ອົງການສະຫະປະຊາຊາດ ແລະ ບັນດາໜ່ວຍງານດ້ານອາຫານໃຫ້ການຕ້ອນຮັບການລົງຢ້ຽມຢາມຂອງ ພະນະທ່ານນາງ ຊິນດີ້ ແມັກເຄນ, ເອກອັກຄະຣາຊທູດສະຫະລັດອາເມລິກາ ປະຈຳອົງການສະຫະປະຊາຊາດ ປະຈຳ ນະຄອນຫຼວງ ໂຣມ ປະເທດ ອີຕາລີ/United Nations and its food agencies welcome H.E. Ms. Cindy McCain, U.S. Ambassador to the Rome-based UN agencies

Published November 30, 2022 | By Khemmalay SONDAVANH

English Below

ອົງການສະຫະປະຊາຊາດ ແລະ ບັນດາໜ່ວຍງານດ້ານອາຫານໃຫ້ການຕ້ອນຮັບການລົງຢ້ຽມຢາມຂອງ ພະນະທ່ານນາງ ຊິນດີ້ ແມັກເຄນ, ເອກອັກຄະຣາຊທູດສະຫະລັດອາເມລິກາ ປະຈຳອົງການສະຫະປະຊາຊາດ ປະຈຳ ນະຄອນຫຼວງ ໂຣມ ປະເທດ ອີຕາລີ

ນະຄອນຫຼວງວຽງຈັນ, 30 ພະຈິກ 2022

ພະນະທ່ານ ນາງ ຊິນດີ້ ແມັກເຄນ, ຜູ້ຕາງໜ້າຖາວອນຂອງສະຫະລັດອາເມລິກາປະຈຳອົງການສະຫະປະຊາຊາດ ປະຈຳນະຄອນຫຼວງ ໂຣມ ທີ່ໄດ້ຖືກມອບອຳນາດໃຫ້ວຽກງານ ດ້ານອາຫານ, ກະສິກຳ, ໂພຊະນາການ ແລະ ການພັດທະນາຊົນນະບົດ, ອົງການອາຫານ ແລະ ການກະເສດ, ອົງການອາຫານໂລກ ແລະ ອົງການກອງທຶນສາກົນ ເພື່ອການພັດທະນາກະສິກໍາ, ກໍາລັງລົງຢ້ຽມຢາມ ສປປ ລາວ ເພື່ອຮຽນຮູ້ກ່ຽວກັບກົນໄກການຮັບມືຂອງ ສປປ ລາວ ໃນສະພາວະວິກິດການດ້ານສະບຽງອາຫານໂລກ ແລະ ເພື່ອເນັ້ນໃຫ້ເຫັນເຖິງການສະຫນັບສະຫນູນຂອງສະຫະລັດຕໍ່ ສປປ ລາວ ກໍ່ຄືປະຊາຊົນລາວ.

ທ່ານເອກອັກຄະຣາຊທູດ ຊິນດີ້ ແມັກເຄນ ໄດ້ກ່າວເຖິງການລົງມາຢ້ຽມຢາມຂອງທ່ານໃນຄັ້ງນີ້ວ່າ, “ວຽກງານຂອງອົງການອາຫານ ແລະ ການກະເສດ ແຫ່ງສະຫະປະຊາຊາດ ແມ່ນມີຄວາມສຳຄັນໃນການແກ້ໄຂບັນຫາຄວາມບໍ່ໝັ້ນຄົງດ້ານສະບຽງອາຫານຢູ່ ສປປ ລາວ. ເຊິ່ງທັງສາມອົງການດັ່ງກ່າວແມ່ນໄດ້ເຮັດວຽກຮ່ວມກັບລັດຖະບານລາວ ເພື່ອຫຼຸດຜ່ອນໄພອຶດຫິວ, ປັບປຸງຜົນການຮຽນຮູ້ ແລະ ສົ່ງເສີມດ້ານໂພຊະນາການໃຫ້ແກ່ນັກຮຽນຊັ້ນປະຖົມ, ເສີມຂະຫຍາຍຊີວິດການເປັນຢູ່ຂອງຊາວກະສິກອນຂະໜາດນ້ອຍ, ແລະ ເສີມຂະຫຍາຍຄວາມຍຶດຍຸ່ນຂອງລະບົບອາຫານຂອງປະເທດ. ຄວາມຂັດແຍ້ງ, ໂດຍສະເພາະແມ່ນສົງຄາມທີ່ກຳລັງເກີດຂຶ້ນໃນປະເທດ ຢູເຄລນ, ການປ່ຽນແປງຂອງດິນຟ້າອາກາດ ແລະ ພະຍາດໂຄວິດ–19 ແມ່ນໄດ້ເພີ່ມຄວາມອຶດຫິວໃຫ້ກັບຜູ້ຄົນທົ່ວໂລກໃນລະດັບທີ່ບໍ່ເຄີຍມີມາກ່ອນ. ດັ່ງນັ້ນ, ອາເມລິກາຈະສືບຕໍ່ເປັນຜູ້ປະກອບສ່ວນອັນດັບໜຶ່ງ ແລະ ໃຫ້ການສະໜັບສະໜູນບັນດາອົງການສາກົນຕ່າງໆທີ່ເຮັດວຽກຢູ່ໃນພາກພື້ນ ແລະ ໃນທົ່ວໂລກ.”

