ສະມາຄົມບັນດານັກລົງທຶນຫວຽດນາມຢູ່ລາວ (AVIL) ແລະ ຄະນະຊ່ຽວຊານໄຕ້ຫວັນ ເຂົ້າຢ້ຽມຂໍ່ານັບ ທ່ານລັດຖະມົນຕີກະຊວງກະສິກຳ ແລະ ປ່າໄມ້
ໃນຕອນເຊົ້າຂອງວັນທີ 05 ທັນວາ 2016 ທີ່ຜ່ານມານີ້ ທີ່ຫ້ອງຮັບແຂກຫ້ອງການກະຊວງ ສະ ມາຄົມບັນດານັກລົງທຶນຫວຽດນາມຢູ່ລາວ (AVIL) ແລະ ຄະນະຊ່ຽວຊານໄຕ້ຫວັນ ໄດ້ເຂົ້າຢ້ຽມຂໍ່ານັບ ທ່ານ ລຽນ ທີແກ້ວ ລັດຖະມົນຕີກະ ຊວງກະສິກຳ ແລະ ປ່າໄມ້.
ຈຸດປະສົງໃນການເຂົ້າຢ້ຽມຂໍ່ານັບໃນຄັ້ງນີ້ ເພື່ອລາຍງານກ່ຽວກັບການສ້າງຕັ້ງສະຖາບັນຄົ້ນຄວ້າ ແລະ ພັດທະນາຕົ້ນໄມ້ກິນໝາກເຂດຮ້ອນຢູ່ລາວ. ທ່ານລັດຖະມົນຕີກະຊະຊວງກະສິກຳ ແລະ ປ່າໄມ້ ໄດ້ສະແດງຄວາມຍິນດີທີ່ຄະນະຜູ້ແທນ ໄດ້ເຂົ້າມາຢ້ຽມຢາມກະຊວງກະສິກຳ ແລະ ປ່າໄມ້
ທັງນີ້ກໍ່ເພື່ອເປັນການແລກປ່ຽນບົດຮຽນກ່ຽວກັບວຽກງານກະສິກຳ, ພັດທະນາຊົນນະບົດ ແລະ ການສົ່ງເສີມການຜະລິດເປັນສິນຄ້າ, ບົດຮຽນດັ່ງກ່າວຂອງໄຕ້ໄຫວເປັນບົດຮຽນທີ່ດີ, ນຳໃຊ້ເຂົ້າໃນການພັດທະນາຊົນ ນະບົດ. ຜ່ານມາປະເທດອ້າຍນ້ອງເປັນຕົ້ນແມ່ນ ສາທາລະນະລັດ ສັງຄົມນິຍົມຫວຽດນາມ ກໍ່ໄດ້ນຳໃຊ້ເຕັກນິກຂອງໄຕ້ຫວັນ ເຫັນວ່າໄດ້ຮັບຜົນສຳເລັດສູງ. ໃນໂອກາດດຽວກັນນີ້, ຜູ້ແທນສະມາຄົມບັນ ດານັກລົງທຶນຫວຽດນາມຢູ່ລາວ (AVIL) ແລະ ຄະນະຊ່ຽວຊານໄຕ້ຫວັນ ຍັງໄດ້ມອບຂອງທີ່ລະນຶກ ໃຫ້ທ່ານລັດຖະມົນຕີກະຊວງກະສິກຳ ແລະ ປ່າໄມ້.
ນະຄອນຫຼວງວຽງຈັນ, ວັນທີ 06 ທັນວາ 2016.
ຂຽນໂດຍ: ນ. ເຂັມມະໄລ ສົນດາວັນ.
ກວດແກ້: ເຂັມພອນ ທິພົມມະຈັນ.
