Get Adobe Flash player

ຂ່າວ

ພີທີເປີດນຳໃຊ້ໂຮງຮຽນປະຖົມສົມບູນ ບ້ານ ໜອງກາ ເມືອງ ປາກຊ່ອງ ແຂວງ ຈຳປາສັກ.

IMG_9011 IMG_9017

ໃນອາທິດທີ່ຜ່ານມານີ້ ທ່ານ ພວງປາຣີສັກ ປະວົງວຽງຄຳ ຮອງລັດຖະມົນຕີ ກະຊວງກະສິກຳ ແລະ ປ່າໄມ້ ພ້ອມດ້ວຍຄະນະ ໄດ້ເຂົ້າຮ່ວມພີທີເປີດນຳໃຊ້ ໂຮງຮຽນປະຖົມບ້ານໜອງກາ ຊື່ງປະກອນມີ ຈຳນວນ 5 ຫ້ອງຮຽນ ນັບແຕ່ ປໍ1-ປໍ5 ມີໂຕະ, ຕັ້ງ, ແລະ ອຸປະກອນການຮຽນການສອນຄົບຊຸດ ສາມາດຮັບນັກຮຽນໄດ້ທັງໝົດ 150 ກວ່າຄົນ, ລວມມູນຄ່າການກໍ່ສ້າງທັງໝົດ 3 ຮ້ອຍລ້ານກວ່າກີບ ພ້ອມດຽວກັນນີ້ກໍ່ໄດ້ລົງຢ້ຽມຢາມສຸກສາລາ   ຢູ່ບ້ານ ໃໝ່ໄຊສົມບູນ ຊື່ງສ້າງຕັ້ງສຳເລັດໃນປີ 2015 ມີເຮືອນ 2 ຫຼັງ ແລະ ອຸປະກອນການແພດຄົບຊຸດລວມມູນຄ້າທັງໝົດ 600 ກວ່າລ້ານກີບ ແລະ ໃນເວລາຕໍ່ມາໄດ້ລົງຢ້ຽມຢາມ ກຸ່ມຜູ້ຜະລິດກາເຟຄຸນນະພາບ ຊື່ງກຸ່ມດັ່ງກ່າວສ້າງຕັ້ງຂື້ນໃນປີ 2007 ມີສະມາຊີກກຸ່ມທັງໝົດ 42 ຄອບຄົວ, ມີໂຮງອີ້ວຄົບວົງຈອນ 1 ຫຼັງ, ມີລານຕາກກາເຟ ຈຳນວນ 63 ຫຼັງ, ສາມາດຂາຍກາເຟໝາກສ້ອມໄດ້ທັງໝົດ 700 ກວ່າໂຕນ ສ້າງລາຍຮັບໃຫ້ສະມາຊີກຄອບຄົວໜື່ງບໍ່ຫຼຸດ 70 ລ້ານກີບຕໍ່ປີ. Continue reading

ທ່ານ ລັດຖະມົນຕີກະຊວງ ກະສິກໍາ ແລະປ່າໄມ້ ຖະແຫຼງການວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ປີ 2017

