນຍາກາດທີ່ລັດຖະບານກໍຄືປະຊາຊົນຮົງກາລີພວມສະເຫຼີມສະຫຼອງວັນສະຖາປະນາສາທາລະນະລັດຮົງກາລີ ຄົບຮອບ 29 ປີ ຢ່າງເປັນຂະບວນຟົດຟື້ນ, ສະມາຄົມມິດຕະພາບ ລາວ-ຮົງກາລີ ແລະ ສະຖານ ທູດຮົງກາລີປະຈໍາລາວກໍ່ໄດ້ ຈັດພິທີປາຖະກະຖາຂື້ນເພື່ອສະເຫຼີມສະຫຼອງວັນສໍາຄັນດັ່ງກ່າວ ໃນວັນທີ 5 ພະຈິກ 2018 ທີ່ພັດທະຄານແມ່ຂອງ, ນະຄອນຫຼວງວຽງຈັນ, ເປັນກຽດເຂົ້າຮ່ວມໂດຍທ່ານ ປອ ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງ ກະສິກໍາ ແລະ ປ່າໄມ້ ພ້ອມທັງເປັນປະທານສະມາ ຄົມມິດຕະພາບ ລາວ-ຮົງກາລີ, ທ່ານເອກອັກຄະລັດຖະທູດຮົງກາລີ ປະຈໍາລາວ, ມີທ່ານຮອງຫົວໜ້າກົມພົວພັນສາ ກົນອົງການ ຈັດຕັ້ງມະຫາຊົນຄະນະພົວພັນຕ່າງປະເທດສູນກາງພັກ, ກໍາມະການສະມາຄົມມິດຕະພາບຮົງກາລີ-ລາວ ພ້ອມ ດ້ວຍບັນດາອາດີດນັກສຶກສາລາວຈາກຮົງກາລີ ແລະ ບັນດາຜູ້ຕາງໜ້າໂຄງການຮົງກາລີປະຈໍາລາວ ເຂົ້າຮ່ວມ ຢ່າງພ້ອມພຽງ. ໃນໂອກາດນີ້ທ່ານ ຊີນແວສເຕີ ບູສ ເອກອັກຄະລັດຖະທູດຮົງກາລີປະຈໍາລາວ ໄດ້ເລົ່າ ຄືນປະຫວັດຄວາມເປັນມາ ແລະ ການພັດທະນາເສດຖະກິດ-ສັງຄົມຂອງ ຮົງກາລີ ຕະຫຼອດໄລຍະ 29 ປີ ພ້ອມທັງໄດ້ຍົກໃຫ້ເຫັນເຖີງ ການຮ່ວມມື ແລະ ສາຍພົວພັນ ມິດຕະພາບອັນສະໜິດແໜ້ນ ແລະ ເປັນມູນ ເຊື້ອລະຫວ່າງ ລາວ-ຮົງກາລີ-ລາວ ແລະ ປະຊາຊົນຂອງ ທັງສອງຊາດລາວ-ຮົງກາລີ. Continue reading →

ເພື່ອເປັນການເພີ່ມທະວີວຽກງານການຮ່ວມມື ລະຫວ່າງ ລາວ-ຈີນ ກ່ຽວກັບການຄວບຄຸມພະຍາດສັດຂ້າມຊາຍແດນ. ໃນວັນທີ 26 ຕຸລາ ທີ່ຜ່ານມາ. ໄດ້ມີພິທີມອບ-ຮັບ ໂຄງການຊ່ວຍເຫຼືອລາວ ກ່ຽວກັບການປ້ອງກັນ ແລະຄວບຄຸມພະຍາດສັດຂ້າມຊາຍແດນ ທີບ້ານຈັນສະຫວ່າງ, ເມືອງສີໂຄດຕະບອງ, ນະຄອນຫຼວງວຽງຈັນ. ໃຫ້ກຽດເຂົ້າຮ່ວມໂດຍທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງກະສິກໍາ ແລະປ່າໄມ້, ທ່ານ ຫວ່າງ ຊີຮຸຍ ທີ່ປຶກສາດ້ານເສດຖະກິດ-ການຄ້າ ຂອງເອກອັກຄະລັດຖະທູດ ສປ.ຈີນ ປະຈໍາລາວ. ມີຜູ້ແທນມາຈາກຫ້ອງການ, ກົມອ້ອມຂ້າງກະຊວງ, ຜູ້ຕ່າງໜ້າບໍລິສັດຮັບເໝົາກໍ່ສ້າງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. Continue reading →

