ກອງປະຊຸມໜ່ວຍງານຂະແໜງການກະສິກໍາ ແລະ ພັດທະນາຊົນນະບົດປີ 2017
ເພື່ອຈັດຕັ້ງປະຕິບັດ ແລະ ໄປຕາມແຜນວຽກປະຈໍາປີ 2017 ຂອງໜ່ວຍງານຂະແໜງກະສິກໍາ ແລະ ພັດທະນາຊົນນະບົດ (SWG-ARD), ໃນວັນທີ 27 ກັນຍາ ທີ່ສະໂມສອນກະຊວງກະສິກໍາ ແລະ ປ່າໄມ້, ກົມແຜນການ ແລະ ການຮ່ວມື, ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມໜ່ວຍງານຂະແໜງການກະສິກໍາ ແລະ ພັດທະນາຊົນນະບົດປະຈໍາໄຕມາດທີ່ 2 ແລະ 3 ປີ 2017 ຂື້ນ, ໂດຍການເປັນປະທານຮ່ວມຂອງ ທ່ານ ປອ ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ມີທ່ານ ອາເລັນ ເວີນິນັດສ ຕາງໜ້າສະຖານທູດຝຣັ່ງປະຈໍາລາວ, ທ່ານ ສະຕີເຟັນ ຣູດກາດ ຜູ້ຕາງໜ້າອົງການ ອາຫານ ແລະ ການກະເສດ ປະຈໍາ ສປປ ລາວ ພ້ອມດ້ວຍຕ່າງໜ້າຈາກບັນດາກະຊວງຕ່າງໆ, ຜູ້ໃຫ້ທຶນ, ອົງການຈັດຕັ້ງສາກົນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ 100 ກ່ວາທ່ານ.fake designer watches from china miniature ferrari replica
ຈຸດປະສົງຂອງກອງປະຊຸມໃນຄັ້ງນີ້ເພື່ອເປັນການປຶກສາຫາລື ແລະ ແລກປ່ຽນຄໍາຄິດເຫັນໃນການປັບປຸງໂຄງຮ່າງການຈັດຕັ້ງ ຂັ້ນສຸດທ້າຍ ແລະ ຄວາມຄືບໜ້າຂອງວຽກງານບັນດາຂະແໜງການຍ່ອຍ, ປຶກສາຫາລືຮ່າງບົດລາຍງານປະຈໍາປີ ຂອງໜ່ວຍງານຂະແໜງການກະສິກໍາ ແລະ ພັດທະນາຊົນນະບົດປະຈໍາປີ 2017, ແຕ່ລະພາກສ່ວນໄດ້ລາຍງານຄວາມຄືບໜ້າ ແລະ ປຶກສາຫາລືກັນກ່ຽວກັບ ໜ້າວຽກຍ່ອຍຂອງໜ່ວຍງານ, ຍຸດທະສາດຂອງຂະແໜງກະສິກໍາຮອດປີ 2025, ຜົນການຈັດຕັ້ງປະຕິບັດ ແລະ ຜົນສໍາເລັດຂອງແຜນງານພັດທະນາເສດຖະກິດ-ສັງຄົມ, ວຽກງານຫຼຸດຜ່ອນຄວາມທຸກຍາກ ແລະ ການພັດທະນາ, ວຽກຄຸ້ມຄອງການແຜ່ລະບາດຂອງພະຍາດ, ການຕອບໂຕ້ຕໍ່ໄພຂົ່ມຄູ່ ແລະ ສິ່ງທ້າທາຍຕ່າງໆ, ວຽກງານກະສິກໍາ ແລະ ໂພຊະນາການ, ສັນຍາການຜະລິດຂອງຊາວນາ ແລະ ບັນຫາອື່ນໆ. ເພື່ອເປັນການກະກຽມຂໍ້ມູນເຂົ້າໃນກອງປະຊຸມໂຕະມົນ ແລະ ລາຍງານຕໍ່ລັດຖະບານໃນເດືອນພະຈິກທີ່ຈະເຖີງນີ້ ເຊິ່ງໃນຕອນທ້າຍຂອງກອງປະຊຸມທ່ານປະທານໄດ້ເນັ້ນໃຫ້ທຸກພາກສ່ວນສືບຕໍ່ຈັດຕັ້ງບັນດາໜ້າວຽກຕ່າງໆຂອງໜ່ວຍງານໃຫ້ເປັນຮູບປະທໍາ, ບັນຫາສັນຍາຜູກພັນສອງສົ້ນລະຫວ່າງຊາວນາ ແລະ ຜູ້ປະກອບການ, ການທົບທວນຄືນເລື່ອງສໍາປະທານພື້ນທີ່ການຜະລິດກະສິກໍາ ແລະ ບັນຫາອື່ນໆ, ເຊິ່່ງກອງປະຊຸມດັ່ງກ່າວໄດ້ດໍາເນີນໄປເປັນເວລາ 1 ວັນເຕັມຈຶ່ງອັດລົງດ້ວຍຜົນສໍາເລັດ ແລະ ເນື້ອໃນອັນຄົບຖ້ວນ.replica rolex watches for sale paypalreplica watches
ບົດຂ່າວໂດຍ: ສີອໍາມອນ ໄຊຍະລາດ
ກວດແກ້ໂດຍ: ເຂັມພອນ ທິພົມມະຈັນ