ໃນລະຫວ່າງການລົງຢ້ຽມຢາມ, ໃນບົດບາດຂອງລັດຖະບານສະຫະລັດ ອາເມລິກາ ແລະ ໃນຖານະເປັນຜູ້ໃຫ້ທຶນທີ່ສຳຄັນແກ່ອົງການຊ່ວຍເຫຼືອດ້ານສະບຽງອາຫານ ຂອງອົງການສະຫະປະຊາຊາດ, ທ່ານນາງເອກອັກຄະຣັຊທູດ ແມັກເຄນ ໄດ້ສັງເກດເຫັນ ແລະ ມີຄວາມເຂົ້າໃຈເຖິງຕົ້ນຕໍຂອງບັນຫາທີ່ເກີດຂຶ້ນໃນ ສປປ ລາວ ໂດຍສະເພາະ ແມ່ນຄວາມບໍ່ໝັ້ນຄົງດ້ານສະບຽງອາຫານ ແລະ ການຂາດສານອາຫານກ ນອກຈາກນີ້, ທ່ານຍັງໄດ້ເຫັນວິທີການແກ້ໄຂບັນຫາໂດຍກົງຂອງບັນດາໜ່ວຍງານຂອງອົງການສະຫະປະຊາຊາດ ເຊິ່ງມີເປົ້າໝາຍເພື່ອຊ່ວຍຫຼຸດຜ່ອນຄວາມທຸກຍາກໃນ ສ ປປ ລາວ. ນອກຈາກນີ້, ການລົງຢ້ຽມຢາມໂຮງຮຽນປະຖົມອຸດົມສຸກ ທີ່ເມືອງ ບາຈຽງຈະເລີນສຸກ, ແຂວງ ຈຳປາສັກ. ເຮັດໃຫ້ທ່ານໄດ້ເຫັນເຖິງການຈັດຕັ້ງປະຕິບັດວຽກງານຂອງ ອົງການອາຫານໂລກ ໃນການສົ່ງເສີມໂພຊະນາການຂອງເດັກນ້ອຍໃນໂຮງຮຽນຢູ່ແຂວງ ຈຳປາສັກ. ໂດຍໄດ້ຮັບການຊ່ວຍເຫຼືອຈາກກະຊວງກະສິກໍາຂອງສະຫະລັດອາເມລິກາເຊິ່ງເປັນຜູ້ໃຫ້ທຶນຫຼັກ ແລະ ໃຫ້ການສະໜັບສະໜູນມາຢ່າງຍາວນານ, ໂດຍໃຫ້ການສະໜັບສະໜູນດ້ານປະເພດອາຫານ ຜ່ານອົງການອາຫານໂລກໃຫ້ແກ່ ສປປ ລາວ. ເພື່ອປະກອບສ່ວນເຂົ້າໃນວຽກງານອາຫານທ່ຽງ ທີ່ອົງການອາຫານຖລກໄດ້ຈັດຕັ້ງປະຕິບັດ ໂດຍການສະໜອງອາຫານທ່ຽງທີ່ມີໂໂຊະນາການປະຈໍາວັນໃຫ້ແກ່ເດັກນ້ອຍຊັ້ນປະຖົມຫຼາຍກວ່າ 64,000 ຄົນໃນ 707 ໂຮງຮຽນໃນທົ່ວປະເທດ. ໃນຂະນະທີ່ຢ້ຽມຢາມຢູ່ຈໍາປາສັກ, ທ່ານເອກອັກຄະຣາຊທູດຍັງໄດ້ມີໂອກາດໄປຢ້ຽມຢາມສາງຂອງ ອົງການອາຫານໂລກ ທີ່ເມືອງ ປາກເຊ ແລະ ໄດ້ຮຽນຮູ້ກ່ຽວກັບວິທີການເຮັດຽກຂອງ ອົງການອາຫານໂລກທີ່ຂຶ້ນຊື່ວ່າເປັນອົງການຊ່ວຍເຫຼືອດ້ານມະນຸດສະທໍາທີ່ໃຫຍ່ທີ່ສຸດຂອງໂລກໃນການວາງເປົ້າໝາຍຊ່ວຍເຫຼືອແກ່ບັນດາເຂດທີ່ມີຄວາມສ່ຽງທີ່ສຸດໂດຍຜ່ານການສະໜອງການຊ່ວຍເຫຼືອດ້ານໂພຊະນາການ, ຊ່ວຍສ້າງການປັບໂຕ ຫຼື ເສີມສ້າງຄວາມຢືດຢຸ່ນຕໍ່ກັບການປ່ຽນແປງຂອງດິນຟ້າອາກາດ ແລະ ການຕອບໂຕ້ກັບໄພພິບັດສຸກເສີນຢູ່ ສປປ ລາວ.