       ເພື່ອເປັນການຍົກລະດັບມາດຕະຖານການຜະລິດກະສິກໍາທີ່ດີ ແລະການຫັນເປັນອຸດສາຫະກໍາທີ່ທັນສະໄໝ, ນໍາໃຊ້ເຕັກໂນໂລຊີ ແລະນະວັດຕະກໍາໃໝ່ ທີ່ເໝາະສົມ ຊ່ວຍຂັບເຄື່ອນຂະບວນການຜະລິດ. ໃນວັນທີ 24 ຕຸລາ 2018 ນີ້ ໄດ້ມີພິທີມອບ-ຮັບ ແນວພັນຖົ່ວດິນ ຈໍານວນ 20 ໂຕນ ແລະຝຸ່ນປຸ໋ຍອິນຊີ ຈໍານວນ 200 ຊຸດ ໃຫ້ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ ຢູ່ເມືອງ ທຸລະຄົມ, ​ແຂວງ ວຽງຈັນ ລະຫວ່າງ ສະມາຄົມສົ່ງເສີມ ແລະພັດທະນາກະສິກໍາລາວ ກັບ ກຸ່ມຜະລິດກະສິກໍາ ຢູ່ວັດກາງ ບ້ານ ລິງຊັນ, ເມືອງ ທຸລະຄົມ, ​ແຂວງ ວຽງຈັນ. ໃຫ້ກຽດເຂົ້າຮ່ວມໂດຍທ່ານ ທອງວັນ ວິໄລເຮືອງ ການນໍາກະຊວງ ກະສິກໍາ ແລະປ່າໄມ້. ມີຮອງຫົວໜ້າຫ້ອງການກະຊວງ, ຂັ້ນກົມ,​ ພະແນກກະສິກໍາ ແລະ ປ່າໄມ້ແຂວງ-ເມືອງ, ປະທານສະມາຄົມພັດທະນາກະສິກໍາລາວ ພ້ອມດ້ວຍຊາວກະສິກອນ ກຸ່ມຜະລິດກະສິກໍາ ບ້ານ ລິງຊັນ ເຂົ້າຮ່ວມຢ່າງພ້ອມພຽງ. Continue reading →

              ເພື່ອປະກອບສ່ວນເຂົ້າໃນວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະລຶບລ້າງຄວາມທຸກຍາກ ໂດຍສະເພາະແມ່ນການຄໍ້າປະກັນສະບຽງອາຫານ, ສົ່ງເສີມການຜະລິດເປັນສິນຄ້າ ແລະປັບປຸງໂພຊະນາການ ຊື່ງຜ່ານມາ ເຮັດໃຫ້ວຽກງານດັ່ງກ່າວກາຍເປັນໜ້າທີ່ທົ່ວພັກທົ່ວລັດທົ່ວປວງຊົນຢ່າງແທ້ຈິງ. ໃນອາທິດຜ່ານມາ, ກະຊວງກະສິກໍາ ແລະປ່າໄມ້ ໄດ້ຈັດປາຖະກະຖາ ເນື່ອງໃນວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ຕໍ່ກະຊວງຖະແຫຼງຂ່າວ ວັດທະນະທໍາ ແລະທ່ອງທ່ຽວ ຢູ່ ຫ້ອງປະຊຸມຫໍ່ສະໝຸດແຫ່ງຊາດ ຫຼັກ 6 ໃຫ້ກຽດປາຖະກະຖາໂດຍທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກໍາ ແລະ ປາ່ໄມ້. ເຂົ້າຮ່ວມມີ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວ ວັດທະນະທໍາ ແລະທ່ອງທ່ຽວ, ມີຫົວໜ້າຫ້ອງການກະຊວງ, ຫົວໜ້າກົມ ແລະຮອງກົມ ພ້ອມດ້ວຍ ພະນັກງານຫຼັກແຫຼ່ງທົ່ວກະຊວງເຂົ້າຮ່ວມ. Continue reading →

