Get Adobe Flash player

ຂ່າວ

ທະນາຄານພັດທະນາອາຊີ (ADB) ໃຫ້ການຊ່ວຍເຫຼືອພື້ນຖານໂຄງລ່າງກະສິກຳຊຸມຊົນ 4 ແຂວງພາກເໜືອ

19243077_661104820766839_1717208680727512873_o

ໂຄງການ​ພັດທະນາ​ພື້ນຖານ​ໂຄງ​ລ່າງ​ຊົນນະບົດ ​ໄດ້​​ຈັດ​ຕັ້ງປະຕິບັດ​ມາ​ແຕ່​ປີ 2010 ຢູ່ 4 ​ແຂວງ​ພາກ​ເໜືອຄື: ​ແຂວງ​ບໍ່​ແກ້ວ, ຫຼວງນ້ຳທາ, ອຸດົມ​ໄຊ ​ແລະ ​ແຂວງ ຜົ້ງສາລີ ​ເຊິ່ງບັນດາ​ແຂວງ​ດັ່ງກ່າວ​ນີ້ ​ແມ່ນ​ນອນ​ຢູ່​ໃນ​ແຂວງ​ເປົ້າໝາຍຂອງ​ໂຄງການ​ແຫ່ງ​ຊາດ (​ການ​ຜະລິດ​ກະສິກຳ ​ເພື່ອ​ຮັບປະກັນ​ຄວາມໝັ້ນຄົງ​ທາງ​ດ້ານ​ສະບຽງອາຫານ ​ແລະ ການ​ຜະລິດ​ເປັນ​ສິນຄ້າ). ໂຄງການດັ່ງກ່າວ ຈະຊ່ວຍໃນການຈັດຕັ້ງຜັນຂະຫຍາຍແຜນພັດທະນາເສດຖະກິດ-ສັງຄົມ ແຫ່ງຊາດ ໂດຍສະເພາະ ແຜນຍຸດທະສາດ ແລະ ແຜນດຳເນີນງານ ຂອງກະຊວງກະສິກຳ ແລະ ປ່າໄມ້ ​ເຊິ່ງປັດຈຸບັນ ກຳລັງສຸມໃສ່ປັບປຸງໂຄງລ່າງພື້ນຖານດ້ານກະສິກຳ ແລະ ວຽກງານກະສິກໍາ ໃຫ້ສາມາດຜະລິດກະສີກໍາເປັນສິນຄ້າ ເພື່ອສ້າງລາຍຮັບ ແລະ ຍົກລະດັບຊີວິດການເປັນຢູ່ຂອງປະຊາຊົນລາວໃຫ້ດີຂຶ້ນ​ເທື່ອ​ລະ​ກ້າວ, ​ເຊິ່ງໃນນີ້ ວຽກບູລິມະສິດຂອງຂະ  ແໜງກະສີກໍາຕ້ອງຮັບປະກັນດ້ານ Continue reading

ທ່ານ ລັດຖະມົນຕີກະຊວງກະສິກຳ ແລະ ປ່າໄມ້ ລົງຊີ້ນຳວຽກງານຕ້ານແລ້ງ-ຕ້ານຖ້ວມ.

IMG_0869 IMG_0905

ໃນວັນທີ 17 ມີຖຸນາ 2017 ນີ້ ທ່ານ ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ພ້ອມດ້ວຍຄະນະລົງຕິດຕາມ ແລະ ຊີ້ນຳວຽກງານຕ້ານແລ້ງ-ຕ້ານຖວມ ຢູ່ເຂດ ເມືອງ ຫາດຊາຍຟອງ, ນະຄອນຫຼວງວຽງຈັນ.

