ທີ 16 ຖືກຕັດຂາດ. ໃນສ່ວນຂອງຄະນະພັກ, ອຳນາດການປົກຄອງແຂວງດັ່ງກ່າວ ໄດ້ເປີດປະຊຸມດ່ວນ ໂດຍຕົກລົງສົ່ງກຳ

ລັງເຈົ້າໜ້າທີ່ທະຫານ, ຕຳຫຼວດ ແລະ ພະນັກງານສຳນັກງານກົມກອງຕ່າງໆ ເຂົ້າໄປຊ່ວຍເຫຼືອຜູ້ປະສົບໄພຕັ້ງແຕ່ເຊົ້າຂອງ

ວັນທີ 30 ກັນຍາ 2009 ຫຼັງຈາກພະຍຸໄຕ້ຝຸ່ນເກດສະໜາ ພັດຜ່ານໃນມື້ດຽວກັນນັ້ນ.
          ທ່ານ ສີດາ ສຸວັນນະສາຍ ຫົວໜ້າຫ້ອງວ່າການແຂວງເຊກອງ ກ່າວວ່າ: ເຫດການນ້ຳຖ້ວມນີ້ນັບວ່າຮ້າຍແຮງທີ່ສຸດ

ໃນຮອບເກືອບ 20 ປີ ເຊິ່ງກ່ອນໜ້ານັ້ນໄດ້ເກີດນ້ຳປ່າໄຫຼຊຸແຮງ ສ້າງຄວາມເດືອດຮ້ອນໃຫ້ແກ່ປະຊາຊົນເມືອງດາກຈຶງແຂວງ

ຂອງຕົນມາແລ້ວເທື່ອໜຶ່ງແຕ່ກໍບໍ່ຮ້າຍແຮງຄືເທື່ອນີ້ ເຊິ່ງນ້ຳເຊກອງໄດ້ຍຶ່ງສູງຂຶ້ນກະທັນຫັນແຕ່ເວລາ 3 - 4 ໂມງເຊົ້າຂອງວັນ

ທີ 30 ກັນຍາ ເຖິງ 28 ແມັດ ເຊິ່ງກາຍເຂດອັນຕະລາຍກວ່າ  10  ແມັດ ແລະ ສົ່ງຜົນໃຫ້ນ້ຳຖ້ວມເຮືອນຊານຂອງປະຊາຊົນທີ່

ຢູ່ລຽບຕາມລຳນ້ຳເຊກອງຫຼາຍກວ່າ  10  ບ້ານ  ໂດຍປະຊາຊົນທີ່ໜີບໍ່ທັນ  ກໍໄດ້ຂຶ້ນໄປອາໄສຢູ່ຫຼັງຄາເຮືອນທັງຂໍຮ້ອງການ

ຊ່ວຍເຫຼືອແຕ່ໂຊກດີມາຮອດດຽວນີ້ກໍຍັງບໍ່ມີລາຍງານຂ່າວຕໍ່ການສູນເສຍເຖິງຊີວິດແຕ່ຢ່າງໃດ, ສ່ວນເນື້ອທີ່ການຜະລິດເຂົ້າ

ນາຖືກນ້ຳຖ້ວມເກືອບໝົດແລ້ວ,  ຂະນະທີ່ເສັ້ນທາງເລກທີ  16  ຖືກຕັດຂາດ  ແລະ ຂົວອີກສອງແຫ່ງຄືຂົວຫ້ວຍເຫີບ ແລະ

ຫ້ວຍລຳພັນຖືກນ້ຳຖ້ວມຈົມຢູ່ໃຕ້ພືນ ໂດຍບໍ່ສາມາດເດີນທາງເຂົ້າໄປຊ່ວຍເຫຼືອປະຊາຊົນໄດ້ຢ່າງຖ່ວງທັນ. ເຖິງວ່າແຂວງໄດ້

ນຳເອົາເຮືອເຂົ້າໄປຊ່ວຍເຫຼືອຜູ້ປະສົບໄພກໍດີ,  ພັດມີຈຳນວນຈຳກັດ,  ແຕ່ກໍຈະຫາທຸກວິທີການແກ້ໄຂບັນຫາດັ່ງກ່າວ  ເພື່ອ