         ເພື່ອເລັ່ງໃສ່ເປົ້າໝາຍຮັບປະກັນຄວາມໝັ້ນຄົງທາງດ້ານສະບຽງອາຫານ, ຜະລິດສິນຄ້າກະສິກໍາ ທີ່ມີທ່າແຮງຕາມທິດພັດທະນາກະສິກໍາສະອາດ ປອດໄພ ແລະຍືນຍົງ ບົນພື້ນຖານການຫັນເປັນອຸສາຫະກໍາທັນສະໄໝ ຕິດພັນກັບການພັັດທະນາຊົນນະບົດ ແລະພັດທະນາປ່າໄມ້ ເພື່ອເປັນແຫຼ່ງສະໜອງວັດຖຸດິບທີ່ບໍ່ບົກແຫ້ງ ແລະປະກອບສ່ວນສ້າງພື້ນຖານເສດຖະກິດແຫ່ງຊາດ. ໃນຕອນບ່າຍວັນທີ 16 ຕຸລາ 2018 ກະຊວງກະສິກໍາ ແລະປ່າໄມ້ ໄດ້ຈັດພິທີສໍາມະນາ ວັນອາຫານໂລກ, ວັນສາກົນ ແລະວັນສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ທີ່ສະຖາບັນຄົ້ນຄວ້າກະສິກຳ, ປ່າໄມ້ ແລະພັດທະນາຊົນນະບົດ ໃຫ້ກຽດເປັນປະທ່ານຮ່ວມໂດຍ ທ່ານ ປອ ບຸນທອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳ, ປ່າໄມ້ ແລະພັດທະນາຊົນນະບົດ, ທ່ານ ນາງ ອາລິຊັນ ໂຮບ ມໍຣ ຜູ້ຕາງໜ້າຈາກ ອົງການອາຫານ ແລະ ການກະເສດ ປະຈໍາ ພາກພື້ນ ອາຊີ-ປາຊີຟິກ, ທ່ານ ນ.ມາກາເຣັດ ຈອນ ວິນລຽມ ຕາງໜ້າອົງການສະຫະປະຊາຊາດ ປະຈໍາລາວ. ມີບັນດາຫົວໜ້າກົມ, ຮອງກົມ ພ້ອມດ້ວຍພາກສ່ວນກ່ຽວຂ້ອງ ແລະນັກຮຽນນັກສຶກສາເຂົ້າຮ່ວມ. Continue reading →

