ເພື່ອຫຼີກລຽງການຕົກເຮ່ຍເສຍຫາຍຜົນຜະລິດເຂົ້ານາແຊງ ແລະ ທັງເປັນການກະຫ້າງຫາກະກຽມຕໍ່ການຜະລິດນາປີໃຫ້ທ່ວງ
ທັນກັບລະດູການເລີ່ມແຕ່ຕົ້ນເດືອນເມສາ 2010 ເປັນຕົ້ນມາ ຊາວກະສິກອນເມືອງໄຊເສດຖາໄດ້ຂຸ້ນຂ້ຽວເກັບກ່ຽວເຂົ້ານາແຊງ
ຂອງຕົນຢ່າງເຄັ່ງຮ້ອນມາຮອດປະຈຸບັນເກັບກ່ຽວສຳເລັດໄປແລ້ວ 62% ຂອງເນື້ອທີ່ນາທັງໝົດ 373 ເຮັກຕາ ສະມັດຕະພາບ

ຜົນຜະລິດໄດ້ສະເລ່ຍສາມໂຕນເຄີ່ງຕໍ່ເຮັກຕາ.ໃນນັ້ນເດັ່ນກວ່າໝູ່ແມ່ນຂະບວນການເກັບກ່ຽວຂອງຊາວກະສິກອນໂຄງການຊົນ
ລະປະທານສະເຄາະ ສຳເລັດໄປແລ້ວ 90%ຂອງເນື້ອທີ່ນາ 83 ເຮັກຕາເຄີ່ງ ສະມັດຖະພາບຜົນຜະລິດໄດ້ 3 ໂຕນເຄີ່ງຕໍ່ເຮັກ
ຕາຖັດມາແມ່ນຂະບວນການເກັບກ່ຽວຂອງຊາວກະສິກອນໂຄງການຊົນລະປະທານບ້ານຫາດສະຕີສຳເລັດໄປແລ້ວ 70% ຂອງ
ເນື້ອທີ່ນາ 38 ເຮັກຕາ ສະມັດຖະພາບຜົນຜະລິດ 2 ໂຕນກວ່າຕໍ່ເຮັກຕາ ສ່ວນຂະບວນການເກັບກ່ຽວຂອງຊາວກະສິກອນໂຄງ
ການຊົນລະປະທານບ້ານວັດທາດສຳເລັດໄປແລ້ວ 50% ຂອງເນື້ອທີ່ນາ 136 ເຮັກຕາສະມັດຖະພາບຜົນຜະລິດ ໄດ້ 4 ໂຕນ
ກວ່າຕໍ່ເຮັກຕາ. ນອກນັ້ນຊາວກະສິກອນໃນເຂດໂຄງການຊົນລະປະທານບ້ານໄຊສີກໍເກັບກ່ຽວສຳເລັດໄປແລ້ວ 50% ຂອງເນື້ອ
ທີ່ນາ 45 ເຮັກຕາເຄີ່ງສະມັດຖະພາບຜົນຜະລິດໄດ້ 3 ໂຕນເຄີ່ງຕໍ່ເຮັກຕາ ແລະ ການເກັບກ່ຽວຂອງຊາວກະສິກອນໂຄງການສີ
ເຊົາສຳເລັດໄປແລ້ວ 50% ຂອງເນື້ອທີ່ນາ 70 ເຮັກຕາສະມັດຖະພາບຜົນຜະລິດໄດ້ເກືອບ 4 ໂຕນຕໍ່ເຮັກຕາ.ການເກັບກ່ຽວ
ມ້ຽນມັດເຂົ້ານາແຊງຂອງຊາວກະສິກອນເມືອງໄຊເສດຖາຄາດວ່າຈະໃຫ້ສຳເລັດ 100% ໃນຕົ້ນເດືອນພຶດສະພາທີ່ຈະມາເຖິງນີ້.

ຂໍ້ມູນຈາກໜັງສືພິມ ລາຍວັນ ປະຊາຊົນ ສະບັບທີ 10.903 ລົງວັນທີ 04 ພຶດສະພາ 2010