ທ່ານ ຢານ ເດວລາເຣີ, ຜູ້ອໍານວຍການ ແລະ ຜູ້ຕາງຫນ້າຂອງອົງການອາຫານໂລກປະຈໍາ ສປປ ລາວ ກ່າວວ່າ, “ແຜນຍຸດທະສາດສຳລັບ ສປປ ລາວຂອງພວກເຮົາແມ່ນໄດ້ຮັບການສະໜັບສະໜູນຢ່າງຫຼວງຫຼາຍຈາກສະຫະລັດອາເມລິກາ, ໂດຍສະເພາະການຊ່ວຍເຫຼືອດ້ານການເງິນຂອງກະຊວງກະສິກຳຂອງສະຫະລັດອາເມລິກາ ເພື່ອນຳໄປຈັດຕັ້ງປະຕິບັດ ແລະ ສະໜັບສະໜູນໂຄງການອາຫານໃນໂຮງຮຽນ ນັບຕັ້ງແຕ່ປີ 2008 ເປັນຕົ້ນມາ. ໃນຫວ່າງບໍ່ດົນມານີ້, ອົງການຊ່ວຍເຫຼືອສາກົນເພື່ອການພັດທະນາ ໄດ້ປະກອບສ່ວນເຂົ້າໃນການຈັດຕັ້ງວຽກງານຂອງພວກເຮົາໃນຂົງເຂດການສ້າງຄວາມຍືດຍຸ່ນໃຫ້ກັບຊຸມຊົນເພື່ອສ້າງຄວາມປອດໄພດ້ານສະບຽງອາຫານ. ທ່ານຍັງກ່າວເພີ່ມຕື່ມອີກວ່າ, ປັດຈຸບັນນີ້, ໂຄງການຂອງພວກເຮົາກໍາລັງຄ່ອຍໆຫັນໄປສູ່ການປ່ຽນຖ່າຍຄວາມເປັນເຈົ້າການໃຫ້ແກ່ລັດຖະບານລາວ ແລະ ຊຸມຊົນເປັນຜູ້ຈັດຕັ້ງປະຕິບັດ, ເຖິງຢ່າງໃດກໍ່ຕາມ, ພວກເຮົາຍັງສືບຕໍ່ຖືເອົາສະຫະລັດເປັນຄູ່ຮ່ວມງານທີ່ສໍາຄັນສໍາລັບ ສປປ ລາວ “

ສືບຕໍ່ການເດີນທາງລົງຢ້ຽມຢາມ ສປປ ລາວ ຂອງທ່ານ ຊິນດີ້ ແມັກເຄນ, ທ່ານໄດ້ເດີນທາງມາທີ່ນະຄອນຫຼວງວຽງຈັນ ແລະ ໄດ້ໃຊ້ເວລາຮ່ວມກັບອົງການອາຫານ ແລະ ການກະເສດ ເພື່ອຮຽນຮູ້ພາລະບົດບາດ ແລະ ເປົ້າໝາຍໃນການຫັນປ່ຽນລະບົບອາຫານກະສິກຳແບບຍືນຍົງ, ການເຕືອນໄພລ່ວງໜ້າ ແລະ ການຕອບສະໜອງ ເພື່ອຫຼຸດຜ່ອນຜົນກະທົບຈາກພະຍາດໂຄວິດ-19 ແລະ ວິກິດການທາງດ້ານສະບຽງອາຫານ ແລະ ພະລັງງານໂດຍສະເພາະ ນໍ້າມັນເຊື້ອໄຟ ໃນປະຈຸບັນ ທັງໃນເຂດຊົນນະບົດ ແລະ ຕົວເມືອງ.