ໃນວັນທີ 16 ຕຸລາ 2018 ໄດ້ມີພິທີສະເຫຼີມສະຫຼອງວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມ ທຸກຍາກ ປະຈຳປີ 2018, ຊຶ່ງຈັດຂຶ້ນໂດຍກະຊວງກະສິ ກຳ ແລະປ່າໄມ້ ຮ່ວມກັບ ອົງການອາຫານ ແລະການກະເສດ FAO, ອົງການເພື່ອການພັດທະນາ ແຫ່ງສະຫະປະຊາຊາດ. ໃຫ້ກຽດເປັນປະທານໂດຍ ທ່ານ ສອນໄຊ ສີພັນດອນ ຮອງນາຍົກລັດ ຖະມົນຕີ, ທ່ານ ປອ. ລຽນ ທິແກ້ວ ລັດຖະມົນຕີກະຊວງກະສິກໍາ ແລະປ່າໄມ້, ມີຮອງລັດຖະມົນຕີ, ຜູ້ຕາງໜ້າອົງການຈັດຕັ້ງສາກົນ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ລັດຖະມົນຕີກະຊວງກະສິກໍາ ແລະປ່າໄມ້ ໄດ້ໃຫ້ກຽດກ່າວໃນພິທີວ່າ: ສຳລັບ, ປະເທດເຮົາ ການສະເຫຼີມສະຫຼອງວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກປີນີ້ ແມ່ນຢູ່ໃນເງື່ອນໄຂທີ່ປະຊາຊົນເຮົາສາມາດຍາດໄດ້ຜົນສຳເລັດຫຼາຍດ້ານ ໃນການຈັດຕັ້ງປະຕິບັດຍຸດທະສາດການເຕີບໂຕ ແລະລຶບລ້າງຄວາມທຸກຍາກແຫ່ງຊາດ (NGPES) ຕະຫຼອດໄລຍະ 15 ປີຜ່ານມາ (2003-2018) ແລະໃນໄລຍະເຄິ່ງສະໄໝຂອງແຜນພັດທະນາເສດຖະກິດ-ສັງຄົມ ແຫ່ງລັດ 5 ປີຄັ້ງທີ VIII ເປັນ ຕົ້ນແມ່ນ ສປປລາວ ໄດ້ບັນລຸຫຼາຍເງື່ອນໄຂ ຂອງການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ, ມີສະຖຽນລະພາບດ້ານການເມືອງ, ເສດຖະກິດ ມີການເຕີບໂຕຢ່າງຕໍ່ເນື່ອງ, ສັງຄົມມີຄວາມສະຫງົບ ເປັນລະບຽບຮຽບຮ້ອຍ, ອົງການປົກຄອງທ້ອງຖິ່ນຮາກຖານ ໄດ້ຮັບການປັບປຸງໃຫ້ເຂັ້ມແຂງຂຶ້ນຕາມທິດ 3 ສ້າງ, ການແກ້ໄຂຄວາມທຸກຍາກ, ການຄ້ຳປະກັນຄວາມໝັ້ນຄົງດ້ານສະບຽງອາຫານ ແລະສົ່ງເສີມການຜະລິດເປັນສິນຄ້າ ກໍມີຄວາມຄືບໜ້າເປັນຢ່າງດີ.

ເພື່ອເຮັດພິທີດັ່ງກ່າວມີຄວາມໝາຍຄວາມສໍາຄັນ ຄະນະປະທານນໍາໂດຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ໃຫ້ກຽດຕັດແຖບຜ້າ, ລັ່ນຄ້ອງ 9 ບາດ ແລະ ປ່ອຍປຸມເປົ້າ ເພື່ອເປີດງານດັ່ງກ່າວຢ່າງເປັນທາງການ. ໂອກາດນີ້ ຄະນະປະທານ ພ້ອມດ້ວຍແຂກທີ່ເຂົ້າຮ່ວມ ໄດ້ທ່ຽວຊົມການວາງສະແດງສິນຄ້າພາຍໃນງານ ນໍາອີກ. ສຳລັບ ງານດັ່ງກ່າວແມ່ນຈະດຳເນີນໄປເປັນເວລາ 5 ວັນເຕັມ ແຕ່ວັນທີ 15 – 19 ຕຸລາ 2018, ທີ່ສະຖາບັນຄົ້ນຄວ້າກະສິກຳ, ປ່າໄມ້ ແລະພັດທະນາຊົນນະບົດ, ຊຶ່ງພາຍໃນງານດັ່ງກ່າວມີການວາງສະແດງ ແລະຂາຍສິນຄ້າ ມາຈາກບັນດາລັດ ແລະຫົວໜ່ວຍທຸລະກິດທັງໝົດ 228 ຮ້ານ.

ພາບ ແລະ ຂ່າວໂດຍ: ພະແນກໂຄສະນາ ແລະ ຂ່າວສານ

          ໃນວັນທີ 19 ຕຸລາ 2018 ນີ້, ກົມລ້ຽງສັດ ແລະ ການປະມົງ, ກະຊວງກະສິກໍາ ແລະ ປ່າໄມ້ ໄດ້ຈັດພິທີເປີດນໍາໃຊ້ ສູນພັດທະນາການປະມົງຂື້ນທີ່ບ້ານ ສິວິໄລ ເມືອງ ນາຊາຍທອງ ນະຄອນຫຼວງວຽງຈັນ, ເປັນກຽດເຂົ້າຮ່ວມໂດຍ ທ່ານ ປອ ລຽນ ທີແກ້ວ ລັດຖະມົນຕີ ກະຊວງ ກະສິກໍາ ແລະ ປ່າໄມ້, ທ່ານ ທາເກຊິ ຮິກິຮະຣະ ເອກອັກຄະລັດຖະທູດຢີ່ປຸ່ນປະຈໍາ ລາວ, ມີຫົວໜ້າຫ້ອງການ ຮ່ວມມືສາກົນໄຈກາປະຈໍາລາວ, ອົງການປົກ ຄອງທ້ອງຖິ່ນ, ຕາງໜ້າຈາກວິທະຍາໄລ, ບັນດາກົມສະຖາບັນ ອ້ອມຂ້າງກະຊວງ ກະສິກໍາ ແລະ ປ່າໄມ້ເຂົ້າຮ່ວມ. Continue reading →

