Get Adobe Flash player

ພິທີມອບ-ຮັບໜ້າທີ່ຫົວໜ້າກອງຄຸ້ມຄອງອຸທິຍານແຫ່ງຊາດ ນາກາຍ-ນໍ້າເທີນ

 

_MG_6397

        ອົງການ​ຄຸ້ມ​ຄອງ ​ແລະ ປົກ​ປັກຮັກສາ​ເຂດ​ແຫຼ່ງນໍ້າ ນ້ຳ​ເທີນ 2 (ອຄປ​.ທ2) ​ແມ່ນ​ຄະນະຮັບຜິດ​ຊອບສະ​ເພາະໜຶ່ງ ທີ່​ໄດ້ຮັບການສ້າງຕັ້ງຂຶ້ນ​ໂດຍ​ລັດຖະບານ ​ເຊິ່ງມີ​ພາລະ​ບົດບາດ​ໃນ​ການ​ຄຸ້ມ​ຄອງ, ປົກ​ປັກຮັກສາ ​ແລະ ພັດທະນາ​ ອຸທິຍານ​ແຫ່ງ​ຊາດ​ນາ​ກາຍ-ນ້ຳ​ເທີນ ​ແລະ ເຂດ​ແຫຼ່ງນໍ້າ ນ້ຳ​ເທີນ 2 ​ໃຫ້​ມີ​ຄວາມ​ອຸດົມສົມບູນ ​ແລະ ຍືນ​ຍົງ. ອົງການ ອຄປ.ທ2 ປະກອບ​ມີ 5 ວຽກງານ​ຫຼັກຄື: ບໍລິຫານ-ການ​ເງິນ​ ​ແລະ ​ແຜນການ; ການ​ຄຸ້ມ​ຄອງ-ປົກ​ປັກຮັກສາ, ການ​ປະຕິບັດ​ລະບຽບການ; ການ​ສຶກສາຄົ້ນຄວ້າ ​ແລະ ຕິດຕາມ​ຊີວະ​ນາໆພັນ; ການ​ມີ​ສ່ວນຮ່ວມ ​ແລະ ພັດທະນາ​ຊີວິດ​ການ​ເປັນ​ຢູ່​ຂອງ​ຊຸມ​ຊົນ; ການ​ໂຄສະນາ​ສ້າງ​ຈິດ​ສຳ ນຶກ​ດ້ານ​ການ​ອະນຸລັກ.