ທັງນີ້, ທ່ານຍັງໄດ້ຮຽນຮູ້ກ່ຽວກັບວິທີການນຳໃຊ້ເຕັກໂນໂລຊີທີ່ເໝາະສົມ ແລະ ມີທົນທານຕໍ່ການປ່ຽນແປງຂອງດິນຟ້າອາກາດເຂົ້າໃນການພັດທະນາເມັດພັນພືດ ແມ່ນມີຄວາມສຳຄັນຕໍ່ຂະແໜງກະສິກຳຂອງ ສປປ ລາວ ແລະ ມີບົດບາດຕໍ່ລະບົບອາຫານທົ່ວໂລກແນວໃດ. ທ່ານຍັງໄດ້ໄປຢ້ຽມຢາມສູນຄົ້ນຄວ້າເຂົ້າ ແລະ ພືດເງິນສົດ, ເຊິ່ງໄດ້ມີການພັດທະນາແນວພັນໃໝ່ ໂດຍຮັກສາແນວພັນພື້ນເມືອງ ແລະ ສະໜອງແນວພັນທີ່ມີຄຸນນະພາບໃຫ້ແກ່ຊາວກະສິກອນພາຍໃນ ແລະ ຕ່າງປະເທດ ເພື່ອໃຫ້ເຂົ້າໃຈຢ່າງເລີກເຊິ່ງກ່ຽວກັບວຽກງານການຄົ້ນຄວ້າ ແລະ ພັດທະນາແນວພັນພືດທີ່ມີຄຸນນະພາບ ແລະ ແນວພັນພື້ນເມືອງ. ເຊິ່ງວຽກງານນີ້ຈະສົ່ງຜົນກະທົບໂດຍກົງຕໍ່ການຜະລິດຕະພັນພືດໂລກ ໃນອະນາຄົດແນວໃດ.

ນອກຈາກນີ້, ທ່ານຍັງໄດ້ສືບຕໍ່ລົງຢ້ຽມຢາມເບິ່ງການພັດທະນາ ແລະ ຜົນສຳເລັດຂອງສະມາຊິກແມ່ຍິງແບບຢ່າງໃນການຜະລິດຜັກປອດສານພິດຂອງຊາວກະສິກອນຂະຫນາດນ້ອຍ ສະຫະກອນກະເສດທົ່ງມີໄຊ ເຊິ່ງຖືໄດ້ວ່າເປັນຜູ້ສະໜອງອາຫານທີ່ມີຄຸນນະພາບສູງ ແລະ ປອດໄພ ໃຫ້ແກ່ຊາວນະຄອນຫຼວງວຽງຈັນ. ດ້ວຍການສົ່ງເສີມ ແລະ ສະໜັບສະໜູນ ຈາກອົງການອາຫານ ແລະ ການກະເສດ ເຊິ່ງເປັນກຸ່ມຊາວກະສິກອນຕົວແບບທີ່ໄດ້ຮັບການຄັດເລືອກ, ເຊິ່ງຊ່ວຍໃຫ້ສະຫະກອນໄດ້ຮັບຜົນປະໂຫຍດຈາກໂອກາດດັ່ງກ່າວ ແລະ ເປັນການເພີ່ມທະວີເສີມຂະຫຍາຍຄວາມອາດສາມາດຂອງພວກເຂົາ.