ໃນລະຫວ່າງ ວັນທີ 10-14 ຕຸລາ 2018,​ ທ່ານ ປອ. ລຽນ ທີແກ້ວ ລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະຜູ້ແທນໄດ້​ເຂົ້າ​ຮ່ວມກອງ​ປະຊຸມ​ລັດຖະມົນຕີ ກະສິກຳ ​ແລະ ປ່າ​ໄມ້ ອາຊຽນ ຄັ້ງ​ທີ 40, ກອງ​ປະຊຸມ​ລັດຖະມົນຕີ ກະສິກຳ ​ແລະ ປ່າ​ໄມ້ ອາຊຽນ+3ຄັ້ງທີ 18, ກອງປະຊຸມລັດຖະມົນຕີກະສິກຳ ​ແລະ ປ່າ​ໄມ້ ອາຊຽນແລະ ລັດຖະມົນຕີ ສປ ຈີນ (GeneralAdministration of Customs, China–GACC) ກ່ຽວກັບການຮ່ວມມືດ້ານສຸຂານາໄມ ແລະ ສຸຂານາໄມພືດ ອາຊຽນ ຄັ້ງທີ 6ແລະ ກອງປະຊຸມທີ່ກ່ຽວຂ້ອງທີ່ໄດ້ຈັດຂື້ນ ທີ່ ຮ່າໂນ້ຍ, ສສ ຫວຽດນາມ.ຈຸດ​ປະ​ສົງ​ຂອງ​ກອງ​ປະ​ຊຸມ​ດັ່ງ​ກ່າວ​ແມ່ນເພື່ອລາຍງານຜົນການຈັດຕັ້ງປະຕິບັດວຽກງານໃນຊຸມປີຜ່ານມາ ແລະ ແຜນຕໍ່ໜ້າໃນ​ຂອບ​ການຮ່ວມ​ມື​ດ້ານສະ​ບຽງ​ອາ​ຫານ​,ກະ​ສິ​ກຳແລະປ່າ​ໄມ້ອາ​ຊຽນ ແລະ ການຮ່ວມມື ກັບ ບັນດາປະເທດ+3 (ຍີປຸ່ນ, ສປ.ຈີນ ແລະ ສ.ເກົາຫຼີ) ແລະ ບັນດາຄູ່ຮ່ວມພັດທະນາຕ່າງໆ ທີ່ກ່ຽວຂ້ອງ.

