ພິທີມອບ-ຮັບເຄື່ອງດັ່ງກ່າວ   ແມ່ນໄດ້ຈັດຂຶ້ນທີ່ສະໜາມບິນສາກົນວັດໄຕ ໃນວັນທີ  29  ສິງຫາ 2008 ທີ່ຜ່ານມາ ໂດຍ
ແມ່ນທ່ານຮິລາວກິ ທາກາຊິມາ ຫົວໜ້າອົງການໄຈກາ ປະຈຳ ສປປ ລາວເປັນຜູ້ມອບ ແລະທ່ານ ລາວລີ ໄຟເພັງຢົວ ລັດຖະມົນ
ຕີຊ່ວຍວ່າການກະຊວງແຮງງານສະຫວັດດີການ-ສັງຄົມ ໂດຍມີພະນັກງານທັງສອງຝ່າຍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
          ຂ່າວແຈ້ງຕື່ມວ່າ: ເພື່ອເປັນການຊ່ວຍເຫຼືອ ແລະ ສ້າງຂວັນກຳລັງໃຈແກ່ພໍ່ແມ່ປະຊາຊົນ ຜູ້ທີ່ປະສົບໄພນ້ຳຖ້ວມໃຫ້ທ່ວງ
ທັນແລະ ແທດເໝາະກັບສະພາບຕົວຈິງ ດັ່ງນັ້ນ  ເມື່ອບໍ່ດົນມານີ້  ຢູ່ທີ່ສຳນັກງານປົກຄອງເມືອງຫາດຊາຍຟອງ  ນະຄອນຫຼວງ
ວຽງຈັນ ໄດ້ມີການມອບ - ຮັບເຄື່ອງຊ່ວຍເຫຼືອຈາກໂຮງສີເຂົ້າ ອາດີສອນ ບ້ານໜອງແຫ້ວ ເມືອງຫາດຊາຍຟອງ ເຊິ່ງເຄື່ອງທີ່ນຳ
ມາມອບຄັ້ງນີ້ ປະກອບມີມີ່ສຳເລັດຮູບ ປາກະປ໋ອງ ນ້ຳດື່ມ ເຂົ້າໜຽວ ແລະ ອື່ນໆ ມູນຄ່າທັງໝົດ  12.038.500  ກີບ ກ່າວຮັບ
ໂດຍທ່ານ ບຸນທົງ ພິມມະເສນ ເຈົ້າເມືອງຫາດຊາຍຟອງ ເຊິ່ງມີພະນັກງານກ່ຽວຂ້ອງສອງຝ່າຍເຂົ້າຮ່ວມ.
          ໂອກາດດຽວກັນນີ້ ທ່ານ ຂັນທະລີ ພານິວົງຮອງເຈົ້າເມືອງຫາດຊາຍຟອງກໍໄດ້ຮັບເອົາການຊ່ວຍເຫຼືອຈາກໂຮງງານວຽງ
ຈັນອຸດສາຫະກຳເຫຼັກ  ບ້ານຊຽງຄວນ ເປັນເຊັກເງິນສົດຈຳນວນ  5.000.000  ກີບ ເພື່ອນຳເຂົ້າຊ່ວຍເຫຼືອຜູ້ປະສົບໄພນ້ຳຖ້ວມ
ຄັ້ງນີ້ເຊັ່ນດຽວກັນ.
         ຂ່າວແຈ້ງຕື່ມ: ເມື່ອບໍ່ດົນມານີ້ ອົງການແພຼນ ປະຈຳ ສປປ ລາວໄດ້ນຳເຄື່ອງມາມອບໃຫ້ອົງການກາແດງລາວເພື່ອນຳໄປ
ຊ່ວຍເຫຼືອປະຊາຊົນຜູ້ທີ່ຖືກເຄາະຮ້າຍ ຢູ່ໃນ 4 ບ້ານຂອງເມືອງຫາດຊາຍຟອງຄື ບ້ານນາລ້ອງ ຖິ່ນແທ່ນປາກເປັ່ງ ແລະບ້ານທ່າ
ພະທີ່ມີປະຊາຊົນໄດ້ຮັບຜົນກະທົບຈາກໄພນ້ຳຖ້ວມ ຈຳນວນ 784 ຄອບຄົວ.
         ຕາງໜ້າອົງການແພຼນ ປະຈຳລາວ ມອບເຄື່ອງຄັ້ງນີ້ແມ່ນທ່ານ ເອັມເຄ ອາລີ ເຊິ່ງຜູ້ຮັບແມ່ນທ່ານ ສນິວູຣັຊສຣະມະນີ ປະ
ທານອົງການກາແດງລາວ ໂດຍມີພະນັກງານທັງສອງຝ່າຍ ເຂົ້າຮ່ວມຢ່າງພ້ອມພຽງ.
          ເຄື່ອງທີ່ນຳມາມອບຄັ້ງນີ້ ປະກອບມີເຄື່ອງໃຊ້ ເຊັ່ນ: ແຟບ ສະບູ ນອກນັ້ນຍັງມີຢາພ້ອມດ້ວຍນ້ຳດື່ມເຊິ່ງລວມມູນຄ່າທັງ
ໝົດ 45 ລ້ານກີບ.