IMG_8149

           ເພື່ອເປັນການຊີ້ນໍາ-ນໍາພາ ແລະໃຫ້ທິດທາງ ໃນການແກ້ໄຂຄວາມທຸກຍາກ ຂອງປະເທດໃນຕໍ່ໜ້າ ໃຫ້ປະກົດຜົນເປັນຈິງ. ໃນຕອນເຊົ້າຂອງວັນທີ 09 ຕຸລາ 2017 ນີ້, ຢູ່ຫ້ອງຮັບແຂກ ຫ້ອງການກະຊວງ ທ່ານ ປອ. ລຽນ ທີແກ້ວ ກໍາມະການສູນກາງພັກ, ລັດຖະມົນຕີກະຊວງ ກະສິກໍາ ແລະປ່າໄມ້ ໄດ້ໃຫ້ກຽດຖະແຫຼງການວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ປະຈໍາປີ 2017. ໂດຍທ່ານ ໄດ້ຖະແຫຼງການໃຫ້ຮູ້ກ່ຽວກັບຫຼາຍບັນຫາ ທີ່ເປັນວຽກທີ່ສໍາຄັນໃນການຈັດຕັ້ງປະຕິບັດວຽກງານໃນຕໍ່ໜ້າ. ສໍາລັບວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ທີ່ໄດ້ໝູນວຽນມາບັນຈຸຄົບຮອບອີກເທື່ອໜຶ່ງ ໃນປີ 2017 ນີ້, ຊື່ງພິທີສະເຫຼີມສະຫຼອງວັນທີ່ມີຄວາມໝາຍສຳຄັນດັ່ງກ່າວຢ່າງເປັນທາງການ ຈະໄດ້ຈັດຂຶ້ນໃນວັນທີ 17 ຕຸລາ 2017 ທີ່ຈະມາເຖິງນີ້, ຢູ່ນະຄອນຫຼວງວຽງຈັນ. ຊື່ງວັນອາຫານໂລກແມ່ນຄົບຮອບ 37 ປີ ພາຍໃຕ້ຄໍາຂວັນ “ລົງທຶນໃສ່ການຄໍ້າປະກັນຄວາມໝັ້ນຄົງທາງດ້ານສະບຽງອາຫານ ແລະ ພັດທະນາຊົນນະບົດ ເພື່ອແກ້ໄຂການຍ້າຍຖິ່ນຖານໃນອະນາຄົດ”, ວັນສາກົນ ເພື່ອລຶບລ້າງແມ່ນຄົບຮອບ 25 ປີ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ຄວາມທຸກຍາກ ຄົບຮອບ 14 ພາຍໃຕ້ຄໍາຂວັນ “ກ້າວໄປສູ່ ສັງຄົມ ສັນຕິສຸກ ແລະເພື່ອທຸກຄົນ”. Continue reading

ກອງປະຊຸມ ຄະນະກໍາມະການ ແຜນງານຄູ່ຮ່ວມກາກບອນປ່າໄມ້ (FCPF)

2 1

           ໃນລະຫວ່າງວັນທີ 25-27 ກັນຍາ 2017 ກົມປ່າໄມ້, ກະຊວງກະສິກໍາ ແລະ ປ່າໄມ້ ຂອງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຮັບກຽດເປັນເຈົ້າພາບ ຈັດກອງປະຊຸມ ຄະນະກໍາມະການ ຂອງແຜນງານຄູ່ຮ່ວມກາກບອນປ່າໄມ້ (FCPF)ຄັ້ງທີ 24ຂຶ້ນທີ່ ໂຮງແຮມສັນຕິ ຣີສອດ,​ ແຂວງ ຫຼວງພະບາງ ໃຫ້ກຽດເປັນປະທານຮ່ວມໂດຍທ່ານ ປອ. ພວງປາຣິສັກ ປຣະວົງວຽງຄໍາ ຮອງລັດຖະມົນຕີ ກະຊວງກະສິກໍາ ແລະປ່າໄມ້, ທ່ານ ວົງສະຫວັນ ເທບພະຈັນ ຮອງເຈົ້າແຂວງໆ ຫຼວງພະບາງ, ທ່ານ ຊ່ອງ ຄຣິດສະຕອບ ກາເຣ  ຫົວໜ້າທະນາຄານໂລກ ປະຈໍາລາວ. ພ້ອມນີ້ ມີແຂກທີ່ຖືກເຊີນມາຈາກ 5 ທະວີບ ມີ 60 ປະເທດ ເຂົ້າຮ່ວມທັງໝົດ 100 ກວ່າທ່ານ. Continue reading

ກອງປະຊຸມ ປະຈໍາປີ ຂອງແຜນງານການລົງທຶນດ້ານປ່າໄມ້ (FIP)

