ທ່ານ ວິໄລວັນ ພົມເຂ ອາດີດການນຳກະຊວງກະສິກຳ ແລະ ປ່າໄມ້ ພ້ອມດ້ວຍຄະນະລົງຊຸກຍູ້ການຜະລິດລະດູແລ້ງ ແຂວງ ສະຫວັນນະເຂດ.
ໃນວັນທີ່ 11 ມັງກອນ 2015 ທີ່ຜ່າມານີ້, ທ່ານ ວິໄລວັນ ພົມເຂ ອາດີດລັດຖະມົນດີວ່າການກະຊວງກະສິກຳ ແລະ ປ່າໄມ້ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມຊຸກຍູ້ ແລະ ສົ່ງເສີມການຜະລິດລະດູແລ້ງ ທີ່ແຂວງສະຫວັນນະເຂດ ກອງປະຊຸມຄັ້ງນີ້ ຍັງມີການນຳພະແນກ ກະສິກໍາ ແລະປ່າໄມ້ແຂວງ, ຫົວໜ້າຂະແໜງ ແລະ ວິຊາການເຂົ້າຮ່ວມທັງໝົດ 60 ກວ່າທ່ານ.
ໃນທີ່ປະຊຸມທ່ານ ຄຳລຸຍ ຍາດຕິວົງ ຫົວໜ້າພະແນກກະສິກຳ ແລະ ປ່າໄມ້ ແຂວງ ໄດ້ລາຍງານໃຫ້ຮູ້ວ່າ: ຄາດໝາຍສູ້ຊົນ ຜະລິດເຂົ້ານາແຊງ, ນາປີ ສົກ ປີ 2014-2015 ປະມານ 1 ລ້ານໂຕນ ປະຕິບັດໄດ້ 1,016 ລ້ານໂຕນ, ລື່ນຄາດໝາຍ 16 ພັນໂຕນ. ແລະ ແຜນການຜະລິດລະແລ້ງ ປີ 2016 ນີ້ ຄາດໝາຍສູ້ຊົນໃຫ້ໄດ້ 30.000 ເຮັກຕາ ສະມັດຕະພາບສະເລຍ 5,39 ໂຕນຕໍ່ເຮັກຕາ. ປະຈຸບັນນີ້ທົ່ວແຂວງກໍາລັງຂຸ້ນຂ້ຽວກະກຽມລົງສູ່ການຜະລິດນາແຊງ ສາມາດຕົກກ້າໄດ້ 1.725 ເຮັກຕາ, ປະຈຸບັນບັກດໍາໄດ້ແລ້ວ 8.967 ເຮັກຕາ ເທົ່າກັບ 30% ຂອງແຜນການ ໃນນີ້ມີ ນາຫວ່ານ 4.549 ເຮັກຕາ, ນາຢອດ 61 ເຮັກຕາ ແລະນາດຳ 4.357 ເຮັກຕາ, ແຕ່ຍັງມີສີ່ງທ້າທາຍຫຼາຍດ້ານ ເປັນຕົ້ນແມ່ນ ໄພແຫ້ງແລ້ງ ຝົນຕົກໜ້ອຍກວ່າທຸກປີ, ການຕອບສະໜອງນ້ຳ, ແນວພັນ ຝຸ່ນປຸຍຕ່າງໆບໍ່ພຽງພໍ ເຮັດໃຫ້ຜົນຜະລິດບໍ່ໄດ້ຕາມຄາດໝາຍ. ເພື່ອຮັບປະກັນໃຫ້ແກ່ຜະລິດສະບຽງອາຫານ ແລະ ຜະລິດເປັນສີນຄ້າ. ຈື່ງສະເໜີໃຫ້ຟື້ນຟູ, ສ້ອມແປງ ແລະ ປ່ຽນຖ່າຍຈັກສູບນ້ຳທີ່ເປ່ເພ, ຕອບສະໜອງຝູ່ນປຸຍໃຫ້ປະຊາຊົນ, ຈັດສົ່ງພະນັກງານວິຊາການລົງຊຸກຍູ້ແນະນຳທາງດ້ານເຕັກນິກ ແລະຂັ້ນຕອນການຜະລິດ ເພື່ອຍົກຕະມັດຕະພາບເຂົ້າສູງຂື້ນ ແລະບັນລູຕາມຄາດໝາຍທີວາງໄວ້.
ພ້ອມດຽວກັນນີ້, ທ່ານ ອະດີດລັດຖະມົນຕີວ່າການ ກະຊວງກະສິກຳ ແລະປ່າໄມ້ ກໍ່ໄດ້ລົງຢ້ຽມຢາມສູນຜະລິດແນວພັນເຂົ້າ ທ່າສະໂນ ພ້ອມທັງໄດ້ຮັບຟັງການລາຍງາຍຂອງຫົວໜ້າສູນ ໃນການຈັດຕັ້ງປະຕິບັດຊື່ງມີຂໍ້ສະດວກ ແລະຍຸ້ງຍາກຫລາຍດ້ານເປັນຕົ້ນແມ່ນການສະໜອງນ້ຳໃນການຜະລິດບໍ່ພຽງພໍ, ບຸກຄະລາກອນ, ອຸປະກອນ ແລະທຶນ ເພື່ອສ້ອມແປງພື້ນຖານໂຄງລ່າງຂອງສູນ, ເພື່ອເຮັດໃຫ້ສູນດັ່ງກ່າວມີຄວາມເຂັມແຂງ ແລະ ຍືນຍົງ, ສາມາດຜະລິດແນວພັນທີ່ດີ ຊື່ງໄດ້ຮ່ວມກຸ່ມຜະລິດແນວພັນເຂົ້າ ຕອບສະໜອງໃຫ້ບໍລິສັດຂອງຈີນ 60 ໂຕນ ໃນປີຜ່ານມາ.
ໃນເວລາຕໍ່ມາ ທ່ານ ວິໄລວັນ ພົມເຂ ພ້ອມດ້ວຍຄະນະ ໄດ້ລົງຢ້ຽມຢາມ ໂຮງສີເຂົ້າບ້ານຂົວດຳ ຂອງບໍລິສັດ IDP ແຜນການຜະລິດເຂົ້າເປັນສີນຄ້າສົ່ງອອກໄປ ສປ ຈີນ ໃນປີ 2015 ຈຳນວນ 8.000 ໂຕນ ປະຈຸບັນນີ້ ສາມາດສົ່ງເຂົ້າອອກ ໄດ້ 150 ໂຕນ.ເພື່ອປະກອບສ່ວນເຂົ້າໃນການຄໍ້າປະກັນສະບຽງອາຫານ ແລະ ຜະລິດເປັນສີນຄ້າສົ່ງອອກ ສ້າງລາຍຮັບໃຫ້ປະຊົນ ຫຼຸດຜົນອອກຈາກຄວາມທຸກຍາກເທື່ອລະກ້າວ.
