Get Adobe Flash player

ປະທານາທິບໍດີ ແຫ່ງ ສ. ຮົງກາລີ ລົງຢ້ຽມຢາມບໍລິສັດ ເອດີຊີ ພັດທະນາການປະມົງ

IMG_20191025_151532

ໃນທ້າຍອາທິດຜ່ານມາ, ທ່ານ ຢາໂນສ ອາແດຣ ປະທານາທິບໍດີ ແຫ່ງ ສ. ຮົງກາລີ ພ້ອມດ້ວຍພັນລະຍາ ໄດ້ລົງຢ້ຽມຢາມບໍລິສັດ ເອດີຊີ ພັດທະນາການປະມົງ ອ່າງນໍ້າຫຸມ, ເມືອງນາຊາຍທອງ, ນະຄອນຫຼວງວຽງຈັນ ໃຫ້ກຽດການຕ້ອນຮັບໂດຍທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກໍາ ແລະປ່າໄມ້. ມີຫົວໜ້າກົມລ້ຽງສັດ ແລະການປະມົງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດນີ້ ຕາງໜ້າ ບໍລິສັດ ເອດີຊີ ພັດທະນາການປະມົງ ໄດ້ລາຍງານໃຫ້ຮູ້ກ່ຽວກັບປະຫວັດຄວາມເປັນມາ, ສະພາບຈຸດພິເສດ ແລະທີ່ຕັ້ງຂອງ ບໍລິສັດ. ໂດຍສ້າງຕັ້ງຂຶ້ນໃນປີ 2015 ເປັນ ບໍລິສັດ ຮ່ວມທຶນ ລາວ-ຮົງກາລີ ບໍລິສັດແມ່ຂອງ ເອດີຊີ ຮົງກາລີ ແມ່ນ ບໍລິສັດ ອາອານປອຍ ຈໍາກັດ ໜຶ່ງໃນບັນດາຜູ້ຜະລິດສັດນໍ້າເອກະຊົນ ທີ່ໃຫຍ່ທີ່ສຸດໃນ ຮົງກາລີ ມີປະສົບການຫຼາຍກວ່າ 30 ປີ ໃນການຜະລິດປານໍ້າຈືດ. ຟາມລ້ຽງປານໍ້າຫຸມ ໄດ້ຈັດການ ແລະດໍາເນີນງານໂດຍ ບໍລິສັດ ເອດີຊີ ຊື່ງເປັນບໍລິສັດພັດທະນາສັດນໍ້າ ທີ່ຂື້ນກັບ ສັນຍາ ການຮ່ວມມືດ້ານວິຊາການ ແລະ ການພັດທະນາການປະມົງ ລະຫວ່າງ ພະແນກກະສິກໍາ ແລະ ປ່າໄມ້ ນະຄອງຫຼວງວຽງຈັນ ແລະ ບໍລິສັດ ເອດີຊີ ພັດທະນາການປະມົງ. ວຽກງານຕົ້ນຕໍຂອງຟາມ ແມ່ນແນໃສ່ຜະລິດແນວພັນປາ ເພື່ອສະໜອງລູກປາທີ່ປອດໄພ, ແຂງແຮງດີ ແລະ ຜະລິດຢູ່ພາຍໃນເອງ ໃຫ້ແກ່ຊາວກະສິກອນຢູ່ທ້ອງຖິ່ນ ແລະບັນດາຟາມລ້ຽງປາ ພາຍໃນນະຄອນຫຼວງ ແລະຕ່າງແຂວງ ໃນລາຄາທີ່ເໝາະສົມ. ໂອກາດນີ້, ບັນດາຜູ້ແທນ ຍັງໄດ້ລົງພື້ນທີ່ ສໍາຫຼວດ ແລະ ຕິດຕາມການ ຜະລິດລູກປາ ແລະ ວິທີການລ້ຽງປາພາຍໃນຟາມດັ່ງກ່າວ.

ພາບແລະຂ່າວໂດຍ: ພະແນກໂຄສະນາແລະຂ່າວສານ

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