IMG_7887 IMG_788777

 

      ເພື່ອເສີ່ມຂະຫຍາຍບັນດາປະເທດຄູ່ຮ່ວມງານໃນການຮຽນຮຸູ້ ແລະປະສານງານ ກ່ຽວກັບວຽກງານການລົງທຶນດ້ານປ່າໄມ້ ໃຫ້ມີການຂະຫຍາຍໃນຕໍ່ໜ້າ.ກົມປ່າໄມ້, ກະຊວງກະສິກໍາ ແລະ ປ່າໄມ້, ໄດ້ຮັບກຽດເປັນເຈົ້າພາບ ຈັດກອງປະຊຸມ ປະຈໍາປີ ຂອງແຜນງານການລົງທຶນດ້ານປ່າໄມ້  “(FIP)ຂຶ້ນທີ່ ໂຮງແຮມ ຫຼວງພະບາງວິວ, ແຂວງ ຫຼວງພະບາງ ໃຫ້ກຽດເປັນປະທານຮ່ວມໂດຍທ່ານ ທອງພັດ ວົງມະນີ ຮອງລັດຖະມົນຕີ ກະຊວງກະສິກໍາ ແລະປ່າໄມ້, ທ່ານ ອ່ຽນ ເກຣ Ian Gray ຜູ້ປະສານງານ ອາວຸໂສ ແຜນງານການລົງທຶນດ້ານປ່າໄມ້ ພ້ອມນີ້ ມີແຂກທີ່ຖືກເຊີນມາຈາກ 5 ທະວີບ ມີ 60 ປະເທດ ເຂົ້າຮ່ວມທັງໝົດ 100 ກວ່າທ່ານ. Continue reading

ພາກລັດ, ຜູ້ປະກອບການ ແລະ ຊາວກະສິກອນ ຮ່ວມກັນປຶກສາຫາລືກ່ຽວກັບ ການນຳໃຊ້ມາດຕະຖານກະສິກຳທີ່ດີ ເພື່ອຄຸ້ມຄອງການປູກກ້ວຍເປັນສິນຄ້າ ຢູ່ 8 ແຂວງພາກເໜືອ

IMG_8003     DSC_5273

             ເພື່ອ​ຊ່ວຍ​ໃຫ້​ຜູ້​ປະກອບການແລະຊາວ​ກະ​ສິ​ກອນໄດ້​ເຂົ້າ​ໃຈ​ເຖິງ​​ການ​ນຳ​ໃຊ້​ມາດ​ຕະ​ຖານ​ກະ​ສິ​ກຳ​ທີ່​ດີ (GAP) ໃນ​ການ​ຜະ​ລິດ​ກ້ວຍ​ເປັນ​ສິນ​ຄ້າ, ກົມ​ປູກ​ຝັງກະ​ຊວງ​ກະ​ສິ​ກຳແລະ​ປ່າ​ໄມ້ຮ່ວມ​ກັບພະ​ແນກກະ​ສິ​ກຳແລະ​ປ່າ​ໄມ້​ແຂວງ​ອຸ​ດົມ​ໄຊຈຶ່ງ​ໄດ້​ຈັດ​ກອງ​ປະ​ຊຸມ​ປຶກ​ສາ​ຫາ​ລືລະ​ຫວ່າງ​ ພາກ​ລັດ, ຜູ້​ປະ​ກອບ​ການແລະ​ຊາວ​ກະ​ສິ​ກອນຂຶ້ນ, ທີ່​ພະ​ແນກ​ກະ​ສິ​ກຳແລະ​ປ່າ​ໄມ້ແຂວງ​ອຸ​ດົມ​ໄຊໂດຍ​ການ​ເປັນ​ປະ​ທານ​ຂອງ​ ທ່ານປອ ພວງ​ປ​ຣະ​ຣິ​ສັກປ​ຣະ​ວົງ​ວຽງ​ຄຳຮອງ​ລັດ​ຖະ​ມົນຕີ​ກະ​ຊວງ​ກະ​ສິ​ກຳແລະ​ປ່າ​ໄມ້, ທ່ານເພັດ​ສາ​ຄອນຫຼວງ​ອາ​ໄພເຈົ້າ​ແຂວງ​ອຸ​ດົມ​ໄຊພ້ອມ​ດ້ວຍ​ພະ​ແນກ​ກະ​ສິ​ກຳແລະ​ປ່າ​ໄມ້, ຜູ້​ປະ​ກອບ​ການແລະຊາວ​ກະ​ສິ​ກອນຈາກ 8 ແຂວງເຂົ້າ​ຮ່ວມ.  Continue reading

