ທ່ານ ລັດຖະມົນຕີກະຊວງກະສິກຳ ແລະປ່າໄມ້ ເຂົ້າຮ່ວມກອງປະຊຸມ ຄັ້ງທີ 40 ຂອງອົງການອາຫານ ແລະ ການກະເສດ ແຫ່ງ ສະຫະປະຊາຊາດ (FAO)
ໃນລະຫວ່າງວັນທີ 3-8 ກໍລະກົດ 2017 ທ່ານ ປອ. ລຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມໃຫຍ່ ຄັ້ງທີ 40 ຂອງອົງການອາຫານ ແລະ ການກະເສດ ແຫ່ງ ສະຫະປະຊາຊາດ (FAO). ຊື່ງກອງປະຊຸມດັ່ງກ່າວ ໄດ້ຈັດຂຶ້ນທຸກໆສອງປີ ໂດຍມີບັນດາຄະນະລັດຖະມົນຕີກະ ຊວງກະສິກຳ ຫຼາຍກວ່າ 190 ກວ່າປະເທດ ໄດ້ມາເຕົ້າໂຮມກັນຢູ່ທີ່ສຳນັກງານໃຫຍ່ ຂອງອົງການ FAO ທີ່ນະຄອນ ຫຼວງໂຣມ, ປະເທດອີຕາລີ ເພື່ອປຶກສາຫາລື ກ່ຽວກັບ ສະພາບການຜະລິດສະບຽງອາຫານ ແລະ ການກະສິກຳ ເພື່ອຮັບປະກັນດ້ານການຄໍ້າປະກັນສະບຽງອາຫານ ແລະ ໂພຊະນາການ ໃຫ້ມີຄວາມຍືນຍົງ, ທົບທວນຄືນບັນດາໜ້າວຽກທີ່ຜ່ານມາຂອງອົງການ FAO ໂດຍສະເພາະ ສະຫຼຸບການນໍາໃຊ້ງົບປະມານທີ່ຜ່ານມາ ແລະ ສະເໜີແຜນງົບປະມານປະຕິບັດວຽກງານ ຂອງແຕ່ລະຂົງເຂດພາກພື້ນໃນຕໍ່ໜ້າເຊັ່ນ: ອາຊີປາຊີຟິກ, ອາເມລິ ກາລາຕິນ, ເອີລົບ, ອາຟຼິກກາ, ພາກຕາເວັນອອກ ແລະ ພາກເໜືອຂອງອາເມລິກາ, ການປະຕິບັດວຽກງານຂອງແຕ່ລະຄະນະກຳມະທິການວິຊາການເຊັ່ນ: ດ້ານກະສິກຳ, ການຄ້າ ກະສິກຳການປະມົງ, ປ່າໄມ ແລະການປະຕິບັດວຽກງານຂອງຄະນະກໍາມະການຄໍ້າປະກັນສະບຽງອາຫານໂລກ ແລະ ອື່ນໆ.
ໃນໂອກາດເຂົ້າຮ່ວມກອງປະຊຸມສຳຄັນດັ່ງກ່າວນີ້, ທ່ານ ປອ. ລຽນ ທີແກ້ວ ລັດຖະມົນຕີກະຊວງກະສິກຳ ແລະປ່າໄມ້ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃຫ້ກຽດລາຍງານການຈັດຕັ້ງປະຕິບັດວຽກງານຂອງຂະແໜງກະສິກໍາ ແລະປ່າໄມ້ ວ່າ: ສປປລາວ ໄດ້ກຳນົດ ຍຸດທະສາດ ພັດທະນາ ກະສິກຳ ຂອງ ສປປ ຮອດປີ 2025 ແລະ ວິໃສທັດ 2030, ຊຶ່ງກວມເອົາ 3 ເສົ້າຄໍ້າ ຄື: 1. ກະສິກໍາ 2. ປ່າໄມ້ ແລະ 3. ພັດທະນາຊົນນະບົດ ແລະ ລຶບລ້າງ ຄວາມທຸກຍາກ ພ້ອມດ້ວຍມີ 4 ແຜນງານຫຼັກ ເຊັ່ນ: 1) ແຜນງານຜະລິດ ສະບຽງອາຫານ ໃຫ້ມີຄວາມຫມັ້ນຄົງ ແລະ ຄົບໂພຊະນາການ; 2) ແຜນງານຜະລິດກະສິກຳເປັນສິນຄ້າ ທີ່ໄດ້ທັງປະລີມານ, ຄຸນນະພາບ ແລະ ສະອາດ; 3) ແຜນງານ ການຄຸ້ມຄອງປ່າໄມ້ ແລະ ຊັບພະຍາກອນປ່າໄມ້ ແບບຍືນຍົງ, 4) ແຜນງານ ພັດທະນາຊົນນະບົດ ແລະ ລຶບລ້າງຄວາມທຸກຍາກ. ພ້ອມດຽວກັນນີ້, ຍັງໄດ້ລາຍງານກ່ຽວກັບການກຳນົດ 10 ແຜນດຳເນີນງານ ແລະ ໂຄງການຈໍານວນໜຶ່ງ ທີ່ມີ ຄາດໝາຍສູ້ຊົນ, ຕົວຊີ້ວັດ ຈະແຈ້ງ ຊື່ງໄດ້ຖືກບັນຈຸເຂົ້າໃນ ແຜນພັດທະນາ ເສດຖະ ກິດ-ສັງຄົມ ແຫ່ງຊາດ 5 ປີ ຄັ້ງທີ VIII (2016-2020) ແລະໃນການສຳຫຼວດລາຍຈ່າຍ ແລະ ການບໍລິໂພດ (LECS 6).ພ້ອມນັ້ນ, ກໍ່ເພື່ອເປັນການຕອບສະໜອງ ຕາມຄຳຮຽກຮ້ອງ ຂອງສະຫາຍເລຂາທິການໃຫຍ່ ອົງການ ສະຫະປະຊາຊາດ ໃນເດືອນ ມິຖຸນາ 2012 ທີ່ຜ່ານມາ, ທີ່ໄດ້ສະເໜີໃຫ້ ທຸກປະເທດຢູ່ໃນໂລກ ພ້ອມກັນຈັດຕັ້ງປະຕິບັດ ນະໂຍບາຍລຶບລ້າງຄວາມອຶດຫິວ. ໂດຍລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍ່ໄດ້ລິເລີ້ມ ຈັດຕັ້ງປະຕິບັດ ໂຄງການຄໍ້າປະກັນ ຄວາມໝັ້ນຄົງ ດ້ານສະບຽງອາຫານ ແລະ ຜະລິດເປັນສິນຄ້າ ແລະໂຄງການອື່ນໆ ຊື່ງເລີ່ມແຕ່ເດືອນ ພຶດສະພາ 2015 ເປັນຕົ້ນມາ ໂດຍມອບໃຫ້ ຄະນະກໍາມະການແຫ່ງຊາດ ເພື່ອການຄໍ້າປະກັນ ຄວາມໝັ້ນຄົງ ດ້ານສະບຽງອາຫານ ແລະ ຜະລິດເປັນສິນຄ້າ, ຄະນະກຳມະການ ແຫ່ງຊາດ ເພື່ອໂພຊະນາການ ເປັນຜູ້ຊິ້ນຳ-ນໍາພາ ແລະ ໃຫ້ກະຊວງກະສີກຳ ແລະ ປ່າໄມ້ ເປັນຜູ້ຈັດຕັ້ງປະຕິບັດ ຮ່ວມກັບ ບັນດາ ກະຊວງຂະແໜງການຕ່າງໆ ເປັນຕົ້ນແມ່ນການສະໜັບສະໜູນຈາກ 3 ອົງການ ຈັ້ດຕັ້ງສາກົນ ຄື: 1. ອົງການ ອາຫານ ແລະ ການກະເສດ (FAO), 2. ສະຖາບັນການເງິນ ເພື່ອການພັດທະນາກະສີກໍາ (IFAD) ແລະ ອົງການ ອາຫານ ໂລກ (WFP).
ໂອກາດດຽວກັນນີ້, ທ່ານ ປອ. ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ຕາງໜ້າໃຫ້ແກ່ລັດຖະບານ ລາວ ຕີລາຄາສູງ ຕໍ່ການສະໜັບສະໜູນ ຂ%E