ທ່ານ ນາຊ່າ ຮ່າຢາດ, ຜູ້ຕາງໜ້າອົງການ ອາຫານ ແລະ ການກະເສດ ປະຈຳ ສປປ ລາວ ກ່າວວ່າ: “ຂ້າພະເຈົ້າມີຄວາມພາກພູມໃຈທີ່ໄດ້ເຫັນການຮ່ວມມືກັບລັດຖະບານໃນການປັບປຸງຄຸນນະພາບຂອງເມັດພັນພືດ ແລະ ຮັບປະກັນການຜະລິດທີ່ມີຄວາມປອດໄພ, ມີຄວາມຫຼາກຫຼາຍ ແລະ ມີຄຸນຄ່າທາງໂພຊະນາການໃຫ້ກັບຊຸມຊົນນັບມື້ນັບເພີ່ມຂຶ້ນ ແລະ ເຊັ່ນດຽວກັນກໍ່ເປັນການປະກອບສ່ວນເຂົ້າໃນການຫັນປ່ຽນລະບົບອາຫານພາຍໃນປະເທດ. ປັດຈຸບັນນີ້, ອົງການ ອາຫານ ແລະ ການກະເສດ ກໍ່ໄດ້ມີການຕິດຕາມຜົນກະທົບຂອງວິກິດການດ້ານສະບຽງອາຫານ ແລະ ນ້ຳມັນເຊື້ອໄຟຢ່າງຫ້າວຫັນ. ຂ້າພະເຈົ້າດີໃຈຫຼາຍທີ່ພວກເຮົາຍັງສືບຕໍ່ແກ້ໄຂສິ່ງທ້າທາຍທີ່ຊາວກະສິກອນປະເຊີນຢູ່ ໂດຍສະເພາະ, ດ້ານການຄໍ້າປະກັນສະບຽງອາຫານ ແລະ ຊີວິດການເປັນຢູ່ທີ່ໄດ້ຮັບຜົນກະທົບຢ່າງໜັກຈາກການແຜ່ລະບາດຂອງພະຍາດໂຄວິດ-19. ຂ້າພະເຈົ້າເຊື່ອວ່າ, ການແກ້ໄຂ້ບັນຫາເຫຼົ່ານີ້ແມ່ນສຳຄັນຫຼາຍໂດຍສະເພາະການຊ່ວຍເຫຼືອຈາກນານາຊາດ ແລະ ພວກເຮົາດີໃຈຫຼາຍທີ່ສະຫະລັດອາເມລິກາ ໃຫ້ການສະໜັບສະໜູນຄວາມພະຍາຍາມຂອງພວກເຮົາ ແລະ ຮັບຮູ້ໄດ້ເຖິງຄວາມສໍາຄັນຂອງວຽກງານນີ້ເພື່ອຄວາມໝັ້ນຄົງດ້ານສະບຽງອາຫານ ແລະ ການເຕີບໂຕແບບຍືນຍົງຂອງ ສປປ ລາວ.”

ທ່ານ ເອກອັກຄະລັດຖະທູດ ຍັງໄດ້ຮັບຮູ້ກ່ຽວກັບການພັດທະນາ ແລະ ຜົນສຳເລັດຂອງການລົງທຶນ ຂອງ ອົງການກອງທຶນສາກົນເພື່ອການພັດທະນາກະສິກຳ ຢູ່ ສປປ ລາວ. ໂດຍສຸມໃສ່ການຄໍ້າປະກັນສະບຽງອາຫານ, ສົ່ງເສີມດ້ານໂພຊະນາການ ແລະ ການພັດທະນາລະບົບຕ່ອງໂສ້ມູນຄ່າໂດຍການເຊື່ອມໂຍງຕະຫຼາດໃນຂອບເຂດການໂຮມເຂົ້າກັນຂອງລັດຖະບານ ຮ່ວມມືກັບບັນດາອົງການສາກົນ ແລະ ຄູ່ຮ່ວມພັດທະນາອື່ນໆເພື່ອປະກອບສ່ວນເຂົ້າໃນການລົບລ້າງຄວາມທຸກຍາກ ແລະ ຄວາມອຶດຫີວຢູ່ຊົນນະບົດບໍ່ວ່າຈະເປັນ ການຫັນປ່ຽນຮູບແບບການຜະລິດກະສິກຳ, ການສົ່ງເສີມເສດຖະກິດຊົນນະບົດ ແລະ ລະບົບສະບຽງອາຫານຜ່ານການລົງທຶນ, ການສ້າງພື້ນຖານເສດຖະກິດຊົນນະບົດຢ່າງຄົບຖ້ວນ, ມີປະສິດທິຜົນ, ໝັ້ນຄົງ ແລະ ຍືນຍົງ.

