Get Adobe Flash player

ພິທີມອບ-ຮັບການນໍາໃຊ້ຈັກສູບນໍ້າໂຄງການ ຊົນລະປະທານດົງໂພສີ

IMG_9915 - Copy

ໃນ​ວັນ​ທີ 4 ພະຈິກ 2019 ທີ່​ຜ່ານ​ມາຢູ່​ທີ່​ໂຄງການ​ຊົນ​ລະ​ປະທານ​ດົງ​ໂພ​ສີ. ພະ​ແນ​ກກະສິກຳ ​ແລະ ປ່າ​ໄມ້ ນະຄອນຫຼວງ​ວຽງ​ຈັນ​, ​ໄດ້​ຈັດ​ພິທີ​ມອບ-ຮັບ​ການ​ນໍາ​ໃຊ້​ຈັກສູບ​ນໍ້າ​ໂຄງການ ຊົນລະປະທານ​ດົງ​ໂພ​ສີ, ທ່າ​ພະ-ໜອງ​ພົງ. ​ເຊີ່ງ​ໂຄງການ​ດັ່ງກ່າວ​ແມ່ນ​ໂຄງການ​ຮ່ວມ​ມື​ແບບ​ພິ​ເສດ​ລະຫວ່າງ 2 ລັດຖະບານ ສ.ສ. ຫວຽດນາມ ​ແລະ ສປປ ລາວ. ​ໂຄງການ​ແມ່ນ​ໄດ້​ກໍ່ສ້າງ​ໃນ​ປີ 2000 ​ແລະ ສໍາ​ເລັດ​ໃນ​ປີ 2005 ລວມມູນ​ຄ່າ​ທັງ​ໝົດ 138 ຕື້​ດົ້ງຫວຽດນາມ, ຍ້ອນ​ສະພາບ​ຫົວ​ງານ​ຖືກ​ຕະກອນ​ດິນ​ທັບ​ຖົມ ​ແລະ ​ເຄື່ອງ​ຈັກ​ເປ​ເພ ປີ 2018 ກະຊວງ​ກະສິກຳ ​ແລະ ປ່າ​ໄມ້ ຈື່ງ​ຂໍ​ໃຫ້​ລັດຖະບານ ສສ ຫວຽດນາມ​ຊ່ວຍ​ປັບປຸງ​ຫົວ​ງານ​ທັງ 2 ​ແຫ່ງ ຄືນ​ໃໝ່​ມູນ​ຄ່າທັງ​ໝົດ 68 ຕື້ກ່ວາດົ້ງ, ​ໃນ​ນີ້​ເປັນ​ທືນຊ່ວ​ຍ​ເຫລືອ​ລ້າ​ຂອງ​ລັດຖະບານ ສສ ຫວຽດນາມ ຈໍານວນ 61 ຕື້ກວ່າ ດົ້ງ ​ແລະ ທືນສົມທົບ​ຈາກ​ລັດຖະບານ ສປປ ລາວ ຈໍານວນ 7 ຕື້ກວ່າ ດົ້ງ ​ເຊື່​ງ​ໄດ້​ປັບປຸງ​ລະບົບ​ຫົວ​ງານ, ປ່ຽນ​ຖ່າຍ​ໂປ້​ມນໍ້າ, ລະບົບ​ໄຟຟ້າ ​ແລະ ຕູ້​ຄວບ​ຄຸມ​ບັນຊາ​ທີ່​ທັນ​ສະ​ໄໝ​ໂດຍ​ແມ່ນ​ບໍລິສັດ ວິນາ​ໂກ້ ​ແລະ ບໍລິສັດ ຫາຍ​ເຍື່ອງ ຂອງ ສາທາລະນະລັດ ສັງຄົມນິຍົມ ຫວຽດນາມ ​ເປັນ​ຜູ້​ຮັບ​ເໝົາ​ກໍ່ສ້າງ, ມາ​ຮອດ​ມື້​ນີ້​ແມ່ນ​ສໍາ​ເລັດ 100% ​ແລະ ຈະ​ສາມາດ​ສະໜອງ​ນໍ້າ​ຮັບ​ໃຊ້​ການ​ປູກ​ເຂົ້ານາ​ແຊງ ສົກ​ປີ 2019-2020 ​ໄດ້ 555 ​ເຮັກຕາ. ​ເປັນ​ກຽດ​ເຂົ້າຮ່ວມ​ໃນ​ພິທີ​ໃນ​ຄັ້ງນີ້​ໂດຍ​ທ່ານ ຄໍາ​ພັນ ມາລາ​ບັນດິດ ຄະນະ​ປະ​ຈໍາ​ພັກ​ນະຄອນຫຼວງ​ວຽງ​ຈັນ, ທ່ານ ທອງ​ພັດ ວົງ​ມະນີ ຮອງ​ລັດຖະມົນຕີ​ກະຊວງ​ກະສິກຳ ​ແລະ ປ່າ​ໄມ້, ທ່ານ ບຸນ​ຄໍາ ສີດາ​ວົງ ຫົວໜ້າ​ກົມ​ຊົນລະປະທານ, ທ່ານ​ ຄໍາ​ແກ່ງ ດວງ​ພະຈັນ ຮອງ​ເຈົ້າ​ເມືອງ ​ເມືອງ ຫາດ​ຊາຍ​ຟອງ, ທ່ານ ດັ່ງ ​ເຢີ​ດ​ເຕີ່ນ ຕາງໜ້າ​ສະຫະ​ກົມ​ຊົນລະປະທານ ສສ ຫວຽດນາມ ພ້ອມ​ດ້ວຍ​ບັນດາ​ແຂກ​ທີີ່ຖືກ​ເຊີນ​ເຂົ້າຮ່ວມ. ​ໃນ​ພິທີ​ອັນ​ມີ​ຄວາມ​ໝາຍ​ຄວາມ​ສໍາຄັນ​ໃນ​ຄັ້ງນີ້ ​ໄດ້​ມີ​ການ​ເຊັນ​ມອບ-ຮັບ​ໂຄງການ ລະຫວ່າງ ທ່ານ ຫລ້າ​ສາຍ ນວນ​ທາສີ ຫົວໜ້າ​ພະ​ແນ​ກກະສິກຳ ​ແລະ ປ່າ​ໄມ້ ນະ​ຄອນ​ຫຼວງ​ວຽງ​ຈັນ ​ແລະ ທ່ານ ຟາ​ມ ດິງວັນ ຕາງໜ້າ​ບໍລິສັດ​ຜູ້​ຮັບ​ເໝົາ​ໂຄງການ, ​ການ​ເຊັນ​ມອບ-ຮັບ ລະຫວ່າງ ທ່ານ ບຸນ​ຄໍາ ສີດາ​ວົງ ຫົວໜ້າ​ກົມ​ຊົນລະປະທານ ​ແລະ ທ່ານ ດັ່ງ ​ເຢີ​ດ​ເຕີ່ນ ຕາງໜ້າ​ສະຫະ​ກົມ​ຊົນລະປະທານ ສສ ຫວຽດນາມ ​​ໃຫ້​ກຽດ​ເປັນ​ສັກຂີ​ພະຍານ​ໂດຍ​ຄະນະ​ປະທານ ພ້ອມ​ດ້ວຍ​ຕັດ​ແຖບ​ຜ້າ ​ແລະ ລັ່ນຄ້ອງ 9 ບາດ ​ເພື່ອ​ເປັນ​ສິຣິມຸງຄຸນ​ໃນ​ວັນ​ເປີດ​ນໍ້າ​ຊົນລະປະທານ​ແຫ່ງ​ຊາດ ​ແລະ ຂະ​ບວນການ​ຜະ​ລິດ​ລະດູ​ແລ້ງ ສົກປີ 2019-2020.

ພາບແລະຂ່າວໂດຍ: ພະແນກໂຄສະນາແລະ ຂ່າວສານ

 

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