Get Adobe Flash player

ເຈົ້າຄອງ ນະຄອນຫຼວງວຽງຈັນລົງຊຸກຍູ້ການຜະລິດກະສິກໍາລະດູແລ້ງ

IMG_2745

ວັນທີ 24 ຕຸລາ 2019 ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງເຄື່ອງໄຫວຊຸກຍູ້ການຜະລິດລະດູແລ້ງ ຂອງກຸ່ມຜະລິດກະສິກໍາອິນຊີ ທີ່ບ້ານໂນນແຕ້ ເມືອງໄຊທານີ ນະຄອນຫຼວງວຽງຈັນ ໂດຍການຕ້ອນຮັບຂອງທ່ານ ຄໍາປະດິດ ເຂັມມານິດ ເຈົ້າເມືອງ,ເມືອງ ໄຊທານີ ມີທ່ານ ພວງປາຣິສັກ ປຣະວົງວຽງຄໍາ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍບັນດາຕາງໜ້າຈາກພະແນກການກ່ຽວຂ້ອງ ກຸ່ມຜະລິດກະສິກໍາອິນຊີ ແລະ ແຂກຮັບເຊີນເຂົ້າຮ່ວມ.

ທ່ານ ຫຼ້າສາຍ ນວນທາສິງ ຫົວໜ້າພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນລາຍງານກ່ຽວກັບການຈັດຕັ້ງປະຕິບັດແຜນການປູກພືດປະຈໍາປີ 2019 ແລະ ແຜນການຜະລິດລະດູແລ້ງ 2020 ໃຫ້ຮູ້ວ່າ: ໃນປີ 2019 ນະຄອນຫຼວງ ໄດ້ປັກດໍາເຂົ້າທັງໝົດ 66 ພັນກວ່າເຮັກຕາ ເທົ່າກັບ 97% ຂອງເນື້ອທີ່ການຜະລິດໝົດປີ ຄາດວ່າຈະສາມາດສະໜອງເຂົ້າໃຫ້ໄດ້ 302.565 ໂຕນ, ສະເລ່ຍໃສ່ຫົວຄົນ 287 ກິໂລຕໍ່ຄົນຕໍ່ປີ ຖ້າທຽບໃສ່ແຜນການບໍລິໂພກ 250 ກິໂລຕໍ່ຄົນຕໍ່ປີ ຈະມີເຂົ້າເຫຼືອແຮໄວ້ ແລະ ຈໍລະຈອນຕະຫຼາດ ປະມານ 55.100 ໂຕນ, ການປູກຜັກປະຕິບັດໄດ້ 112 ພັນກວ່າໂຕນ ທຽບໃສ່ແຜນການປະຕິບັດໄດ້ 99%  ຜະລິດໄມ້ໃຫ້ໝາກ ປະຕິບັດໄດ້ 26 ພັນກວ່າໂຕນ ແລະ ປູກພືດອຸດສາຫະກໍາ ໄດ້ 4 ພັນກວ່າເຮັກຕາ. ນອກນັ້ນຍັງມີເນື້ອທີ່ສວນຢາງພາລາ 3.670 ເຮັກຕາ ສາມາດກີດຢາງໄດ້ແລ້ວ 5.764 ໂຕນ ຜົນຜະລິດຢາງກ້ອນ 16 ພັນກວ່າໂຕນຕໍ່ປີ, ຜະລິດທາດຊີ້ນປາ ສາມາດປະຕິບັດໄດ້ 60 ພັນກວ່າໂຕນ ເທົ່າກັບ 99,89% ຂອງແຜນການ. ອັນພົ້ນເດັ່ນກວ່າໝູ່ແມ່ນໂຄງການປູກຜັກອິນຊີ ສາມາດຜະລິດຜັກອິນຊີໄດ້ 3.000 ໂຕນ ໃນນັ້ນຂາຍໃນຕະຫຼາດນັດພືດຜັກອິນຊີໃນປີ 2019 ໄດ້ 1.500 ກວ່າໂຕນ ມູນຄ່າການຂາຍປະມານ 7,6 ຕື້ກີບ ເຊິ່ງຂາຍຢູ່ 6 ຈຸດ ໄດ້ຊ່ວຍແກ້ໄຂຄວາມທຸກຍາກ ແລະ ສ້າງລາຍຮັບໃຫ້ຊາວກະສິກອນໄດ້ເປັນຢ່າງດີ.

ໃນກອງປະຊຸມຄະນະຮັບຜິດຊອບຊ່ວຍວຽກສະເພາະກິດສົ່ງເສີມການຜະລິດ ແລະ ການຊົມໃຊ້ຜະລິດຕະພັນພາຍໃນ ແລະ ການຄຸ້ມຄອງສິນຄ້າອຸປະໂພກ ກະຊວງກ່ຽວຂ້ອງ ແລະ ຕາງໜ້າກຸມປູກຜັກອິນຊີ ໄດ້ຜັດປ່ຽນກັນສະເໜີປະກອບຄໍາເຫັນຕໍ່ວຽກງານປູກຜັກອິນຊີ ຫຼັງຈາກນັ້ນກໍ່ໄດ້ຮັບຟັງການໂອ້ລົມຂອງທ່ານເຈົ້າຄອງນະຄອນຫຼວງວຽງຈັນ ເຊິ່ງທ່ານໄດ້ສະເໜີໃຫ້ເອົາໃຈໃສ່ຊຸກຍູ້ການຜະລິດກະສິກໍາໃຫ້ເປັນລັກສະນະຮູບປະທໍາ ໂດຍສຸມໃສ່ການຜະລິດລະດູແລ້ງ ເພື່ອສະໜອງໃຫ້ແກ່ຂົງເຂດທີ່ໄດ້ຮັບຜົນກະທົບເພື່ອຄໍ້າປະກັນທາງດ້ານສະບຽງອາຫານ ແລະ ເນັ້ນໃສ່ການຜະລິດກະສິກໍາສະອາດ ສີຂຽວ ໃຫ້ຂະແໜງການທີ່ກ່ຽວຂ້ອງສືບຕໍ່ແກ້ໄຂ ລະບົບຊົນລະປະທານ ເພື່ອສະໜອງນໍ້າໃຫ້ແກ່ການຜະລິດໃຫ້ທັນກັບລະດູການ ໂດຍສະເພາະແມ່ນການຜະລິດລະດູແລ້ງທີ່ຈະມາເຖິງນີ້.

ພາບແລະຂ່າວໂດຍ: ພະແນກໂຄສະນາແລະຂ່າວສານ

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