ສິນຄ້າປະເພດພືດຜັກ ແລະ ອາຫານຫຼາຍຊະນິດເລີ່ມມີການເໜັງຕີງດ້ານລາຄາເຊີ່ງສາເຫດມາຈາກເກີດມີຄວາມຕ້ອງ

ການບໍລິໂພກຫຼາຍໃນຊ່ວງເທດສະການສະຫຼອງປີໃໝ່.
          ຈາກການລົງຕິດຕາມລາຄາສິນຄ້າຢູ່ຕະຫຼາດໃຫຍ່ສອງແຫ່ງຢູ່ນະຄອນຫຼວງວຽງຈັນຄືຕະຫຼາດຂົວດິນ  ແລະ  ຕະຫຼາດ

ທົ່ງຂັນຄຳເຫັນວ່າລາຄາພືດຜັກເລີ່ມມີການເໜັງຕີງຂຶ້ນລາຄາມາແຕ່ວັນທີ  25 ທັນວາ ໂດຍສະເພາະແມ່ນຜັກທີ່ນິຍົມກັນຫຼາຍ
ເຊັ່ນ:ຜັກສະລັດ ຈາກກິໂລລະ 5000 ຂຶ້ນເປັນ 8000 ກີບໝາກເຜັດກິໂລລະ 15.000 ກີບຂຶ້ນເປັນ 18.000 ກີບ  ແລະ ໝາກ
ເລັ່ນກິໂລລະ 4.000 ຂຶ້ນເປັນ 7000 ກີບ ແລະ ຜັກອື່ນໆກໍຈະມີການປັບລາຄາຂຶ້ນເຊັ່ນກັນ ໂດຍສະເລ່ຍຈະຢູ່ປະມານ 3000-
5000 ກີບ ບັນດາຊາວຄ້າຂາຍສັດຈຳນວນໜຶ່ງບ່ອນວ່າສາເຫດທີ່ພືດຜັກຫຼາຍປະເພດໄດ້ມີການປັບລາຄາແພງຂຶ້ນແມ່ນໄລຍະ
ນີ້ພວມຢູ່ໃນການກະກຽມສະຫຼອງປີໃໝ່ສາກົນເຮັດໃຫ້ມີຄວາມຕ້ອງການເພີ່ມຂຶ້ນຍ້ອນຜູ້ຄົນຕ້ອງການດ້ານສະບຽງອາຫານ
 ເພື່ອໄປຈັດງານລ້ຽງໃນເທດສະການດັ່ງກ່າວອີກຢ່າງໜື່ງພືດຜັກບາງປະເພດທີ່ມີຄວາມຕ້ອງການຂອງສັງຄົມກໍມີການຂາດ
ເຂີນບໍພໍກັບຄວາມຕ້ອງການຈຶ່ງເຮັດໃຫ້ມີການນຳເຂົ້າຈາກຕ່າງແຂວງຫຼືຈາກປະເທດໃກ້ຄຽງຈຶ່ງເຮັດໃຫ້ລາຄາສູງຂຶ້ນ.
          ເຖິງແນວໃດກໍຕາມການຂຶ້ນລາຄາຂອງສິນຄ້າສ່ວນຫຼາຍນີ້ ຈະເປັນການກຳນົດເອົາເອງຈາກບັນດາແມ່ຄ້າຫຼາຍກວ່າໂດຍ
ບໍ່ແມ່ນພາກລັກເປັນຜູ້ກຳນົດເຊິ່ງຄາດວ່າອາດຈະຍັງສົ່ງຜົນກະທົບດ້ານລາຄາກັນອີກໄປຕື່ມກໍເປັນໄດ້ໃນໄລຍະນີ້.

               ຂໍ້ມູນຈາກໜັງສືພິມ ລາຍວັນ ລາວພັດທະນາ ສະບັບທີ 963 ລົງວັນທີ 29 ທັນວາ 2009