ໂຄງການຄຸ້ມຄອງແລະຫລຸດຜ່ອນຄວາມສ່ຽງຈາກໄພນໍ້າຖ້ວມແລະແຫ້ງແລ້ງ,ເປັນໂຄງການໜຶ່ງພາຍໃຕ້ກອບການຮ່ວມມືອະນຸພາກພື້ນແມ່ນໍ້າຂອງ(GMS) ໂດຍໄດ້ຮັບທຶນສະໜັບສະໜູນຈາກທະນາຄານພັດທະນາອາຊີ(ADB)ຈໍານວນ36.5ລ້ານໂດລາ, ໃນນັ້ນເງິນກູ້ຢືມ 24 ລ້ານໂດລາແລະເງິນຊ່ວຍເຫລືອລ້າ12.5ລ້ານໂດລາ, ພ້ອມກັນນີ້ລັດຖະບານສາທາລະນະລັດປະຊາທິປະໄຕປະຊາຊົນລາວກໍໄດ້ສົມທົບທຶນຈຳນວນ0.59 ລ້ານໂດລາ. ປະກອບມີ 3 ໂຄງການໃຫຍ່ຄື: ໂຄງການພັດທະນາຊົນລະປະທານເຂດວຽງຈັນໃຕ້ ຂຶ້ນກັບພະແນກກະສິກຳແລະປ່າໄມ້ນະຄອນຫລວງ. ຊຶ່ງປະກອບມີກໍ່ສ້າງຊົນລະປະທານ 04 ແຫ່ງເຊັ່ນ: ໂຄງການຊົນລະປະທານສ້າງຫົວບໍ່,  ໂຄງການຊົນລະປະທານດົງຄວາຍ,ໂຄງການຊົນລະປະທານນາລ້ອງ 3  ແລະໂຄງການຊົນລະປະທານ ໝາກຮຽວ 2 , ລວມເນື້ອທີ່ຊົນລະປະທານທັງໝົດ 1.542 ເຮັກຕາແລະສ້າງປະຕູລະບາຍນ້ຳ 2 ແຫ່ງຄື: ຫ້ວຍເດື່ອແລະຫ້ວຍ   ໝາກຮຽວພ້ອມກັນນັ້ນຍັງໄດ້ມີການສ້າງຕັ້ງກຸ່ມຜູ້ນຳໃຊ້ນໍ້າແລະ ປັກຫລັກໝາຍຂອບເຂດດິນການຜະລິດກະສິກຳມີ 4 ໂຄງການ, ມີມູນຄ່າທັງໝົດ  5,600,000 ໂດລາ. Continue reading

ພິທີເຊັນສັນຍາປະຕິບັດໂຄງການທົດລອງຮ່ວມມືແກ້ໄຂຄວາມທຸກຍາກ ລາວ-ຈີນ

IMG_8785 IMG_8793

​ໂຄງການ​ຮ່ວມ​ມື​ທົດ​ລອງ​ແກ້​ໄຂ​ຄວາມທຸກ​ຍາກ ລາວ-ຈີນ ​ແມ່ນ​ໄດ້ຮັບ​ການ​ຊ່ວຍ​ເຫຼືອຈາ​ກກະຊວງ​ການ​ຄ້າ ສາທາລະນະ​ລັດ​ ປະຊາ ຊົນ​ຈີນ ກໍ່ຄື​ລັດຖະບານ ສາທາລະນະ​ລັດ ປະຊາຊົນ​ຈີນ ​ໃນ​ກອບກາ​ນ​ຮ່ວ​ມມື​ແມ່ນ້ຳຂອງ-​ແມ່ນ້ຳລ້ານ​ຊ້າງ ​ແລະ ​ໄດ້​ມອບ​ເງິນ ​ຈຳນວນ 33 ລ້ານ​ກວ່າ​ຢວນ (ປະມານ 40 ຕື້ກີບ) ​​ໃຫ້​ສູນ​ຄຸ້ມ​ຄອງ​ໂຄງການ​ຊ່ວຍ​ເຫຼືອຕ່າງປະ​ເທດ​ແກ້​ໄຂ​ຄວາມທຸກ​ຍາກ ​ແຂວງ ກວາງຊີ ​ແລະ ຄະນະ​ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ​ຂັ້ນສູນ​ກາງ, ກະຊວງ​ກະສິກຳ ​ແລະ ປ່າ​ໄມ້ ເປັນ​ຜູ້​ຈັດຕັ້ງປະຕິບັດ ​ໂຄງການ​ດັ່ງກ່າວ​ແມ່ນ​ຈະ​ໄດ້​ຈັດຕັ້ງປະຕິບັດ​ຢູ່ ບ້ານ ຊໍ້, ​ເມືອງ ສັງ​ທອງ, ນະຄອນຫຼວງວຽງຈັນ ​ແລະ ບ້ານ ຊຽງລ້ອມ, ​ເມືອງ ​ແລະ ​ແຂວງ ຫຼວງພະ​ບາງ  ​ໃນ​ວັນ​ທີ 14 ມີ​ຖຸນາ 2017 ທີ່​ຫ້ອງການ​ກະຊວງ​ກະສິກຳ ​ແລະ ປ່າ​ໄມ້ ​ໄດ້​ຈັດ​ພິທີ​ເຊັນ​ສັນຍາ​ປະຕິບັດ​ໂຄງການ​ Continue reading