ໃນກອງ​ປະຊຸມ​ລັດຖະມົນຕີ ກະສິກຳ ​ແລະ ປ່າ​ໄມ້ ອາຊຽນ ຄັ້ງ​ທີ 40ໄດ້ຕົກລົງຮັບຮອງເອົາເອກະສານທັງໝົດ 23 ສະບັບ ເຊິ່ງເປັນເອກະສານທາງດ້ານນະໂຍບາຍ, ແຜນການ ແລະ ເຕັກນິກໃນວຽກງານກະສິກໍາ ແລະ ປ່າໄມ້. ພ້ອມດຽວກັນ ໃນກອງ​ປະຊຸມ​ລັດຖະມົນຕີ ກະສິກຳ ​ແລະ ປ່າ​ໄມ້ ອາຊຽນ+3 ຄັ້ງທີ 18 ໄດ້ຈັດພິທີເຊັນສັນຍາ ແລະ ບົດບັນທຶກຄວາມເຂົ້າໃຈ ທັງໝົດຈໍານວນ 3 ສະບັບ ປະກອບມີ: (i) ສັນຍາວ່າ​ດ້ວຍ ຄັງ​ແຮ​ເຂົ້າ​ສຸກ​ເສີນ ອາ​ຊຽນ+3; (ii) ບົດບັນທຶກຄວາມເຂົ້າໃຈລະຫວ່າງ ປະເທດສະມາຊິກອາ​ຊຽນ ແລະ ອົງການ​ອາຫານ ​ແລະ ການ​ກະ​ເສດ (FAO) ​ວ່າ​ດ້ວຍການສ້າງ​ຄວາມ​ເຂັ້ມ​ແຂງ​ການ​ຮ່ວມ​ມື​ໃນ​ວຽກ​ງານ​ກະສິກຳ ​ແລະ ປ່າ​ໄມ້; ແລະ (iii) ບົດບັນທຶກຄວາມເຂົ້າໃຈລະຫວ່າງ ອາ​ຊຽນ-ສປຈີນວ່າ​ດ້ວຍການ​ຮ່ວມ​ມື​ດ້ານ​ອາຫານ ​ແລະ ກະສິກຳ.

ໃນໄລຍະກອງປະຊຸມ ລັດຖະມົນຕິກະສິກຳ ແລະ ປ່າໄມ້ ອາຊຽນ ທ່ານລັດຖະມົນຕີ ພ້ອມດ້ວຍຕະນະຍັງໄດ້ເຂົ້າຮ່ວມກອງປະຊຸມພົບປະສອງຝ່າຍຮ່ວມກັບລັດຖະມົນຕີກະຊວງ ກະສິກໍາ ແລະ ພັດທະນາຊົນນະບົດ ສສ ຫວຽດນາມ ເຊິ່ງໃນກອງປະຊຸມໄດ້ມີການລາຍງານສະພາບການຜະລິດ ແລະ ປຶກສາຫາລືທິດທາງການຮ່ວມມືໃນຕໍ່ໜ້າຂອງທັງສອງຝ່າຍ. ພ້ອມດຽວກັນນີ້ ຄະນະຜູ້ແທນຍັງໄດ້ຢ້ຽມຢາມ ບ້ານກະສິກໍາພັດທະນາ ຕາແສງຄັນຕຽນ, ການຜະລິດຂອງບໍລິສັດຫຸ້ນສ່ວນປຸງແຕ່ງກະສິກໍາເພື່ອສົ່ງອອກໄປເອີຣົບ ແລະ ອາເມລິກາ (Dong Giao JSC), ແລະ ສະຖານີສູບນໍ້າຊົນລະປະທານ ບິງໂບະ ແຂວງ ພູທອກ ເພື່ອເປັນການແລກປ່ຽນບົດຮຽນ ແລະ ສົ່ງເສີມການຮ່ວມມືດ້ານ ກະສິກໍາ ແລະ ປ່າໄມ້.

ໃນວັນອາທິດທີ່ຜ່ານມາໄດ້ຈັດພິທີສະເຫຼີມສະຫຼອງວັນກາເຟສາກົນ ດ້ວຍການຈັດງານ « Lao Coffee Culture » ຂຶ້໊ນທີ່ສະຖາບັນຝຣັ່ງ ນະຄອນຫຼວງວຽງຈັນ ຈັດໂດຍ Coffee Lovers in Laos ຮ່ວມກັບອົງການຝຣັ່ງເພື່ອການພັດທະນາ ຫຼື AFD ພາຍໃນງານມີກິດຈະກຳຢ່າງຫຼວງຫຼາຍ : ການບັນຍາຍກ່ຽວກັບກາເຟໃນລາວ, ວາງສະແດງຮູບພາບ ແລະ ສາຍວີດີໂອ, ການຊົງ ແລະ ຊີມກາເຟ ແລະ ກິດຈະກຳອື່ນໆສຳລັບເດັກນ້ອຍ ! ໃນໂອກາດດັ່ງກ່າວ ທ່ານ ນາງ ຟລໍຣັອງສ ຊັອງບລັອງ-ຣີສແລກ ເອກອັກຄະລັດຖະທູດຝຣັ່ງ ປະຈຳ ສປປ ລາວ ກໍ່ໄດ້ໃຫ້ກຽດເຂົ້າຮ່ວມງານດັ່ງກ່າວ.