ໃນຍຸກທີ່ທົ່ວໂລກກຳລັງປະເຊີນກັບບັນຫາຄວາມບໍ່ໝັ້ນຄົງ, ອົງການສະຫະປະຊາຊາດໄດ້ມີວິທີການແນວໃດໃນການຊ່ວຍເຫລືອໂດຍສະເພາະແກ່ລັດຖະບານ ສປປ ລາວ ເຊິ່ງເປັນປະເທດທີ່ກໍາລັງປະເຊີນກັບຂໍ້ຈຳກັດຫຼາຍດ້ານ ເຊັ່ນ: ທາງດ້ານງົບປະມານ. ເນື່ອງຈາກຜົນກະທົບທາງດ້ານເສດຖະກິດ, ຈາກການແຜ່ລະບາດຂອງພະຍາດ ແລະ ວິກິດການດ້ານສະບຽງອາຫານ ແລະ ນໍ້າມັນເຊື້ອໄຟຂອງໂລກ ທີ່ພົວພັນກັບສົງຄາມໃນຢູເຄຣນ. ເຊິ່ງບັນຫາ ແລະ ຄວາມທ້າທາຍເຫຼົ່ານີ້ໄດ້ມີການປຶກສາຫາລືກັນຢູ່ໃນກອງປະຊຸມຮ່ວມກັບອົງການອື່ນໆແຫ່ງສະຫະປະຊາຊາດ ທີ່ນໍາໂດຍທ່ານນາງ ຊ່າຣ່າ ເຊັກເກນເນັດ, ຜູ້ປະສານງານອົງການສະຫະປະຊາຊາດປະຈໍາ ສປປ ລາວ. ເຊິ່ງເປົ້າໝາຍຕົ້ນຕໍຂອງກອງປະຊຸມແມ່ນຄວາມພະຍາຍາມໃນການຮ່ວມມືກັນຂອງບັນດາສະມາຊິກອົງການສະຫະປະຊາຊາດ ລວມໄປເຖິງບັນດາອົງການສາກົນທີ່ໃຫ້ ການຊ່ວຍເຫຼືອດ້ານສະບຽງອາຫານ ໃນການສະໜັບສະໜູນການແກ້ໄຂຄວາມບໍ່ໝັ້ນຄົງດ້ານສະບຽງອາຫານໃນ ສປປ ລາວ.

ທ່ານຍັງເນັ້ນຢ້ຳອີກວ່າ “ບູລິມະສິດຂອງອົງການສະຫະປະຊາຊາດແມ່ນການໃຫ້ການຊ່ວຍເຫຼືອແກ່ຜູ້ມີຄວາມສ່ຽງ ແລະ ໄດ້ຮັບຜົນກະທົບໜັກໃນວິກິດການນີ້. ການພັດທະນາໂຄງການກ່ຽວກັບຂໍ້ມູນຄວາມຖີ່ສູງແມ່ນຄວາມພະຍາຍາມຮ່ວມກັນຂອງອົງການສະຫະປະຊາຊາດ ໂດຍຮ່ວມມືກັບສະຖາບັນເສດຖະກິດ ແລະ ສັງຄົມຂອງ ສປປ ລາວ. ການພັດທະນາໂຄງການສ້າງຫຼັກຖານດ້ານຂໍ້ມູນແມ່ນມີຄວາມສຳຄັນ ແລະ ຈຳເປັນຫຼາຍ ໂດຍສະເພາະແມ່ນນຳໃຊ້ເຂົ້າໃນການປະເມີນຄວາມວິຕົກກັງວົນທີ່ສົ່ງຜົນກະທົບຕໍ່ປະຊາຊົນ ໃນ ສປປ ລາວ ເພື່ອທີ່ຈະສາມາດນຳເອົາຂໍ້ມູນດັ່ງກ່າວມາສະໜັບສະໜູນ ແລະ ສ້າງເປັນນະໂຍບາຍໃນການຮັບມື ແລະ ແກ້ໄຂ ສິ່ງທ້າທາຍດັ່ງກ່າວ”