ກອງປະຊຸມດຳເນີນຊີວິດການເມືອງ ປັບປຸງ ປົວແປງທົ່ວພັກ ປີ 2017

IMG_0280 IMG_0345

ກອງ​ປະຊຸມ​ດຳ​ເນີນ​ຊີວິດ​ການ​ເມືອງ ປັບປຸງ ປົວ​ແປງ​ທົ່ວ​ພັກ ປີ 2017 ຂອງ​ອົງຄະ​ນະ​ພັກ​ກະຊວງ​ກະສິກຳ ​ແລະ ປ່າ​ໄມ້ ​ຊຸດ​ທີ 1 ໄດ້ໄຂ​ຂຶ້ນ​ໃນ​ລະຫວ່າງວັນ​ທີ 6-7 ມີ​ຖຸນາ 2017 ທີ່​ສະ​ຖາ​ບັນ​ຄົ້ນຄວ້າ​ກະສິກຳ ​ແລະ ປ່າ​ໄມ້​ແຫ່ງ​ຊາດ. ພາຍ​ໃຕ້​ການ​ເປັນ​ປະທານ​ຮ່ວມຂອງ​ ສະຫາຍ ບຸນ​ທອງ ຈິດ​ມະນີ ກຳມະການ​ກົມ​ການ​ເມືອງ​ສູນ​ກາງ​ພັກ, ​ເລຂາທິການ​ສູນ​ກາງ​ພັກ, ປະທານຄະນະ​ກວດກາ​ສູນ​ກາງ​ພັກ, ຮອງ​ຄະນະ​ຮັບຜິດຊອບ​ດຳ​ເນີນ​ຊີວິດ​ການ​ເມືອງ ປັບປຸງປົວ​ແປງ​ທົ່ວ​ພັກ ປີ 2017; ສະຫາຍ ລຽນ ທີ​ແກ້ວ ກຳມະການ​ສູນ​ກາ​ງພັກ, ​ເລຂາ​ຄະນະ​ພັກ​ກະຊວງ. ​ໂດຍ​ມີ​ຄະນະ​​ບໍລິຫານ​ງານ​ພັກກະຊວງ, ຄະນະ​ພັກ​ຂັ້ນ​ຕ່າງໆ, ສະມາຊິກ​ພັກຂັ້ນອາວຸ​ໂສ, ສະມາຊິກ​ພັກ-ພະນັກງານຫຼັກ​ແຫຼ່ງ  ​ເຂົ້າຮ່ວມ​ທັງໝົດ 357 ສະຫາຍ, ຍິງ 65 ສະຫາຍ.

          ໃນ​ທີ່​ປະ​ຊຸມ ສະຫາຍ ລຽນ ທີ​ແກ້ວ ກຳມະການ​ສູນ​ກາ​ງພັກ, ​ເລຂາ​ຄະນະ​ພັກ​ກະຊວງ ​ໄດ້​ຂຶ້ນ​ເຜີຍ​ແຜ່​ຄຳ​ສັ່ງ​ເລກທີ 01/ກມສພ, ລົງ​ວັນ​ທີ 01 ກຸມພາ 2017. ວ່າ​ດ້ວຍ​ການ​ດຳ​ເນີນ​ຊີວິດ​ການ​ເມືອງ​ປັບປຸງ ປົວ​ແປງ​ທົ່ວ​ພັກ ປີ 2017; ​ເອກະສານ ​ເດັດດ່ຽວປັບປຸງ​ປົວ​ແປງ​ທົ່ວ​ພັກ​ໃຫ້​ປອດ​ໃສ, ​ເຂັ້ມ​ແຂງ ​ແລະ ໜັກ​ແໜ້ນ ​ແລະ ຄຳ​ແນະນຳ​ການສ້າງຂະ​ບວນການ​ແຂ່ງຂັນ​ຍ້ອງຍໍ 3 ​ເນື້ອ​ໃນ 4 ຮັບປະ ກັນ. ​ໃນ​ວັນ​ຕໍ່ມາ, ສະຫາຍ ທອງ​ພັດ ວົງ​ມະນີ ຮອງ​ເລຂາ​ຄະນະ​ພັກ​ກະຊວງ ​ໄດ້​ຂຶ້ນຜ່ານ​ບົດ​ສະຫຼຸບ ຕີ​ລາຄາ​ການ​ຊີ້​ນຳ-ນຳພາ Continue reading