ພິທີເຊັນບົດບັນທຶກຄວາມເຂົ້າໃຈ MOU ສຶກສາຄວາມເປັນໄປໄດ້ຂອງໂຄງການປັບປຸງຊົນລະປະທານນ້ຳຫຸມ ແລະ ນ້ຳຊ່ວງ

IMG_21699 IMG_2185

ໂຄງການຊົນລະປະທານນ້ຳຫຸມ ແລະ ນ້ຳຊ່ວງ ເປັນໂຄງການຈຸດສຸມໜຶ່ງທີ່ສຳຄັນ ແລະ ເປັນບຸລິມະສິດຂອງລັດຖະບານ ເຊິ່ງສຳເລັດການກໍ່ສ້າງ ແລະ ເລີ່ມນຳໃຊ້ມາແຕ່ປີ 1978 ມາຮອດປັດຈຸບັນມີອາຍຸການໃຊ້ຍາວນານຫລາຍກວ່າ 30 ປີ ແລະ ມີສະພາບເກົ່າແກ່ຊຸດໂຊມ, ໂຄງການດັ່ງກ່າວມີເນື້ອທີທັງຫມົດ 7.600 ເຮັກຕາ ໃນນັ້ນໂຄງການນ້ຳຫຸມກວມເອົາ 2.300 ເຮັກຕາ ແລະ ໂຄງການນ້ຳຊ່ວງກວມເອົາ 5.300 ເຮັກຕາ, ເພື່ອເປັນການຮັບປະກັນແກ່ການສະໜອງນ້ຳຂອງທັງ 2 ໂຄງການໃຫ້ໄດ້ທັງມີປະສິດທິພາບ ແລະ ປະສິດທິຜົນ ເພື່ອຮັບໃຊ້​ແກ່ການພັດທະນາ ໂດຍສະເພາະການສະໜອງນ້ຳທີ່ພຽງພໍໃຫ້ແກ່ປະຊາຊົນເຂດເມືອງ ນາຊາຍທອງ, ນະຄອນຫລວງວຽງຈັນ ແລະ ເມືອງໂພນໂຮງ ແຂວງ ວຽງຈັນ, ໃຫ້ສາມາດທຳການຜະລິດກະສິກຳໄດ້ 2 ລະດູ, ທັງເພື່ອຮັບປະກັນຄວາມໝັ້ນຄົງດ້ານການ​ຜະລິດສະບຽງອາຫານໃຫ້ກາຍເປັນສິນຄ້າຮັບໃຊ້ພາຍໃນ ແລະສົ່ງອອ​ກ​ໃຫ້ໝັ້ນຄົງ ​ແລະ ຍາວນານ. Continue reading

ກອງປະຊຸມໜ່ວຍງານຂະແໜງການກະສິກໍາ ແລະ ພັດທະນາຊົນນະບົດປີ 2017

IMG_79555   IMG_79511

ເພື​່ອຈັດ​ຕັ້ງ​ປະຕິບັດ ​ແລະ ​ໄປ​ຕາມ​ແຜນ​ວຽກ​ປະ​ຈໍາປີ 2017 ຂອງ​ໜ່ວຍ​ງານ​ຂະ​ແໜງ​ກະສິກໍາ ​ແລະ ພັດທະນາ​ຊົນນະບົດ (SWG-ARD), ໃນ​ວັນ​ທີ 27 ກັນຍາ ທີ່​ສະ​ໂມ​ສອນ​ກະຊວງກະສິກໍາ ​ແລະ ປ່າ​ໄມ້, ກົມ​ແຜນການ ​ແລະ ການ​ຮ່ວມື, ກະຊວງ​ກະສິກໍາ ​ແລະ ປ່າ​ໄມ້ ​ໄດ້​ຈັດ​ກອງ​ປະຊຸມໜ່ວຍ​ງານ​ຂະ​ແໜງ​ການ​ກະສິກໍາ ​ແລະ ພັດທະນາ​ຊົນນະບົດ​ປະ​ຈໍາ​ໄຕ​ມາດ​ທີ່ 2 ​ແລະ 3 ປີ 2017 ຂື້ນ​, ໂດຍ​ການ​ເປັນ​ປະທານ​ຮ່ວມຂອງ ທ່ານ ປອ ພວງ​ປາຣິສັກ ປຣະວົງ​ວຽງ​ຄໍາ ຮອງ​ລັດຖະມົນຕີ​ກະຊວງ​ກະສິກໍາ ​ແລະ ປ່າ​ໄມ້ ມີ​ທ່ານ ອາ​ເລັນ ​ເວີ​ນິນັດສ ຕາງ​ໜ້າ​ສະຖານທູດ​ຝຣັ່ງປະ​ຈໍາ​ລາວ, ທ່ານ ສະຕີ​ເຟັນ ຣູດກາດ ຜູ້ຕາງ​ໜ້າ​ອົງການ ອາຫານ ​ແລະ ການ​ກະ​ເສດ ປະ​ຈໍາ ສປປ ລາວ ພ້ອມ​ດ້ວຍ​ຕ່າງ​ໜ້າ​ຈາກ​ບັນດາ​ກະຊວງຕ່າງໆ, ຜູ້​​ໃຫ້​ທຶນ, ອົງການຈັດ​ຕັ້ງ​ສາກົນ ແລະ ​ພາກສ່ວນທີ່​ກ່ຽວຂ້ອງ​ເຂົ້າ​ຮ່ວມ 100 ກ່ວາ​ທ່ານ. Continue reading

ກອງປະຊຸມສະພາບໍລິຫານອົງການຄຸ້ມຄອງ ແລະ ປົກປັກຮັກສາແຫຼ່ງນໍ້າ ນໍ້າເທີນ 2

IMG_7909  IMG_7919

             ອີງໃສ່ຂໍ້ຕົກລົງຂອງລັດຖະມົນຕີກະຊວງກະສິກຳ ແລະ ປ່າໄມ້ ວ່າດ້ວຍການອະນຸມັດເປີດກອງປະຊຸມສະພາບໍລິຫານອົງການຄຸ້ມຄອງ ແລະ ປົກປັກຮັກສາແຫຼ່ງນ້ຳເທີນ 2, ສະບັບ​​ເລກທີ 4045/ກປ ລົງ​ວັນ​ທີ 21 ກັນຍາ 2017. ສະນັ້ນ ໃນວັນທີ 26 ກັນຍາ ປີ 2017 ທີ່ຫອ້ງປະຊຸມ ຂອງຫ້ອງການກະຊວງກະສິກຳ ແລະ ປ່າໄມ້ ​ໄດ້ຈັດກອງປະຊຸມສະພາບໍລິຫານອົງການຄຸ້ມຄອງແລະປົກປັກຮັກສາແຫຼ່ງນໍ້ານໍ້າເທີນ 2 ຂຶ້ນ ພາຍໃຕ້ການເປັນປະທານໂດຍທ່ານ ປອ ລຽນ ທີແກ້ວ  ລັດຖະມົນຕີກະຊວງກະສິກຳ ແລະ ປ່າໄມ້ ນອກ​ນັ້ນ​ຍັງ​ມີ​ ຮອງ​​ເຈົ້າ​ແຂວງ ຄຳ​ມ່ວນ ຮອງ​ເຈົ້າ​ແຂວງ ບໍລິ​ຄຳ​ໄຊ ​ແລະ ບັນດາ​ເມືອງ ທີ່​ນອນ​ໃນ​ພື້ນ​ທີ ອາງ​ໂຕ່ງ​ຂອງ​ນ້ຳ​ເທີນ 2.  Continue reading