ທ່ານເອກອັກຄະລັດຖະທູດ ແມັກເຄນ ໄດ້ລົງຢ້ຽມຢາມຫ້ອງການທີ່ປຶກສາດ້ານການເກັບກູ້ລະເບີດ, ເຊິ່ງເປັນອົງການຈັດຕັ້ງສາກົນທີ່ປະກອບສ່ວນເຂົ້າໃນໂຄງການເກັບກູ້ລະເບີດແຫ່ງຊາດທີ່ໄດ້ຮັບການສະຫນັບສະຫນູນຈາກອົງການສະຫະປະຊາຊາດເພື່ອການພັດທະນາ ໃນການແກ້ໄຂບັນຫາກ່ຽວກັບເສດເຫຼືອຂອງລະເບີດທີ່ຕົກຄ້າງຈາກສົງຄາມ ໂດຍສະເພາະການກໍາຈັດລະເບີດທີ່ຍັງບໍ່ທັນແຕກ. ທັງນີ້, ທ່ານຍັງໄດ້ຮັບຮູ້ເຖິງຄວາມທ້າທາຍກ່ຽວກັບການຜະລິດສະບຽງອາຫານໃນປະເທດທີ່ຖືກທໍາລາຍຈາກສົງຄາມຍ້ອນສິ່ງປົນເປື້ອນຈາກລະເບີດທີ່ຍັງຫຼົງເຫຼືອຈາກສົງຄາມ. ນອກຈາກນີ້, ທ່ານຍັງໄດ້ລົງຢ້ຽມຢາມກະຊວງການຕ່າງປະເທດ ແລະ ໄດ້ພົບປະກັບ ທ່ານ ໂພໄຊ ຄາຍຄໍາພິທູນ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ດຣ. ວິໄລວົງ ບຸດດາຄຳ ເຈົ້າແຂວງ ແຂວງ ຈໍາປາສັກ ເພື່ອຮັບຟັງການລົງທຶນຂອງອາເມລິກາ ແລະ ວຽກງານຂອງອົງການຊ່ວຍເຫຼືອດ້ານອາຫານຂອງອົງການສະຫະປະຊາຊາດ.

ທ່ານເອກອັກຄະລັດຖະທູດ ແມັກເຄນ ໄດ້ສືບຕໍ່ເດີນທາງໄປຢ້ຽມຢາມ ປະເທດ ກຳປູເຈຍ ດ້ວຍຈຸດມຸ່ງໝາຍດຽວກັນ ກ່ອນທີ່ຈະເດີນທາງກັບຄືນໄປປະຕິບັດໜ້າທີ່ຢູ່ທີ່ ນະຄອນຫຼວງ ໂຣມ, ປະເທດ ອີຕາລີ.

For more information please contact:

Ildiko Hamos, WFP Partnerships and Communications Coordinator, Tel. +856 (0)21 330 300 ext. 2229, Mob. +856 (0)20 7717 7913, ildiko.hamos@wfp.org

Vilaylack Khounvisith (Kook), FAO Lao PDR Communications Team, Tel. +856 (0)21 413205, 414503, 450455, Mobile/WhatsApp: +8562055558815, Vilaylack.Khounvisith@fao.org , Website: http://www.fao.org/laos

United Nations and its food agencies welcome H.E. Ms. Cindy McCain, U.S. Ambassador to the Rome–based UN agencies

VIENTIANE, 30 November 2022

H.E. Ms. Cindy McCain, United States Permanent Representative to the United Nations Rome-based agencies mandated to work on food, agriculture, nutrition and rural development – the Food and Agriculture Organization (FAO), the World Food Programme (WFP) and the International Fund for Agricultural Development (IFAD), is visiting Lao PDR to learn about the country’s coping mechanisms amidst the global food crisis, and to highlight U.S. support to Lao PDR and its people.

Ambassador McCain said the following about her visit, “The work of the UN Food and Agriculture Agencies is essential to address food insecurity in Lao PDR. Together with the Lao government, the three agencies work to reduce hunger, improve learning and nutrition outcomes for primary school students, strengthen livelihoods of small-holder farmers, and bolster resilience of the country’s food systems. Conflict, especially in Ukraine, climate change, and COVID-19 increased global hunger to unprecedented levels. The United States will continue to be a top contributor and supporter of the agencies work here on the ground and around the world.”

During her visit, in the oversight role of the U.S. government as an important donor to the UN food agencies, Ambassador McCain seeks to understand the root causes of food insecurity and malnutrition in Laos, and see UN agencies’ hands-on solutions to these issues and their work on poverty reduction. Visiting Oudomsouk school in Bachieng Chaleunsouk district, she experienced WFP’s support to school-based nutrition in Champassak province. The main and long-term donor to the program is the U.S. Department of Agriculture, with the current support of food commodities arriving through WFP’s supply chain to Lao PDR, contributing to daily nutritious lunches for 64,000 primary school children in 707 schools around the country. While in Champassak, the Ambassador also had a chance to tour WFP’s warehouse in Pakse and learn how the world’s largest humanitarian agency targets the most vulnerable through its nutrition, resilience and emergency response in Lao PDR.