ພິທີເຊັນບົດບັນທຶກຄວາມເຂົ້າໃຈ ໃນການສືກສາຄວາມເປັນໄປໄດ້ຂອງໂຄງການຊົນລະປະທານອ່າງເກັບນ້ຳ-ນ້ຳຄູ້ ເມືອງປາກະດີງ ແຂວງບໍລິຄຳໄຊ.

IMG_0799 IMG_0802

ໃນອາທິດທີ່ຜ່ານມານີ້ ກົມຊົນລະປະທານ ກະຊວງກະສິກຳ ແລະ ປ່າໄມ້ ໄດ້ຈັດພິທີເຊັນບົດບັນທຶກຄວາມເຂົ້າໃຈໃນການສືກສາຄວາມເປັນໄປໄດ້ຂອງໂຄງການ ຊົນລະປະທານອ່າງເກັບນ້ຳ-ນ້ຳຄູ້ ເມືອງປາກກະດີງ ແຂວງ ບໍລິຄຳໄຊ ໂດຍການເຂົ້າຮ່ວມຂອງ ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ ພ້ອມນີ້ມີທ່ານຮອງເຈົ້າແຂວງ ບໍລິຄຳໄຊ, ທ່ານຮອງຫົວໜ້າຫ້ອງການ ແລະ ຫົວໜ້າກົມອ້ອມຂ້າງກະຊວງເຂົ້າຮ່ວມຢ່າງ ພ້ອມພຽງ. Continue reading

ພິທີປູກຕົ້ນໄມ້ຢູ່ວິທະຍາຄານປ້ອງກັນຊາດ ໄກສອນ ພົມວິຫານ

IMG_9785 IMG_9805

ດັ່ງທີ່ີຮູ້ນໍາກັນແລ້ວວ່າປ່າໄມ້ແມ່ນແຫຼ່ງຊັບພະຍາກອນທໍາມະຊາດທີ່ອຸດົມສົມບູນທີ່ມີຄຸນຄ່າ ແລະ ມີຄວາມໝາຍສຳຄັນຕໍ່ການດຳລົງຊີວິດມວນມະນຸດ ແລະ ຍັງເປັນຜົນປະໂຫຍດຕໍ່ທາງດ້ານເສດຖະກິດ, ການທ່ອງທ່ຽວ ປ້ອງກັນຊາດ-ປ້ອງກັນຄວາມສະຫງົບ ແລະ ອື່ນໆ ສະນັ້ນໃນວັນທີ 1 ມິຖຸນາ 2017 ຢູ່ທີ່ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ຈັດພິທີປູກຕົ້ນໄມ້ ໂດຍໃຫ້ກຽດເປັນປະທານ ຂອງທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ, ປະທານ ປກຊ, ປກສ ແຫ່ງສປປ ລາວພ້ອມດ້ວຍ ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ພົນຕີ ວິໄລ ຫຼ້າຄໍາຟອງ ຮອງລັດຖະມົນຕີ ຫົວໜ້າກົມໃຫຍ່ການເມືອງກອງທັບ, ທ່ານ ປອ ລຽນ ທີແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້, ບັນດາ ລັດຖະມົນຕີ ຮອງລັດຖະມົນຕີ, ກຳມະການສູນກາງພັກ, ຄະນະພັກກະຊວງປ້ອງກັນປະເທດ, ບັນດາແຂກ ນັບທັງຊາວໜຸ່ມກະຊວງກະສິກຳ ແລະ ປ່າໄມ້ ແລະ ນ້ອງນ້ອຍເຍົາວະຊົນ ເຂົ້າຮ່ວມຢ່າງເປັນຂະບວນຟົດຟື້ນ. Continue reading