ກອງປະຊຸມ ກະກຽມສ້າງນະໂຍບາຍແນວພັນພືດແຫ່ງຊາດ

IMG_7785  IMG_7791

             ເພື່ອຕອບສະໜອງຄວາມຮຽກຮ້ອງຕ້ອງການ ຂອງການຜະລິດແນວພັນພືດທີ່ມີເງື່ອນໄຂແຕກຕ່າງກັນ ໃຫ້ມີແນວໂນ້ມທີ່ດີໃນຕໍ່ໜ້າ. ໃນຕອນເຊົ້າວັນທີ 15 ກັນຍາ ຜ່ານມາ ຢູ່ ສະຖາບັນຄົ້ນຄວ້າກະສິກໍາ ແລະປ່າໄມ້ແຫ່ງຊາດ ໄດ້ຈັດກອງປະຊຸມ ລິເລີ່ມກະກຽມສ້າງນະໂຍບາຍແນວພັນພືດ. ໃຫ້ກຽດເປັນປະທານຮ່ວມໂດຍທ່ານ ປອ. ພວງປາຣິສັກ ປຣະວົງວຽງຄໍາ ຮອງລັດຖະມົນຕີ ກະຊວງກະສິກໍາ ແລະປ່າໄມ້, ທ່ານ ສະຕີເຟັນ ຣູດກາດ ຜູ້ຕ່າງໜ້າອົງການອາຫານ ແລະການກະເສດ ປະຈໍາລາວ (FAO). ມີບັນດາຫົວໜ້າ-ຮອງຫົວໜ້າສູນ, ຊ່ຽວຊານຕ່າງປະເທດປະຈໍາລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ. Continue reading

ທ່ານຮອງລັດຖະມົນຕີກະຊວງກະສິກໍາ ແລະ ປ່າໄມ້ ຕ້ອນຮັບຄະນະຜູ້ແທນຢີ່ປຸ່ນ

IMG_7720  IMG_7723

               ໃນຕ້ອນເຊົ້າຂອງວັນທີ 17 ກັນຍາ ຜ່ານມາ, ຢູ່ສູນພັດທະນາການປະມົງ (ນໍ້າຊ່ວງ), ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້ ໄດ້ໃຫ້ກຽດຕ້ອນຮັບຄະນະຜູ້ແທນ ຈາກປະເທດຍີ່ປຸ່ນ ທີ່ມາຢ້ຽມຢາມ ການກໍ່ສ້າງຕຶກອາຄານ ຂອງໂຄງການສ້າງຄວາມເຂັ້ມແຂງດ້ານການຄົ້ນຄວ້າ ແລະພັດທະນາການປະມົງ ຢູ່ ສປປ ລາວ. ນໍາໂດຍທ່ານ ອີວາວ ໂຮຣິ (IWAO HORII) ຮອງລັດຖະມົນຕີ ກະຊວງການຕ່າງປະເທດ ແຫ່ງປະເທດຍີ່ປຸນ. ພ້ອມນີ້, ມີບັນດາຜູ້ແທນ ທັງສອງຝ່າຍ ເຂົ້າຮ່ວມຢ່າງພ້ອມພຽງ. Continue reading

GMS Pavilion & Food Safety Forum
Mail Attachment
ລະບົບຖານຂໍ້ມູນຕ່າງໆ

ladnew
line
dic
line
lafl
line
NTFP mapper
line
Shifting
line
header-right
line
logo-large
line