ປະເທດຝຣັ່ງໄດ້ສະໜັບສະໜູນຂະແໜງກາເຟຢູ່ພູພຽງບໍລະເວນເປັນເວລາຫຼາຍກວ່າ 20 ປີ ມາແລ້ວ. ກຸ່ມສະຫະກອນຜູ້ປູກກາເຟ ເປັນກຸ່ມກະສິກອນກຸ່ມທຳອິດຂອງ ສປປ ລາວ ທີ່ໄດ້ຖືກສ້າງຕັ້ງຂຶ້້ນ ແລະ ມີສະມາຊິກປະມານ 1 200 ຄອບຄົວ ຊຶ່ງໄດ້ທຳການຜະລິດກາເຟທີ່ມີກາໝາຍຄຸນນະພາບເປັນຜະລິດຕະພັນປອດສານຜິດ ແລະ ການຄ້າທີ່ເປັນທຳ. ສິ່ງນີ້ສະແດງເຖິງຜົນສຳເລັດຂອງການຮ່ວມມື. ນັບແຕ່ປີ 2018, ອົງການ AFD ຍັງໄດ້ສືບຕໍ່ສະໜັບສະໜູນພັດທະນາການຜະລິດກາເຟເຂດທາງພາກເໜືອຂອງລາວອີກດ້ວຍ ເພື່ອຜົນປະໂຫຍດຂອງຜູ້ຜະລິດກາເຟເອງ.

Dimanche dernier nous avons fêté la journée internationale du café lors l’évènement « culture du café laotien » organisé à l’Institut Français du Laosà Vientiane. Organisé par Coffee Lovers in Laos en partenariat avec l’ AFD – Agence Française de Développement, l’évènement a proposé de nombreuses activités : présentations sur le café au Laos, expositions photos et vidéos, préparation et dégustation de café et activités pour les enfants ! Mme Florence Jeanblanc-Risler Ambassadeur de France au Laos était également présente.

Au Laos, La France soutient le secteur du café sur le plateau des Boloven depuis plus de 20 ans. La Coopérative des Producteurs de Café (CPC), première coopérative agricole du pays, regroupe environ 1 200 familles, produit du café labellisé bio et équitable et incarne la réussite de cette coopération. Depuis 2018, l’AFD appuie également le développement de la production de café dans le Nord du pays, au bénéfice des producteurs.

           ເພື່ອບັນລຸເປົ້າໝາຍໃນການພັດທະນາເສດຖະກິດ-ສັງຄົມ ແຫ່ງຊາດ ພ້ອມທັງເປັນການປຶກສາຫາລື ຜົນກະທົບທາງໄພທໍາມະຊາດໃນ 18 ແຂວງທົ່ວປະເທດ. ໃນຕອນເຊົ້າວັນທີ 2 ຕຸລາ 2018 ກົມແຜນການ ແລະການເງິນ, ກະຊວງກະສິກໍາ ແລະປ່າໄມ້ ໄດ້ຈັດກອງປະຊຸມທົບທວນຄືນຄວາມຄືບໜ້າໃນການຈັດຕັ້ງປະຕິບັດວຽກງານກະສິກໍາປະຈໍາປີ ຂື້ນຢູ່ສະໂມສອນກະຊວງ. ໃຫ້ກຽດເປັນປະທານຮ່ວມໂດຍທ່ານ ປອ. ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ ແລະປ່າໄມ້, ທ່ານ ນ. ຄາລີນາ ອີມໂມເນນ ຕາງໜ້າອົງການສະຫະປະຊາຊາດ, ທ່ານ ນ. ຟຣໍາເລນສ ຊ່ອງບາລັງ-ລິດສເລ ເອກອັກຄະລັດຖະທູດຝຣັ່ງປະຈໍາລາວ. ມີຫົວໜ້າກົມ-ຮອງກົມ, ບັນດາຜູ້ຕາງໜ້າຄູ່ຮ່ວມພັດທະນາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. Continue reading →