ເປີດງານວາງສະແດງເບ້ຍໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ

IMG_9612IMG_9638

ພິທີເປີດງານວາງສະແດງເບ້ຍໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ຕິດພັນກັບການສ້າງຂະບວນການປູກຈິດສໍານຶກ ເນື່ອງໃນວັນເດັກນ້ອຍສາກົນ ວັນທີ 1 ມີຖຸນາ ໄດ້ໄຂ່ຂຶ້ນຢ່າງເປັນທາງການໃນວັນທີ 31 ພຶດສະພາ ຫາ ວັນທີ 04 ມີຖຸນາ 2017 ຜ່ານມາ ທີ່ສູນການຄ້າລາວ-ໄອເຕັກ ໂດຍການຮ່ວມກັນລະຫວ່າງ ກະຊວງກະສິກໍາ ແລະປ່າໄມ້ ກັບນະຄອນຫຼວງວຽງຈັນ. ເປັນກຽດເຂົ້າຮ່ວມໂດຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ປະລິນຍາເອກ ລຽນ ທີແກ້ວ ລັດຖະມົນຕີກະຊວງກະສິກໍາ ແລະປ່າໄມ້, ທ່ານ ຮອງເຈົ້າຂອງນະຄອນຫຼວງວຽງຈັນ, ພ້ອມນີ້້ມີ ບັນດາລັດຖະມົນຕີ-ຮອງລັດຖະມົນຕີຈາກກະຊວງທີ່ກ່ຽວຂ້ອງ, ຫົວໜ້າ-ຮອງຫົວໜ້າກົມ, ຫ້ອງການ, ພ້ອມດ້ວຍຜູ້ປະກອບການ, ຄູອາຈານ ແລະນ້ອງນ້ອຍນັກຮຽນເຂົ້າຮ່ວມຢ່າງຄຶກຄື້ນ. Continue reading

ພິທີປູກຕົ້ນໄມ້ຢູ່ບ້ານ ໄຊສົມບູນ ເມືອງໄຊທານີ ນະຄອນຫຼວງວຽງຈັນ

111111 IMG_9930

ເພື່ອເປັນການປຸກດົມທາງດ້ານຈິດໃຈຢ່າງຟົດຟື້ນ ໃຫ້ຖັນແຖວພະນັກງານ ລັດຖະກອນຕະຫຼອດຮອດພໍ່-ແມ່ປະຊາຊົນເຫັນໄດ້ຄວາມໝາຍ, ຄວາມສຳຄັນຂອງວຽກງານປູກຕົ້ນໄມ້ເພື່ອຟື້ນຟູປ່າ ລວມທັງການຄຸ້ມຄອງ ແລະປົກປັກຮັັກສາປ່າໄມ້ ໃຫ້ມີການຂະຫຍາຍຕົວຍືນຍົງ. ໃນທ້າຍອາທິດຜ່ານມາ, ກະຊວງກະສິກໍາ ແລະປ່າໄມ້ ຮ່ວມກັບພະແນກກະສິກໍາ ແລະປ່າໄມ້ນະຄອນຫຼວງວຽງຈັນ ໄດ້ຈັດພິທີປູກຕົ້ນໄມ້ ຢູ່ບ້ານ ໄຊສົມບູນ, ເມືອງໄຊທານີ, ນະຄອນຫຼວງວຽງຈັນ ໃຫ້ກຽດເປັນປະທານໂດຍ ທ່ານ ປອ. ທອງລຸນ ສີສຸລິດ ນາຍົກລັດຖະມົນຕີ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ປອ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ປອ. ລຽນ ທີແກ້ວ ລັດຖະມົນຕີ ກະຊວງກະສິກໍາ ແລະປ່າໄມ້. ພ້ອມນີ້ ມີບັນດາ ຮອງລັດຖະມົນຕີ, ຫົວໜ້າ-ຮອງຫົວໜ້າກົມ, ຫ້ອງການ, ຈາກກະຊວງກະສິກໍາ ແລະປ່າໄມ້,ພະແນກການອ້ອມຂ້າງນະຄອນຫຼວງວຽງຈັນ, ພໍ່ແມ່ປະຊາຊົນ, ຄູອາຈານ ແລະນ້ອງນ້ອຍນັກຮຽນ ເຂົ້າຮ່ວມຢ່າງຟົດຟື້ນ. Continue reading

ພີທີມອບ-ຮັບໂຄງການກໍ່ສ້າງຊົນລະປະທານ ນ້ຳຊອຍ 1 ແລະ ນ້ຳຊອຍ 2.

