ຊຸດອົບຮົມການວາງແຜນນຳໃຊ້ທີ່ດີນກະສິກຳ ແລະ ປ່າໄມ້ແບບມີສ່ວນຮ່ວມຂັ້ນບ້ານ ແລະ ກຸ່ມບ້ານພັດທະນາໄດ້ສຳເລັດລົງໃນ
ວັນທີ່ 12 ມີນາ 2010 ນີ້ ຢູ່ທີ່ຫ້ອງປະຊຸມຂອງອົງການຄຸ້ມຄອງທີ່ດີນປະຈຳແຂວງໄຊຍະບູລີ ພາຍຫລັງທີ່ໄດ້ດຳເນີນມາເປັນເວ
ລາ 5 ວັນ ພາຍໃຕ້ການເປັນປະທານຂອງທ່ານ ພູນສະຫວັນ ຈັນທະວົງ, ຫົວໜ້າອົງການຄຸ້ມຄອງທີ່ດີນປະຈຳແຂວງໄຊຍະບູລີ, ມີພະນັກງານວິຊາການ ແລະ ນັກສຳມະນາກອນຈາກ 6 ຕົວເມືອງຂອງແຂວງໄຊຍະບູລີເຂົ້າຮ່ວມ 30 ກ່ວາຄົນ.ຕະຫລອດໄລຍະ
5 ວັນນັ້ນສຳມະນາກອນໄດ້ຮຽນຮູ້ກ່ຽວກັບບາດກ້າວ ແລະ ຂັ້ນຕອນຂອງການວາງແຜນການນຳໃຊ້ທີ່ດີນກະສິກຳ ແລະ ປ່າໄມ້
ແບບມີສ່ວນຮ່ວມຂັ້ນບ້ານ ແລະ ກຸ່ມບ້ານພັດນາ, ແບບຟອມເກັບກຳຂໍ້ມູນ ແລະ ຮ່າງຂໍ້ຕົກລົງທີ່ນຳໃຊ້ເຂົ້າໃນການວາງແຜນການ
ນຳໃຊ້ທີ່ດີນແບບມີສ່ວນຮ່ວມ,ການນຳໃຊ້ເຄື່ອງ GPS ແລະ ວິທີເອົາຂໍ້ມູນນຳເຄື່ອງ GPS ເຂົ້າໃນແຜນທີ່, ການອ່ານແຜນທີ່ ແລະ
ພາບຖ່າຍຈາກດາວທຽມ, ການສະເໜີຕົວຢ່າງແຜນທີ່ຕ່າງໆ, ຄວາມຮູ້ເບື້ອງຕົ້ນກ່ຽວກັບ GIS ທັງນີ້ກໍເພື່ອສ້າງຄວາມເຂັ້ມແຂງ
ໃຫ້ພະນັກງານຂັ້ນແຂວງ, ຂັ້ນເມືອງ ແລະ ບ້ານກ່ຽວກັບວິທີການວາງແຜນນຳໃຊ້ທີ່ດີນແບບມີສ່ວນຮ່ວມຂອງໂຄງການຮ່ວມມື
ລາວ-ເຢຍລະມັນເພື່ອຄຸ້ມຄອງ ແລະ ຂື້ນທະບຽນທີ່ດີນຢູ່ຂັ້ນເມືອງ ອັນເປັນບ່ອນອີງໃຫ້ແກ່ກິດຈະກຳການຂື້ນທະບຽນທີ່ດີນຢູ່
ຊົນນະບົດ. ຊຸດອົບຮົມໃນຄັ້ງນີ້ໂດຍໄດ້ຮັບການສະໜັບສະໜູນຈາກໂຄງການຮ່ວມມືລາວ-ເຢຍລະມັນ.

ຂໍ້ມູນຈາກໜັງສືພີມລາຍວັນ ປະເທດລາວ ສະບັບທີ 2.372 ລົງວັນທີ່ 26 ມີນາ 2010.