ກອງປະຊຸມທາບທາມຄໍາເຫັນໃສ່ຮ່າງດໍາລັດວ່າດ້ວຍແນວພັນພືດ

IMG_0027  IMG_0023

            ໃນທ້າຍອາທິດຜ່ານມາ, ກົມປູກຝັງ ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມທາບທາມຄໍາເຫັນໃສ່ຮ່າງດໍາລັດວ່າດ້ວຍແນວພັນພືດ ຢູ່ຫ້ອງປະຊຸມສູນປ້ອງກັນພືດ. ຈຸດປະສົງກອງປະຊຸມຄັ້ງນີ້ ເພື່ອເປັນການຈັດຕັ້ງ ນະໂຍບາຍການຜະລິດກະສິກໍາ ເພື່ອຄວາມໝັ້ນຄົງທາງດ້ານສະບຽງອາຫານ ແລະການຜະລິດກະສິກໍາເປັນສິນຄ້າ ໃຫ້ຮັບປະກັນໄດ້ທາງດ້ານປະລິມານ ແລະຄຸນນະພາບ, ທັງເປັນການຄຸ້ມຄອງ ແລະພັດທະນາແນວພັນພືດ ຊື່ງມີບົດບາດສໍາຄັນໃນການຍົກສູງຜະລິດຕະພາບ ແລະຄຸນນະພາບຂອງສິນຄ້າ ທັງປະກອບສ່ວນເຮັດໃຫ້ຊາວກະສິກອນມີລາຍຮັບສູງຂຶ້ນຕື່ມອີກ. ທ່ານ ບຸນຈັນ ກົມບຸນຍະສິດ ຮອງຫົວໜ້າກົມປູກຝັງ ທັງເປັນຫົວໜ້າກອງເລຂາຮ່າງດໍາລັດວ່າດ້ວຍແນວພັນພືດ ໄດ້ລາຍງານໃຫ້ຮູ້ກ່ຽວກັບຈຸດປະສົງ ແລະລະດັບຄາດໝາຍ ຂອງຮ່າງດໍາລັດ ຊື່ງປະກອບມີເນື້ອໃນທັງໝົດ 14 ໝວດ, ມີ 65ມາດຕາ. ພ້ອມນີ້, ບັນດາຄະນະກອງເລຂາຮ່າງດໍາລັດດັ່ງກ່າວ ໄດ້ຂຶ້ນຜ່ານເນື້ອໃນແຕ່ລະໝວດ ແລະ ແຕ່ລະ ມາດຕາ ຂອງຮ່າງດໍາລັດດັ່ງກ່າວ. ໂອກາດນີ້, ຄະນະຜູ້ແທນກອງປະຊຸມ ໄດ້ພ້ອມກັນປະກອບຄໍາຄິດຄໍາເຫັນ ແລະ ແລກປ່ຽນບົດຮຽນ ຢ່າງກົງໄປກົງມາ ເພື່ອແນໃສ່ປັບປຸງຮ່າງດໍາລັດດັ່ງກ່າວ ໃຫ້ມີເນື້ອໃນຄົບຖ້ວນສົມບູນ.

         IMG_0033

            ກອງປະຊຸມຄັ້ງນີ້, ໃຫ້ກຽດເປັນປະທານໂດຍທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງກະສິກໍາ ແລະປ່າໄມ້. ໂດຍມີບັນດາຫົວໜ້າກົມ-ຮອງກົມ, ຜູ້ຕາງໜ້າຈາກກະຊວງອ້ອມຂ້າງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ເພື່ອເຮັດໃຫ້ການທາບທາມ ໄດ້ຮັບຜົນສໍາເລັດຕາມລະດັບຄາດໝາຍ ປະທານກອງປະຊຸມ ໄດ້ສະແດງຄວາມຊົມເຊີຍ ຕໍ່ກອງປະຊຸມທີ່ໄດ້ພ້ອມກັນປະກອບຄໍາຄິດຄໍາເຫັນ. ພ້ອມທັງ, ສະເໜີໃຫ້ ຄະນະກອງເລຂາ ແລະພາກສ່ວນກ່ຽວຂ້ອງ ກວດກາຄືນດ້ານເນື້ອໃນຂອງຮ່າງດໍາລັດສະບັບນີ້ເປັນຕົ້ນແມ່ນ ບັນດາເນື້ອໃນ ຂອງແຕ່ລະໝວດ, ແຕ່ລະມາດຕາ ໃຫ້ລະອຽດ, ສົມບູນ ເພື່ອເຮັດໃຫ້ຮ່າງດໍາລັດດັ່ງກ່າວໄດ້ຮັບຜົນສໍາເລັດຕາມລະດັບຄາດໝາຍທີ່ວາງໄວ້.

 

ຂຽນຂ່າວໂດຍ: ພະແນກໂຄສະນາ ແລະ ຂ່າວສານ

 

ຕິດຕາມຊ່ອງທາງ ຢູທູບ
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