11 111111

ໃນອາທິດທີ່ຜ່ານມານີ້ ພະແນກກະສິກຳ ແລະ ປ່າໄມ້ ແຂວງ ຫຼວງພະບາງ ໄດ້ຈັດພິທີມອບ-ຮັບໂຄງການກໍ່ສ້າງຊົນລະປະທານນ້ຳຊອຍ 1 ແລະ ນ້ຳຊອຍ 2 ບ້ານນາແວ່ນ ເມືອງ ວຽງຄຳ ແຂວງ ຫຼວງພະບາງ ໂດຍການເຂົ້າຮ່ວມຂອງທ່ານ ປອ. ພວງປາຣີສັກ ປຣະວົງວຽງຄຳ ຮອງລັດຖະມົນຕີກະຊວງກະສິກຳ ແລະ ປ່າໄມ້ ແລະ ທ່ານ ບົວຄົງ ນາມະວົງ ຮອງເຈົ້າແຂວງ ແຂວງ ຫຼວງພະບາງ ພ້ອມນີ້ມີບັນພະແນກກະສິກຳ ແລະ ປ່າໄມ້ 3 ແຂວງ: ແຂວງຜົ້ງສາລີ, ຫົວພັນ ແລະ ແຂວງ ຫຼວງພະບາງ ມີບັນດາເຈົ້າເມືອງ ຮອງເຈົ້າເມືອງ ພະແນກການອ້ອມຂ້າງ ແລະ ພໍ່ແມ່ປະຊາຊົນເຂົ້າຮ່ວມຢ່າງພ້ອມພຽງ. Continue reading

ກອງປະຊຸມ ກ່ຽວກັບນະໂຍບາຍນະໂຍບາຍການຄໍ້າປະກັນສະບຽງອາຫານ ແລະ ງານວາງສະແດງສິນຄ້າ ຂອງບັນດາປະເທດ GMS

2 3

ໂດຍຕອບສະໜອງຕາມ ການເຊື້ອເຊີນ ຂອງ ທະນາຄານ​ພັດທະນາອາຊີ (ADB) ​ປອ. ພວງປາຣິສັກ ປຣະວົງວຽງຄຳ, ຮອງລັດຖະມົນຕີກະຊວງກະສິ ກຳ ແລະ ປ່າໄມ້ ພ້ອມດ້ວຍຄະນະ ໄດ້ເຂົ້າ​ຮ່ວມກອງ​ປະຊຸມປຶກສາຫາລື ກ່ຽວກັບ ນະ​ໂຍບາຍ ໃນການ​ຄໍ້າປະກັນ​ສະບຽງ​ອາຫານ-​ການເຂົ້າ​ເຖິງ​ຕະຫຼາດ, ກອງປະຊຸມຄວາມປອດໄພດ້ານອາຫານໂລກ ​ແລະ ງານ​ວາງສະ​ແດງສິນຄ້າກະສິກຳ THAIFEX-World, ຊຶ່ງ​ໄດ້ຈັດ​ຂື້ນໃນ​ລະຫວ່າງວັນ​ທີ 31 ພຶດສະພາ ຫາ​ວັນ​ທີ 1 ມີ​ຖຸນາ 2017, ຢູ່ທີ່​ບາງກອກ, ປະ​ເທ​ດ​ໄທ. ​ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອປຶກສາຫາລື ແລກ ປ່ຽນບົດຮຽນ ທາງດ້ານນະໂຍບາຍ ກ່ຽວກັບ ກາລະໂອກາດ ແລະ ສິ່ງທ້າທາຍ ໃນການຕອບສະໜອງ ດ້ານສະບຽງອາຫານ ຢູ່ໃນບັນດາປະເທດຂອງ GMS (ສປປ ລາວ, ໄທ, ສສ. ຫວຽດ ນາມ, ກຳປູເຈຍ, ມຽນມ້າ ແລະ ສປ ຈີນ)
Continue reading

GMS Pavilion & Food Safety Forum
Mail Attachment
ລະບົບຖານຂໍ້ມູນຕ່າງໆ

ladnew
line
dic
line
lafl
line
NTFP mapper
line
Shifting
line
header-right
line
logo-large
line