ການທີ່ຈະປະສົບຜົນສຳເລັດໃນວຽກງານໃດໜື່ງ ຫຼື ຈຸດປະສົງເປົ້າໝາຍໃດໜື່ງນັ້ນສີ່ງທີ່ຂາດບໍ່ໄດ້ກໍຄືຄວາມດຸໝັ່ນຂະຫຍັນພຽນ
ແລະ  ຄວາມມານະອົດທົນສູ້ຊົນຢ່າງບໍ່ມີວັນທໍ້ຖອຍ.ທ່ານ ເຍຍວືຢ່າ ອາຍຸ  45  ປີ ບ້ານນ້ຳລ້ອງ ກຸ່ມບ້ານທ່າວຽງ ເມືອງທ່າໂທມ
ແຂວງຊຽງຂວາງ ແມ່ນຜູ້ໜື່ງທີ່ດຸໝັ່ນໃນການປູກຝັງ-ລ້ຽງສັດ ຕາມການເກັບກຳສະຖິຕິຄອບຄົວທຸກຍາກຂອງບ້ານນ້ຳລ້ອງ ສົກ ປີ 2003 ທ່ານ ເຍຍວືຢ່າ ກໍແມ່ນໜື່ງໃນຄອບຄົວທຸກຍາກຂອງບ້ານດັ່ງກ່າວ ປະກອບມີສະມາຊິກໃນຄອບຄົວທັງໝົດ 8 ຄົນ ແຮງ
ງານຕົ້ນຕໍມີພຽງແຕ່ 2 ແຮງງານ ນັບແຕ່ປີ 2003 ຜ່ານມາ ຄອບຄົວຂອງທ່ານ ເຍຍວືຢ່າ ແມ່ນທຸກຍາກທີ່ສຸດ ໂດຍສະເລ່ຍລາຍ
ຮັບຂອງລາວໃນ 1 ປີ ໄດ້ພຽງແຕ່ 1.500.000 ກີບ ຄິດສະເລ່ຍໃສ່ສະມາຊິກໃນຄອບຄົວໄດ້ຜູ້ລະ 187.500 ກີບຕໍ່ປີ.ທ່ານ ເຍຍວື
ຢ່າໝົດປັນຍາບໍ່ສາມາດສົ່ງລູກເຂົ້າໂຮງຮຽນ ຕົກມາຮອດທ້າຍປີ 2003 ເຍຍວື່ຢ່າ ຈື່ງໄດ້ຕັດສີນໃຈໄປຢືມເງີນຈຳນວນ 6.000.000
ກີບຈາກທະນາຄານສົ່ງເສີມກະສິກຳ ມາຊື້ແມ່ພັນງົວ 3 ໂຕ ມາລ້ຽງຢູ່ບ້ານນ້ຳລ້ອງພໍດີໄດ້ 6 ເດືອນງົວຂອງລາວຂະຫຍາຍເພີ່ມ
ອີກ 3 ໂຕລວມເປັນ 6 ໂຕ ເຊີ່ງເປັນກຳລັງໃຈໃຫ້ລາວ ເພີ່ມຄວາມເອົາໃຈໃສ່ດູແລເບີ່ງແຍງຫລາຍກ່ວາເກົ່າ ຜ່ານໄລຍະ 3 ປີ(2004
-2007) ລາວສາມາດສຳລະຕົ້ນທືນ ແລະ ດອກເບ້ຍທີ່ຕົນໄດ້ຢືມຈາກທະນາຄານ ງົວຂອງລາວໄດ້ເກີດແມ່ແຜ່ພັນເພີ່ມມາເປັນ 25
ໂຕ ນອກຈາກນັ້ນລາວໄດ້ຊື້ຕື່ມອີກ 10 ໂຕ ລວມເປັນ  35  ໂຕ.ນັບແຕ່ປີ  2007-2009  ນີ້ລາວໄດ້ຂາຍງົວ 7 ໂຕ ໃນລາຄາ 1 ໂຕ
3.500.000 ກີບ ເຊີ່ງເຮັດໃຫ້ລາວສາມາດສ້າງລາຍຮັບໄດ້ເຖີງ 24.500.000 ກີບ ເຮັດໃຫ້ລາວສາມາດຊື້ນາໄດ້ 1,8 ເຮັກຕາຊື້ລົດ
ໄຖນາ 1 ຄັນ ແລະ ສາມາດສົ່ງລູກເຂົ້າໂຮງຮຽນພ້ອມທັງມີເງີນແຮໄວ້ອີກຈຳນວນໜື່ງ.ທ່ານ ເຍຍວືຢ່າ ຍັງໃຫ້ຮູ້ວ່າ”ສຳລັບການ
ລ້ຽງງົວຂອງລາວມ່ນ:1. ຕ້ອງມີແຫລ່ງທີ່ຢູ່ອາໄສຂອງສັດທີ່ແນ່ນອນ 2. ຕ້ອງມີການຈັດແບ່ງຂະໜາດສັດ(ໝາຍຄວາມວ່າ) ງົວ
ເຖິກໂຕ2-5 ປີໄວ້ບ່ອນໜື່ງບໍ່ໃຫ້ໂຕແມ່ຢູ່ນຳ 3. ສຳລັບໂຕແມ່ພັນພໍ່ພັນ ແລະ ລູກງົວນ້ອຍແມ່ນຢູ່ນຳກັນບ່ອນໜື່ງ.”“ໃນປີ 2010-
2015 ລາວຈະສູ້ຊົນລ້ຽງງົວໃຫ້ໄດ້ 100-130 ໂຕ”ເຊີ່ງສາມາດເວົ້າໄດ້ວ່າ ກິດຈະກຳລ້ຽງງົວດັ່ງກ່າວສາມາດຊ່ວຍຍູ້ດືງຊີວີດຂອງ
ທ່ານ ເຍຍວືຢ່າ ແລະ ຄອບຄົວອອກຈາກຄວາມທຸກຍາກໄດ້ຢ່າງສີ້ນເຊີງ.

ຂໍ້ມູນຈາກໜັງສືພີມລາຍວັນ ວຽງຈັນໃໝ່ ສະບັບທີ 11991 ລົງວັນທີ  24 ມີນາ 2010