ຄວາມປອດໄພຂອງຜູ້ປະສົບເຄາະຮ້າຍ   ແລະ  ບໍ່ໃຫ້ສູນເສຍຢ່າງຮ້າຍແຮງ.  ສຳລັບຢູ່ຕອນເໜືອຂອງລຳນ້ຳເຊກອງໂດຍສະ

ເພາະເຂດເທສະບານເມືອງກະລຶມ ກໍຖືກນ້ຳຖ້ວມໜັກເຊັ່ນດຽວກັນ.
          ຂະນະທີ່ຜູ້ສື່ຂ່າວແຂວງເຊກອງ ທີ່ໄດ້ເຄື່ອນໄຫວຕິດຕາມຕົວຈິງຕັ້ງແຕ່ເຊົ້າມືດຂອງວັນທີ 30 ກັນຍາ ກໍລາຍງານວ່າ: ໃນຂະນະທີ່ມີການນຳເຮືອເຂົ້າໄປຊ່ວຍເຫຼືອຜູ້ປະສົບໄພຢູ່ອີກຟາກຝັ່ງລຳນ້ຳເຊກອງນັ້ນ, ເນື່ອງຈາກກະແສນ້ຳໄຫຼແຮງ ຈຶ່ງສົ່ງ

ຜົນເຮັດໃຫ້ເຮືອຫຼົ້ມທັນທີ, ແຕ່ຍັງບໍ່ຮູ້ວ່າມີຜູ້ເສຍຊີວິດ ຫຼື ສູນຫາຍແຕ່ປະການໃດ.
          ໃນຂະນະດຽວກັນ, ອຳນາດການປົກຄອງແຂວງກໍມີລາຍງານຂ່າວມາຂໍຄວາມຊ່ວຍເຫຼືອຈາກລັດຖະບານວ່າ: ປະຈຸ

ບັນແຂວງເຊກອງປະສົບບັນຫາໜັກກັບພາບນ້ຳຖ້ວມເທື່ອນີ້, ເສັ້ນທາງຫຼາຍແຫ່ງຈາກເທສະບານແຂວງອອກສູ່ພາຍນອກຄື

ອອກສູ່ເມືອງກະລຶມ, ເມືອງດາກຈຶງ ແລະ ເສັ້ນທາງເລກ  16 ອອກໄປແຂວງອັດຕະປື  ຖືກຕັດຂາດເຮັດໃຫ້ການສັນຈອນໄປ

ມາຢຸດສະງັກ, ລະບົບສື່ສານຖືກຕັດຂາດ, ເຮືອນຊານຂອງປະຊາຊົນເປັນຈຳນວນຫຼວງຫຼາຍຖືກນ້ຳໄຫຼຊຸເອົາໄປ, ໂຮງຮຽນໃນ

ຕົວເມືອງດາກຈຶງຕ້ອງໄດ້ຢຸດການສິດສອນຮ່ຳຮຽນ, ຮ້າຍແຮງໄປກວ່ານັ້ນ, ປະຈຸບັນຍັງມີຫຼາຍຄອບຄົວຍັງຕິດຄ້າງຢູ່ເຂດນ້ຳ

ຖ້ວມເຊິ່ງທາງແຂວງບໍ່ສາມາດສົ່ງເຮືອໄປຊ່ວຍເອົາໄດ້ເພາະເປັນເຂດຄ້ອຍຊັນ ແລະ ນ້ຳໄຫຼແຮງ, ເນື້ອທີ່ການຜະລິດ, ຜົນລະ

ປູກ, ສັດລ້ຽງ ແລະ ຊັບສິນຕ່າງອາດຈະໄດ້ຮັບ ຄວາມເສຍຫາຍຫຼາຍ ເຖິງວ່າປະຈຸບັນອຳນາດການປົກຄອງທ້ອງຖິ່ນໄດ້ສຸມ

ທຸກຄວາມພະຍາຍາມຂອງຕົນແລ້ວ.