ອຸດົມໄຊຈັດສຳມະນາເພື່ອປະກາດຢຸດຕິການຖາງປ່າເຮັດໄຮ່. PDF Print E-mail

ພະແນກກະສິກຳ ແລະ ປ່າໄມ້ແຂວງອຸດົມໄຊຈັດກອງປະຊຸມສຳມະນາເພື່ອປະກາດຢຸດຕິການຖາງປ່າເຮັດໄຮ່ຂື້ນໃນວັນທີ 29 ມີ
ນານີ້ທີ່ໂຮງແຮມແດນສະຫວັນໂດຍການເປັນປະທານຂອງທ່ານ ດຣ. ບຸນປອນ ບຸດຕະນະວົງ ກຳມະການສູນກາງພັກ, ເລຂາພັກ
ແຂວງ,ເຈົ້າແຂວງອຸດົມໄຊ, ມີ ທ່ານ ແນນ ວຽນວົງສິດ ກຳມະການພັກແຂວງ, ຫົວໜ້າພະແນກກະສິກຳ ແລະ ປ່າໄມ້ແຂວງອຸ

ດົມໄຊ, ບັນດາເຈົ້າເມືອງ, ຮອງເຈົ້າເມືອງ, ພະແນກການທີ່ກ່ຽວຂ້ອງ ແລະ ພະນັກງານວິຊາການຂະແໜງປ່າໄມ້ເຂົ້າຮ່ວມ.ຈຸດປະ
ສົງຂອງກອງປະຊຸມເພື່ອສະເໜີບົດແນະນຳຂອງກະຊວງກະສິກຳ ແລະ ປ່າໄມ້ເລກທີ 0022/ກປ ວ່າດ້ວຍການກະກຽມປະກາດ
ການຢຸດຕິການຖາງປ່າເຮັດໄຮ່ແບບເລື່ອນລອຍຢ່າງສີ້ນເຊີງໃນປີ 2010, ຄຳສັ່ງແນະນຳຂອງທ່ານເຈົ້າແຂວງເລກທີ 497/ຈຂ ວ່າ
ດ້ວຍການເພີ່ມທະວີໃນການຈັດຕັ້ງປະຕິບັດເພື່ອການປະກາດຢຸດຕິຖາງປ່າເຮັດໄຮ່ເລື່ອນລອຍຢ່າງສີ້ນເຊີງພາຍໃນແຂວງອຸດົມໄຊ,
ບາດກ້າວ ແລະ ແຜນດຳເນີນງານປະກາດການຢຸດຕິການຖາງປ່າເຮັດໄຮ່ຂອງແຂວງ ແລະ ແຈ້ງການຂອງກະຊວງກະສິກຳ ແລະ
ປ່າໄມ້ເລື່ອງການກຳນົດປະເພດ ແລະ ນິຍົມຄຳວ່າໄຮ່.ໃນໂອກາດກ່າວໄຂກອງປະຊຸມ, ທ່ານ ດຣ ບຸນປອນ ບຸດຕະນະວົງ ກ່າວ
ວ່າ: ແຜນງານຢຸດຕິການຖາງປ່າເຮັດໄຮ່ແມ່ນໜື່ງໃນແຜນງານບູລິມະສິດຂອງລັດຖະບານຄາດໝາຍຈະຕ້ອງຢຸດຕິການຖາງປ່າ
ເຮັດໄຮ່ໃນປີ 2010 ໂດຍຕິດພັນກັບການຈັດສັນອາຊີບຄົງທີ່ປ່ຽນແທນໃຫ້ແກ່ຄອບຄົວເຮັດໄຮ່ເລື່ອຍລອຍຢ່າງເໝາະສົມ ແລະ ໃນ
ຕໍ່ໜ້າພາກສ່ວນທີ່ກ່ຽວຂ້ອງໃຫ້ເຊື່ມຊືມບັນດາເອກະສານຄົ້ນຄ້ວາຢ່າງເລິກເຊີ່ງເຖີງພາລະບົດບາດ ແລະ ຄວາມຈຳເປັນຢ່າງພາ
ວະວິໄສແລະ ກວດຄືນຄວາມເປັນເຈົ້າການຊີ້ນຳ-ນຳພາຈັດຕັ້ງປະຕິບັດປະກາດການຢຸດຕິການຖາງປ່າເຮັດໄຮ່ເລື່ອນລອຍຢູ່ແຕ່
ລະບ້ານໃນຂອບເຂດທີ່ຕົນຮັບຜິດຊອບ ແລະ ໃຫ້ຖືກເອົາວຽກງານຢຸດຕິການຖາງປ່າເຮັດໄຮ່ເປັນວຽກທົ່ວປວງຊົນ, ໃຫ້ມີການປະ
ກອບສ່ວນຢ່າງຕັ້ງໜ້າທາງດ້ານຕ່າງໆ,ສືບຕໍ່ຄົ້ນຄ້ວາຫາທາງອອກໃນການສ້າງແຜນຈັດສັນອາຊີບຄົງທີ່ເພື່ອປ່ຽນແທນທີ່ແນ່
ນອນໃຫ້ແກ່ຄອບຄົວທີ່ຍັງຖາງປ່າເຮັດໄຮ່ຕາມຈຸດພິເສດຂອງເຂົາເຈົ້າແນໃສ່ແກ້ໄຂຄວາມທຸກຍາກຂອງປະຊາຊົນໃຫ້ດີຂື້ນເທື່ອລະ
ກ້າວ.ກອງປະຊຸມຄັ້ງນີໄດ້ດຳເນີນເປັນເວລາ 1 ວັນ ແລະ ລົງປະຕິບັດຕົວຈີງຢູ່ບ້ານກໍນ້ອຍ ເມືອງໄຊ 2 ວັນ ເພື່ອລົງເຜີຍແຜ່ບັນດາ
ເອກະສານຕ່າງໆທີ່ໄດ້ສຳມະນາໃນກອງປະຊຸມຄັ້ງນີ້.

ຂໍ້ມູນຈາກໜັງສືພີມລາຍວັນ ເສດຖະກິດ-ສັງຄົມ ສະບັບທີ 829 ລົງວັນທີ 2 ເມສາ 2010.