       IMG_9100

        ຜ່ານ​ການຈັດຕັ້ງປະຕິບັດ​ວຽກງານຂອງ ອຄປ.ທ2 ໃນ​ຊຸມ​ປີຜ່ານມາ (2016-2019) ກໍ່ມີຫຼາຍ ດ້ານ​ທີ່​ພົ້ນ​ເດັ່ນ​ເຊັ່ນ: ດ້ານ​ວຽກງານ​ບໍລິຫານ: ​ໄດ້​ມີ​ການ​ປັບປຸງ​ນິຕິ​ກຳ​ຂອງ​ອົງການ, ປັບປຸງ​ກົງຈັກ​ການຈັດ​ຕັ້ງ, ສ້າງ​ແຜນ​ດຳ​ເນີນ​ງານ​ສະບັບ​ທີ 3 ຫຼື​ແຜນການ 5 ປີ ​ແລະ ​ໄດ້​ຄຸ້ມ​ຄອງ​ທຶນ​ຢ່າງ​ມີ​ລະບຽບ ​ແລະ ​ໂປ່​ງ​ໃສ; ດ້ານ​ວິຊາ​ສະ​ເພາະ​ເຊັ່ນ: ການ​ຄຸ້ມ​ຄອງ, ປົກ​ປັກຮັກສາ ​ແລະ ການ​ປະຕິບັດ​ລະບຽບການ ​ໄດ້​ສຸມ​ໃສ່​ວຽກງານ​ກວດກາ​ລາດຕະ​ເວນ ​ແລະ ປະຕິບັດ​ລະບຽບການ; ວຽກງານ​ສຶກສາຄົ້ນຄວ້າ ​ແລະ ຕິດຕາມ​ຊີວະ​ນາໆພັນ ​ໄດ້​ສືບຕໍ່​ໂຄງການ​ສຳຫຼວດກັບ​ມະຫາວິທະຍາ​ໄລ​ແຫ່ງ​ຊາດ​ລາວ, ສະ​ຖາ​ບັນ​ຕ່າງປະ​ເທດ, ບໍລິສັດ​ໄຟຟ້າ​ນ້ຳ​ເທີນ 2 ​ໂດຍ​ໄດ້​ຊຸກຍູ້ ​ແລະ ສົ່ງ​ເສີມ ການ​ສຳຫຼວດດ້ານ​ວິທະຍາສາດ, ວິຊາ​ການ ​ແລະ ການ​ເກັບ​ກຳ​ຂໍ້​ມູນ ​ໃນ​ເຂດ​ແຫຼ່ງນໍ້າ ນ້ຳ​ເທິ​ນ 2; ວຽກງານ​ພັດທະນາ​ຊີວິດ​ການ​ເປັນ​ຢູ່​ຂອງ​ປະຊາຊົນ ​ໄດ້​ສືບຕໍ່ຊຸກຍູ້​ຊີວິດ​ການ​ເປັນ​ຢູ່​ຂອງ​ປະຊາຊົນ  ທີ່​ອາ​ໃສ​ຢູ່​ໃນ ​ແລະ ອ້ອມຮອບ​ເຂດ​ແຫຼ່ງນໍ້າ ນ້ຳ​ເທີນ 2 ດ້ວຍ​ການຝຶກ​ອົບຮົມ ​ແລະ ທົບ​ທວນ​ແຜນການ​ນຳ​ໃຊ້​ທີ່​ດິນ​ຂອງ​ບ້ານ; ວຽກງານ​ໂຄສະນາ​ເຜີຍ​ແຜ່: ສຳ​ເລັດ​ການ​ອອກ​ແບບ, ຜະ ລິດ ​ແລະ ຕິດຕັ້ງ ​ແຜ່ນ​ປ້າຍ​ເຂດ​ແຫຼ່ງນໍ້າ ນ້ຳ​ເທີນ 2 ຄືນ​ໃໝ່, ລົງ​ໂຄສະນາ​ເຜີຍ​ແຜ່​ນິຕິ​ກຳ​ຂອງ​ ອຄປ.ທ2 ​ແລະ ອົງ ການ​ປົກຄອງ​ທ້ອງ​ຖິ່ນຢູ່ 3 ​ເຂດ​ເທິງ ​ແລະ ​ເຂດ​ອ້ອມຮອບ, ຮ່າງຍຸດ​ທະ​ສາດວຽກງານ​ໂຄສະນາ​ຂອງ​ອົງການ.

​        ​ໃນ​ວັນ​ທີ 25 ກັນຍາ 2019 ຢູ່​ທີ່​ຫ້ອງການ​ກະຊວງ​ກະສິກຳ ​ແລະ ປ່າ​ໄມ້ ​ໄດ້​ຈັດ​ພິທີ​ມອບ-ຮັບ ໜ້າທີ່ຫົວໜ້າກອງ​ຄຸ້ມ​ຄອງ​ອຸທິຍານ​ແຫ່ງ​ຊາດນາ​ກາຍ-ນໍ້າ​ເທີນ ລະຫວ່າງ ທ່ານ ທອງ​ແອັດ ​ໄພ​ວັນ ຮັກສາ​ການ​ຫົວໜ້າກອງ ອຄປ.ທ2 ​ແລະ ທ່ານ ສະຫວັນ ຈັນທະ​ກຸມມານ ຫົວໜ້າກອງ​ຄຸ້ມ​ຄອງ​ອຸທິຍານ​ແຫ່ງ​ຊາດ ນາ​ກາຍ-ນໍ້າ​ເທີນ ​ໂດຍ​ການ​ເປັນ​ປະທານ​ຂອງ​ທ່ານ ທອງ​ພັດ ວົງ​ມະນີ ຮອງລັດ ຖະມົນຕີ​ກະຊວງ​ກະສິກຳ ​ແລະ ປ່າ​ໄມ້, ເຊິ່ງມີພາກສ່ວນ​ທີ່​ກ່ຽວຂ້ອງ​ຈາກສູນກາງ ​ແລະ ທ້ອງ​ຖິ່ນ, ​ແຂກ​ທີ່​ຖືກ​ເຊີນ​ເຂົ້າຮ່ວມ​ເປັນ​ສັກຂີ​ພະຍານ.

                                                                                                               ​ໂດຍ: ​ເຂັມ​ມະ​ໄລ ສົນ​ດາ​ວັນ.

                                                        ກວດ​ແກ້: ​ເຂັມ​ພອນ ທິພົມມະຈັນ.

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