Get Adobe Flash player

ລັດຖະມົນຕີກະຊວງກະສິກໍາ ແລະປ່າໄມ້ ຕ້ອນຮັບທູດຍີ່ປຸ່ນຄົນໃໝ່

 

IMG_2787

ເພື່ອສືບຕໍ່ສາຍພົວພັນການຮ່ວມມືລະຫວ່າງ ລາວ-ຍີ່ປຸ່ນ ໃຫ້ມີບາດກ້າວຂະຫຍາຍຕົວ ໃນວັນທີ 31 ຕຸລາ 2019 ທ່ານ ປອ. ລຽນ ທີແກ້ວ ລັດຖະມົນຕີກະຊວງກະສິກໍາ ແລະປ່າໄມ້ ໄດ້ໃຫ້ກຽດຕ້ອນຮັບ ການພົບປະ ຂອງທ່ານ ເກ້ອິໂຊ ຖາເກ້ກະວະ ເອກອັັກຄະລັດຖະທູດ ຍີ່ປຸ່ນ ປະຈໍາລາວ ຄົນໃໝ່. ພ້ອມນີ້ມີຜູ້ແທນທັງສອງຝ່າຍເຂົ້າຮ່ວມ.

ຈຸດປະສົງການພົບປະໃນຄັ້ງນີ້, ເພື່ອລາຍງານຕົວກ່ຽວກັບການມາຮັບໜ້າທີ່ເປັນເອກອັັກຄະລັດຖະທູດ ຍີ່ປຸ່ນ ປະຈໍາລາວ ຄົນໃໝ່. ໂອກາດນີ້, ທັງສອງຝ່າຍໄດ້ພົບປະຫາລືກ່ຽວກັບສາຍພົວພັນວຽກງານການຮ່ວມມືໃນໄລຍະຜ່ານມາ ເປັນຕົ້ນແມ່ນວຽກງານການຮ່ວມມືໃນຂະແໜງກະສິກໍາ ແລະປ່າໄມ້, ຊື່ງໃນປີ 2020 ທີ່ຈະມາເຖິງນີ້ ແມ່ນວັນຄົບຮອບການສ້າງສາຍພົວພັນທາງການທູດ ລະຫວ່າງ ລາວ-ຍີ່ປຸ່ນ ຄົບຮອບ65 ປີ. ນອກນັ້ນ, ຕະຫຼອດໄລຍະຜ່ານມາ ກໍຄືປັດຈຸບັນ ລັດຖະບານຍີ່ປຸ່ນ ໄດ້ເອົາໃຈໃສ່ໃນການຊ່ວຍເຫຼືອ ສປປ ລາວ ຫຼາຍດ້ານ,ຫຼາຍຮູບແບບເຊັ່ນ: ຮູບແບບການລົງທຶນ, ໂຄງການ ແລະ ໃຫ້ການຊ່ວຍເຫຼືອຫຼ້າ. ເນື່ອງໃນໂອກາດການພົບປະໃນຄັ້ງນີ້, ທ່ານ ປອ. ລຽນ ທີແກ້ວ ລັດຖະມົນຕີກະຊວງກະສິກໍາ ແລະປ່າໄມ້ ໄດ້ສະແດງຄວາມຍ້ອງຍໍຊົມເຊີຍ ແລະຍິນດີຕໍ່ການໄດ້ຮັບຕໍາແໜ່ງໃໝ່ຂອງທ່ານທູດ ພ້ອມທັງ, ໄດ້ສະເໜີໃຫ້ສືບຕໍ່ວຽກງານການພົວພັນຮ່ວມມືໃນຂະແໜງການກະສິກໍາ ແລະປ່າໄມ້ ເປັນຕົ້ນ: ວຽກງານສະໜອງແນວພັນພືດທີ່ດີ, ວຽກງານພັດທະນາແນວພັນປາ ແລະ ການພັດທະນາກະສິກໍາ-ປ່າໄມ້ ແບບຍືນຍົງ, ເພື່ອນໍາມາປັບປຸງຊີວິດການເປັນຢູ່ ຂອງຊາວກະສິກອນ ລາວ ໃຫ້ມີຮູບແບບການຜະລິດສິນຄ້າກະສິກໍາທີ່ຫຼາກຫຼາຍໃນຕໍ່ໜ້າ.

ພາບແລະຂ່າວໂດຍ: ພະແນກໂຄສະນາແລະຂ່າວສານ

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