ກອງປະຊຸມສະໄໝສາມັນຄັ້ງທີ XV ຂອງສະພາບໍລິຫານອົງການຄຸ້ມຄອງແລະ ປົກປັກຮັກສາແຫຼ່ງນ້ຳເທີນ 2
ເພື່ອໃຫ້ວຽກງານການຄຸ້ມຄອງບໍລິຫານຈັດການອ່າງນ້ຳເທີນ 2 ໃຫ້ມີຄວາມຢືນຍົງ. ໃນວັນທີ 15 ພະຈີກ ຜ່ານມາສະພາບໍລິຫານອົງການຄຸ້ມຄອງແລະ ປົກປັກຮັກສາແຫຼ່ງນ້ຳເທີນ 2 ໄດ້ຈັດກອງປະຊຸມສະໄໝສາມັນຄັ້ງທີ XV ຂຶ້ນໂດຍການເປັນປະທານຂອງ ທ່ານ ປອ. ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ທັງເປັນຫົວໜ້າສະພາບໍລິຫານອົງການຄຸ້ມຄອງແລະ ປົກປັກຮັກສາແຫຼ່ງນ້ຳເທີນ 2 ນອກນັ້ນຍັງມີ ບັນດາທ່ານ ຮອງປະທານ, ຄະນະສະພາບໍລິຫານ ແລະ ຫົວໜ້າກອງເລຂາອົງການຄຸ້ມຄອງແລະ ປົກປັກຮັກສາແຫຼ່ງນ້ຳເທີນ 2 ເຂົ້າຮ່ວມ.
ໃນທີ່ປະຊຸມ ທ່ານ ທອງແອັດ ໄພວັນ ຮັກສາການຫົວໜ້າກອງເລຂາອົງການຄຸ້ມຄອງແລະ ປົກປັກຮັກສາແຫຼ່ງນ້ຳເທີນ 2 ໄດ້ລາຍງານຜົນຂອງການ ຈັດຕັ້ງປະຕິບັດແຜນດໍາເນີນງານຄັ້ງທີ 2 ໄລຍະ 5 ປີ ເດືອນ ຕຸລາ 2012 ຫາ ເດືອນກັນຍາ 2017 ແລະ ແຜນດຳເນີນງານຄັ້ງທີ 3 2017-2021 ແມ່ນສາມາດບັນລຸຕາມແຜນການທີ່ວາງໄວ້ເປັນຕົ້ນ: ປັບປຸງດຳລັດ ວ່າດ້ວຍການຄຸ້ມຄອງ, ພັດທະນາ ແລະ ປົກປັກ ຮັກສາປ່າສະຫງວນນາກາຍ–ນ້ຳເທີນ ແລະ ເຂດແຫຼ່ງນ້ຳເທີນ 2, ເພີ່ມທະວີຄວາມສາມາດໃນການຄຸ້ມຄອງບໍລິຫານ, ຮ່ວມມືກັບທີມ ງານຊຽ່ວຊານ, ການແກ້ໄຂໄພຂົ່ມຂູ່ຕໍ່ເຂດແຫຼ່ງນ້ຳ ເພື່ອເພີ່ມທະວີຄວາມເຂັ້ມແຂງໃນການຄຸ້ມຄອງ ແລະ ປົກປັກຮັກສາເຂດແຫຼ່ງນ້ຳ ນ້ຳເທີນ2, ການປະສານສົມທົບກັບອຳນາດການປົກຄອງເມືອງນາກາຍເພື່ອລົງຊຸກຍູ້ວຽກງານຮາກຖານຢູ່ສາມເຂດເທີງໃນເຂດແຫຼ່ງນ້ຳ ສົມທົບກັບທະຫານຊາຍແດນ ແລະ ໜ່ວຍກວດກາລາດຕະເວນບ້ານ ເພື່ອເຂັ້ມງວດໃນການປະຕິບັດຄຳສັ່ງ ເລກທີ15/ນຍ ລົງວັນທີ 13 ພືດສະພາ 2016 ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາ ການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້. ໃນການແກ້ໄຂບັນຫາການລັກລອບຊັບພະຍາກອນທຳມະຊາດ ແລະ ປ່າໄມ້ ຕ່າງໆ ກອງປະຊຸມໃນຄັ້ງນີ້ຜູ້ແທນທີ່ເຂົ້າຮ່ວມຍັງໄດ້ປະກອບຄຳຄິດ ຄຳເຫັນເພື່ອຊອກຫາທາງອອກ, ວີທີການ ແລະ ມາດຕະການໃນການແກ້ໄຂ້ບັນຫາຕ່າງໆ ເປັນຕົ້ນການໃຫ້ປະຊາຊົນເຂົ້າມາມີສ່ວນ ຮ່ວມໃນການປົກປັກຮັກສາຊັບພະຍາກອນທຳມະຊາດ ແລະ ປ່າໄມ້ໃຫ້ຫຼາຍຂຶ້ນ ໂດຍການສ້າງບັນດາປະຖົມປັດໃຈຄວາມຈຳ ເປັນຂັ້ນພື້ນຖານ, ຄວາມຕ້ອງການດ້ານລາຍຮັບ, ການມີສ່ວນຮ່ວມ ແລະ ການຄຸ້ມຄອງປ່າສະຫງວນ ດ້ວຍຕົນເອງຂອງທ້ອງຖິ່ນ ທີ່ຕິດພັນກັບວິຖີການດຳລົງຊິວິດຂອງປະຊົນໃຫ້ຮູ້ຈັກປົກປັກຮັກສາ ແລະ ນຳໃຊ້ຊັບພະຍາກອນທຳມະຊາດໃຫ້ມີຄວາມຍືນຍົງ. ໂດຍການໂຄສະນາເຜີຍແຜ່ ແລະ ໃຫ້ຄວາມຮູ້ຕ່າງໆ ເພື່ອເປັນການເພີ່ມທະວິໃນການຄຸ້ມຄອງປ່າສະຫງວນຕາມຊາຍແດນ ແລະ ການປ້ອງກັນການລັກລອບລ່າສັດປ່າ ແລະ ການຄ້າຂາຍສັດປ່າໃນຂົງເຂດດັ່ງກ່າວ ເພື່ອເປັນການຄຸ້ມຄອງເຂດແຫຼ່ງນ້ຳ ນ້ຳເທີນ 2ໃຫ້ມີຄວາມຍືນຍົງແລະກາຍເປັນສວນອຸດທິຍານແຫ່ງຊາດໃນອະນາຄົດ.
ຂຽນໂດຍ: ຂັນວິຈິດ
ບັນນະທີການໂດຍ: ທ່ານເຂັມພອນ ທິພົມມະຈັນ