“Our Country Strategic Plan for Lao PDR is greatly supported by the United States, with the U.S. Department for Agriculture financing WFP to support the Lao Government’s school feeding programs since 2008, and the USAID Bureau for Humanitarian Assistance more recently contributing to our work around resilience for food security. As our programs are gradually shifting to national ownership and community management, we continue to count on the U.S. as an important partner for Lao PDR,“ WFP Country Director and Representative Jan Delbaere said.

Continuing her journey to the capital Vientiane, Ambassador McCain spent time with FAO learning about its proactive role to sustainably transform the Agri-food Systems and its Early Warning and Response to mitigate the impact of COVID-19 and the current food and fuel crisis on vulnerable communities in rural and urban areas.

Ambassador McCain learned how tailored and climate-resilient technology solutions applied to crop seeds are important to the agriculture sector in the Lao PDR and the vital role it plays in food systems worldwide. She visited the Rice and Cash Crop Research Center, which develops new varieties, hosts the traditional gene bank and provides quality seeds to farmers in the country and abroad to understand more about their research and development work in quality landrace and traditional seeds, and how this work directly impacts the future of world crop production.

The Ambassador continued her visit seeing the development and achievements of an exemplary woman-led – and primarily female membered – smallholder farmers’ cooperative of organic vegetable production. Thongmang Agricultural Cooperative is the main provider for high quality and safe food for Vientiane capital. With FAO support as a selected model farmer group, the cooperative has benefitted from increased opportunities to strengthen its capacities.

“I am proud to see how our work with the Government for seed quality improvement and for ensuring production of safe, diverse and nutritious produce with communities is continuously growing and contributing to transforming the food systems in the country. As FAO proactively monitors the impact of the current food and fuel crisis I am also very pleased that we continue to address the farmers’ challenges in food security and livelihoods exacerbated by the COVID–19 pandemic. Global efforts are needed to address these issues and we are pleased that the U.S. is supporting our efforts and recognizes the importance of this work for the food security and sustainable growth of the Lao PDR,” Nasar Hayat, FAO Representative to Lao PDR said.

The Ambassador was also updated on the development and achievements of IFAD investments in the Lao PDR, focusing on food security, nutrition, and value chain development with market linkages in the government convergence areas in partnership with Rome-based agencies and other development partners, namely to contribute to the elimination of poverty and hunger in rural areas, transforming agriculture, rural economies and food systems through investments, creating more inclusive, productive, resilient and sustainable rural economies.

How the United Nations, as a system, is assisting the Government of Lao PDR in these trying times of global insecurity, where the country is facing budgetary constraints due to compounding economic effects of the pandemic, and the global food and fuel crisis associated with the war in Ukraine, was discussed at a meeting with UN agencies led by Ms. Sara Sekkenes, UN Resident Coordinator to Lao PDR. The main focus of the meeting was the joint efforts of UN country team members including its food agencies in support of solutions for food insecurity.

The Resident Coordinator highlighted that “the UN’s priority is to support the most vulnerable and marginalized in this crisis. Joint UN efforts such as the program on High Frequency Data are needed which together with the Lao Academy for Economic and Social Sciences generates indispensable data evidence to assess the impact of the current shocks on people in Lao PDR that can inform necessary course corrections for policies and program that aim to tackle the challenges at hand.”

Visiting the office of the Mines Advisory Group (MAG), an organization contributing to the national UXO program supported also by UNDP in addressing the legacy of war with explosive ordnance disposal, informed Ambassador McCain of the inherent challenges to food production in war-torn countries contaminated with explosive remnants of war. Courtesy visits were also paid to the Ministry of Foreign Affairs, meeting with Deputy Minister Phoxay Khaykhamphithoune and to the Champassak Provincial Governor’s office Dr. Vilayvong Bouddakham to hear from national and provincial authorities how U.S. investments and the work of the UN food agencies are received.

With a similar aim, Ambassador McCain continues her journey to Cambodia before returning to her duty station in Rome, Italy.

For more information please contact:

Ildiko Hamos, WFP Partnerships and Communications Coordinator, Tel. +856 (0)21 330 300 ext. 2229, Mob. +856 (0)20 7717 7913, ildiko.hamos@wfp.org