Get Adobe Flash player

ພິທີສະເຫຼີມສະຫຼອງວັນອາຫານໂລກ, ວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ປະຈໍາປີ 2019

DSC_5140

ເພື່ອສືບຕໍ່ການຮ່ວມມືກັບບັນດາປະຊາຊາດໃນໂລກພ້ອມກັນສົ່ງແຮງໃຈແລະສະໜັບສະໜູນໄປເຖິງຜູ້ທຸກຍາກແລະ ຜູ້ອຶດຫິວ,ຄົ້ນຄ້ວາຊອກຫາວິທີການແລະ ມາດຕະການເພື່ອສູ້ຊົນຈັດຕັ້ງຜັນຂະຫຍາຍເນື້ອໃນຄໍາຂວັນຂອງ 3 ວັນດັ່ງກ່າວໃຫ້ປະກົດຜົນເປັນຈິງ. ໃນວັນທີ 16 ຕຸລາ 2019 ກະ ຊວງກະສິກໍາ ແລະ ປ່າໄມ້ ຮ່ວມກັບ ອົງການສະຫະປະຊາຊາດ ໄດ້ຈັດພິທີສະເຫຼີມສະຫຼອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ປະຈໍາປີ 2019 ຂຶ້ນ ຢູ່ທີ່ສູນການຄ້າ ລາວ-ໄອເຕັກ, ນະຄອນຫຼວງວຽງຈັນ ໂດຍການໃຫ້ກຽດເຂົ້າຮ່ວມຂອງທ່ານປອ. ລຽນທີແກ້ວລັດຖະມົນຕີກະຊວງກະສິກຳແລະປ່າໄມ້, ທ່ານ ນາງຊາຣາເຊັກເກັນສ, ຜູ້ປະສານງານອົງການສະຫະປະຊາຊາດປະຈໍາສປປລາວ, ພ້ອມນີ້ມີ ທ່ານ ຮອງເຈົ້າຄອງນະຄອນຫຼວງວຽງຈັນ, ທ່ານ ຮອງລັດຖະມົນຕີກະຊວງກະສິກໍາ ແລະປ່າໄມ້, ຜູ້ຕາງໜ້າຈາກອົງການອາຫານແລະການກະເສດປະຈຳລາວ, ອົງການເພື່ອການພັດທະນາຂອງສະຫະປະຊາຊາດປະຈໍາລາວແລະ ບັນດາເອກະອັກຄະລັດຖະທູດ, ທູຕານຸທູດ, ​ແລະຄູ່​ຮ່ວມ​ພັດທະນາພ້ອມດ້ວຍແຂກທີ່ຖືກເຊີນເຂົ້າຮ່ວມຢ່າງເປັນຂະບວນຟົດຟື້ນ.

ທ່ານປອ. ລຽນທີແກ້ວລັດຖະມົນຕີກະຊວງກະສິກຳແລະປ່າໄມ້ ໄດ້ກ່າວບົດປາໄສວ່າ: ການ​ສະ​ເຫຼີ​ມສະຫລອງ​ວັນອາຫານ​ໂລກປີ 2019 ນີ້ ແມ່ນຄົບຮອບ 39 ປີ ພາຍ​ໃຕ້ຄຳ​ຂວັນ: “ການກະທຳຂອງພວກເຮົາ ຄືອະນາຄົດຂອງພວກເຮົາ, ສົ່ງເສີມການກິນອາຫານທີ່ດີມີຄຸນຄ່າຕໍ່ສຸຂະພາບເພື່ອການລຶບລ້າງຄວາມອຶດຫິວໃນໂລກ”; ການລະນຶກວັນ​ສາກົນ​ລຶບລ້າງ​ຄວາມທຸກ​ຍາກ ແມ່ນຄົບຮອບ 27 ປີ ​ພາຍ​ໃຕ້ຄຳ​ຂວັນ: “ຮ່ວມກັນສ້າງຄວາມເຂັ້ມແຂງໃຫ້ກັບເດັກນ້ອຍ, ຄອບຄົວ ແລະ ຊຸມຊົນເພື່ອລຶບລ້າງຄວາມທຸກຍາກ”ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ຄົບຮອບ 16 ປີ ພາຍໃຕ້ຄໍາຂວັນ: “ແຂ່ງຂັນຮັກຊາດ ແລະ ພັດທະນາຊົນນະບົດ ເພື່ອແກ້ໄຂຄວາມທຸກຍາກຂອງປະຊາຊົນ”.ການສະ​ເຫລີ​ມສະຫລອງ 3 ວັນດັ່ງກ່າວ ໃນປີນີ້​ແມ່ນດໍາເນີນໄປ​ຢູ່​ໃນ​ເງື່ອນ​ໄຂ​ທີ່ປະເທດເຮົາ ໄດ້ມີຜົນສຳເລັດເບື້ອງຕົ້ນໃນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ, ຄຽງຄູ່ກັນນັ້ນຫຼາຍປະເທດກໍ່ໄດ້ຖືກຜົນກະທົບຈາກໄພພິບັດຕ່າງໆຢ່າງໜັກໜ່ວງ ຊຶ່ງໄດ້ກາຍເປັນອຸປະສັກຕໍ່ການສູ້ຊົນບັນລຸຄາດໝາຍໃນການລຶບລ້າງຄວາມທຸກຍາກ ແລະ ໄພອຶດຫິວຂອງໂລກທີ່ວາງໄວ້ໃຫ້ສຳເລັດໂດຍພື້ນຖານໃນປີ 2030.ເພື່ອເຮັດໃຫ້ພິທີດັ່ງກ່າວມີຄວາມໝາຍສໍາຄັນ ຄະນະປະທານໄດ້ໃຫ້ກຽດຕັດແຖບຜ້າ ແລະ ລັ່ນຄ່ອງເກົ້າບາດ ເພື່ອເປີດງານຢ່າງເປັນທາງການ. ໂອກາດດຽວກັນນີ້, ຄະນະປະທານພ້ອມດ້ວຍແຂກທີ່ເຂົ້າຮ່ວມ ຍັງໄດ້ເລາະທ່ຽວຊົມການວາງສະແດງສິນຄ້າພາຍໃນງານ ຊື່ງມີຮ້ານຄ້າວາງສະແດງສິນຄ້າຫລາຍກວ່າ 100 ຮ້ານ ເຂົ້າຮ່ວມ ເພື່ອວາງສະເເດງໃຫ້ຂໍ້ມູນ ແລະ ຄວາມຮູ້ທີ່ໜ້າສົນໃຈກ່ຽວກັບ ຄວາມໝັ້ນຄົງທາງດ້ານສະບຽງອາຫານ, ອາຫານທີ່ດີຕໍ່ສຸຂະພາບ, ອາຫານທີ່ມີໂພຊະນາການ ແລະ ອາຫານທີ່ມີຄວາມຍືນຍົງອີກດ້ວຍ.

ພາບແລະຂ່າວໂດຍ: ພະແນກໂຄສະນາແລະຂ່າວສານ

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