ແຜນທີ່ ຄວາມປົກຫຸ້ມທີ່ດິນກະສິກຳ ສະບັບທໍາອິດ ຂອງ ສປປ ລາວ

Published October 29, 2021 | By Khemmalay SONDAVANH

ແຜນທີ່ການປົກຫຸ້ມພື້້ນທີ່ປູກພືດກະສິກຳ ສະບັບທໍາອິດຂອງກະຊວງກະສິກຳ ແລະ ປ່າໄມ້ ແມ່ນຖືກພັດທະນາ ແລະ ສ້າງຂຶ້ນໂດຍການຮ່ວມມືກັນ ລະຫວ່າງ ກົມຄຸ້ມຄອງ ແລະ ພັດທະນາທີດິນກະສິກຳ (ຄພດກ) ແລະ ອົງການອາຫານ ແລະ ການກະເສດແຫ່ງສະຫະປະຊາຊາດ (FAO) ພ້ອມດ້ວຍຄະນະທີມງານສະເພາະດ້ານທີ່ກ່ຽວຂ້ອງ (ທີມງານຊ່ຽວຊານ) ດ້ວຍການນໍາໃຊ້ເຄ່ືອງມືອຸປະກອນທີ່ທັນສະໄໝ ແລະ ຂໍ້ມູນທາງວິທະຍາສາດທີ່ມີຄວາມຊັດເຈນສູງ ເຂົ້າໃນຂະບວນການເຮັດວຽກໃນຂັ້ນຕອນຕ່າງໆ. ແຜນທີ່ດັ່ງກ່າວແມ່ນຖືກສ້າງຂຶ້ນນມາ ບົນພື້ນຖານ ການຕອບສະໜອງຄວາມຕ້ອງການຫຼາຍໆດ້ານຂອງສັງຄົມ (ການຄຸ້ມຄອງ, ການຄົ້ນຄວ້າ, ການກໍານົດ-ການອອກນະໂຍບາຍດ້ານກະສິກຳ), ການພັດທະນາດ້ານເສດຖະກິດ-ສັງຄົມ, ການປົກປັກຮັກສາ – ການອະນຸລັກສິ່ງແວດລ້ອມຂອງລັດຖະບານ ແລະ ຮາກຖານການຜະລິດໃນປະຈຸບັນ ແລະ ອານາຄົດ. ກົມຄຸ້ມຄອງ ແລະ ພັດທະນາທີດິນກະສິກຳ ໂດຍສູນສໍາຫຼວດ ແລະ ວາງແຜນນໍາໃຊ້ທີ່ດິນກະສິກຳ (ສດກ) ແລະ ຄະນະທີມງານຊ່ຽວຊານ ຂອງໂຄງການຊາມິສ ພາຍໃຕ້ອົງປະກອບທີ່ 2 ວ່າດ້ວຍ’’ລະບົບການຄຸ້ມຄອງຂໍ້ມູນ-ຂ່າວສານດ້ານຊັບພະຍາກອນດິນ (LRIMS)” ໄດ້ຜະລິດຊຸດແຜນທີ່ຄວາມປົກຫຸ້ມທີ່ດິນກະສິກໍາ ສະບັບທໍາອິດໃນ ສປປ ລາວ ຂື້ນ (ແຜນທີ່ດັ່ງກ່າວແມ່ນໄດ້ສ້າງຂື້ນດ້ວຍລະບົບໂປແກຼມປັນຍາປະດິດ). ສຳລັບເຕັກນິກ ທາງປັນຍາປະດິດ ແມ່ນການເຝິກໃຫ້ລະບົບຄອມພິວເຕີຮຽນຮູ້ກ່ຽວກັບບາງສິ່ງ ໃນກໍລະນີນີ້ແມ່ນສີຂອງພືດປົກ ຫຸ້ມ. ທີມຊ່ຽວຊານຈາກກົມຄຸ້ມຄອງ ແລະ ພັດທະນາທີດິນກະສິກຳ ໄດ້ປັບສູນການຄິດໄລ່ປະມວນຜົນທີ່ມີຊື່ວ່າ: Random Forest ໃຫ້ສາມາດຈຳແນກສີພື້ນທີ່ການປົກຫຸ້ມຂອງການປູກພືດໃນລາວ ແທນທີ່ການຈຳແນກ ປ່າໄມ້ຕາມສູດ ຊຸດເຄື່ອງມືໄດ້ນຳໃຊ້ຈຸດທົດສອບໃຫ້ລະບົບຫຼາຍກ່ວາ 1000 ຈຸດ ຈາກທົ່ວປະເທດລາວ.

ແຜນທີ່ຊະນິດດັ່ງກ່າວນີ້ ແມ່ນສະແດງໃຫ້ເຫັນພາບໂດຍລວມຂອງການນໍາໃຊ້ທີ່ດິນກະສິກຳໃນປະຈຸບັນ ໂດຍໄດ້ລວມເອົາບັນດາລະບົບການຜະລິດຕົ້ນຕໍຂອງ ສປປ ລາວ ເຊັ່ນ: ພື້ນທີ່ເຮັດນາ; ປູກພືດປະຈໍາປີ; ດິນກະສິກຳເຂດເນີນສູງ (ການຜະລິດແບບໝູນວຽນເຂດເນີນສູງ); ປູກສາລີ; ມັນຕົ້ນ; ອອ້ຍ; ສວນປູກຊາ; ສວນປູກກາເຟ; ສວນປູກໄມ້ໃຫ້ໝາກ ແລະ ສວນປູກຝັງອື່ນໆເຂົ້າໄວ້ດ້ວຍກັນ ຊຶ່ງໄດ້ສ້າງສໍາເລັດ ໃນປີ 2019 ຊຸຸດແຜນທີ່ຄວາມປົກຫຸ້ມການປູກພືດກະສິກຳນີ້ ມີຄວາມເໝາະສົມ ແລະ ສາມາດນໍາໃຊ້ເຂົ້າໃນຫຼາຍວຽກງານເຊັ່ນ: ການປະເມີນ ແລະ ຄາດຄະເນການນໍາໃຊ້ດິນກະສິກຳ, ຕິດຕາມການປ່ຽນແປງຂອງສະພາບແວດລ້ອມ ແລະ ໄພພິບັດທາງທໍາມະຊາດ, ວາງແຜນການພັດທະນາ ແລະ ນະໂຍບາຍດ້ານກະສິກຳ, ດ້ານເສດຖະກິດ-ສັງຄົມ ແລະ ອື່ນໆ. ປະຈຸບັນຂໍ້ມູນດັ່ງກ່າວ ສາມາດເຂົ້າເຖີງໄດ້ໂດຍຜ່ານຊ່ອງທາງຕ່າງໆ ເຊັ່ນ: website ຂອງ ອົງການ ອົງການອາຫານ ແລະ ການກະເສດແຫ່ງສະຫະປະຊາຊາດ (FAO), ກົມຄຸ້ມຄ້ອງ ແລະ ພັດທະນາທີ່ດິນກະສິກຳ, Lao44 ແລະ LaoFAB.

ຂໍ້ສະຫຼູບກ່ຽວກັບແຜນທີ່ ແລະ ຂອບເຂດການໍາໃຊ້