ບ້ານນາປາ ເມືອງແບງ ແຂວງອຸດົມໄຊ ແມ່ນບ້ານໜື່ງທີ່ມີມູນເຊື້ອປູກຖົ່ວເຫຼືອງເປັນສິນຄ້າຫຼາຍກວ່າໝູ່ຢູ່ໃນເມືອງແບງ ທ່ານ
ຄຳສັງແສງທະວົງ ຮອງນາຍບ້ານໆນາປາ ໄດ້ໃຫ້ສຳພາດຕໍ່ຜູ້ສື່ຂ່າວໃນວັນທີ 25 ເມສານີ້ວ່າ ຊາວກະສິກອນບ້ານນາປາ ໄດ້
ຂຸ້ນຂ້ຽວເກັບກູ້ຜົນຜະລິດລະດູແລ້ງສົກປີ 2009-2010 ຢ່າງເປັນຂະບວຍຟົດຟື້ນປະຈຸບັນໄດ້ເກັບກູ້ຜັກບົ່ວ ຜັກທຽມ ແລະ ພືດຜັກຕ່າງໆໃນເນື້ອທີ່20 ກວ່າເຮັກຕາຜົນຜະລິດໄດ້ 1 ໂຕນ ຕໍ່ເຮັກຕາ ເດັ່ນກວ່າໝູ່ແມ່ນການປູກຖົ່ວເຫຼືອງສົກປີ  2009
-2010 ນີ້ມີເນື້ອທີ່ 115 ເຮັກຕາ ໝົດແນວປູກ 7.000 ກິໂລກຼາມ ມາຮອດກາງເດືອນເມສາ  2010  ນີ້ ໄດ້ເລີ່ມເກັບກູ້ສຳເລັດ
ແລ້ວ 40% ຄາດວ່າກາງເດືອນພຶດສະພາຈະໃຫ້ສຳເລັດ 100% ໂດຍມີຈຳນວນ  190  ຄົວເຮືອນທີ່ປູກຖົ່ວເຫຼືອງສະມັດຕະ
ພາບ 1 ໂຕນຕໍ່ເຮັກຕາ ຜົນຜະລິດຈະໄດ້ 120 ໂຕນໃນລາຄາ 3.500 ກີບ ຕໍ່ກິໂລກຼາມ ປະຊາຊົນຈະມີລາຍຮັບ  420  ລ້ານ
ກີບ.ທ່ານ ຄຳສັງ ແສງທະວົງ ກ່າວຕື່ມວ່າ: ພາຍຫຼັງເກັບກູ້ຜົນຜະລິດລະດູແລ້ງແລ້ວ ປະຊາຊົນພາຍໃນບ້ານນາປາກໍໄດ້ເລີ່ມ
ກະກຽມຜົນຜະລິດລະດູຝົນເປັນຕົ້ນແມ່ນປູກສາລີໃນເນື້ອທີ່ 100 ເຮັກຕາ ປູກຝ້າຍ 70 ເຣັກຕາ ແລະ ກະກຽມເຄື່ອງມືເຮັດ
ນາປີໃນເນື້ອທີ່ 130 ເຮັກຕາ ຄາດວ່າເດືອນພຶດສະພານີ້ຈະເລີ່ມຕົກກ້າ ແລະ ໄຖຮຸດ.

ຂໍ້ມູນຈາກໜັງສືພິມ ລາຍວັນ ເສດຖະກິດ-ສັງຄົມ ສະບັບທີ 846 ລົງວັນທີ 27 ເມສາ 2010