Get Adobe Flash player

ກອງປະຊຸມ ກ່ຽວກັບນະໂຍບາຍນະໂຍບາຍການຄໍ້າປະກັນສະບຽງອາຫານ ແລະ ງານວາງສະແດງສິນຄ້າ ຂອງບັນດາປະເທດ GMS

2 3

ໂດຍຕອບສະໜອງຕາມ ການເຊື້ອເຊີນ ຂອງ ທະນາຄານ​ພັດທະນາອາຊີ (ADB) ​ປອ. ພວງປາຣິສັກ ປຣະວົງວຽງຄຳ, ຮອງລັດຖະມົນຕີກະຊວງກະສິ ກຳ ແລະ ປ່າໄມ້ ພ້ອມດ້ວຍຄະນະ ໄດ້ເຂົ້າ​ຮ່ວມກອງ​ປະຊຸມປຶກສາຫາລື ກ່ຽວກັບ ນະ​ໂຍບາຍ ໃນການ​ຄໍ້າປະກັນ​ສະບຽງ​ອາຫານ-​ການເຂົ້າ​ເຖິງ​ຕະຫຼາດ, ກອງປະຊຸມຄວາມປອດໄພດ້ານອາຫານໂລກ ​ແລະ ງານ​ວາງສະ​ແດງສິນຄ້າກະສິກຳ THAIFEX-World, ຊຶ່ງ​ໄດ້ຈັດ​ຂື້ນໃນ​ລະຫວ່າງວັນ​ທີ 31 ພຶດສະພາ ຫາ​ວັນ​ທີ 1 ມີ​ຖຸນາ 2017, ຢູ່ທີ່​ບາງກອກ, ປະ​ເທ​ດ​ໄທ. ​ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອປຶກສາຫາລື ແລກ ປ່ຽນບົດຮຽນ ທາງດ້ານນະໂຍບາຍ ກ່ຽວກັບ ກາລະໂອກາດ ແລະ ສິ່ງທ້າທາຍ ໃນການຕອບສະໜອງ ດ້ານສະບຽງອາຫານ ຢູ່ໃນບັນດາປະເທດຂອງ GMS (ສປປ ລາວ, ໄທ, ສສ. ຫວຽດ ນາມ, ກຳປູເຈຍ, ມຽນມ້າ ແລະ ສປ ຈີນ)
1 5

ເພື່ອກຳນົດເປັນທິດທາງ ແລະ ແຜນຍຸດທະສາດ ໃນການຍົກລະດັບຄວາມປອດ ໄພດ້ານອາຫານ ແລະ ການເພີ່ມຄວາມອາດສາມາດ ໃນການເຂົ້າເຖິງຕະຫຼາດ ຂອງບັນດາຜະລິດຕະພັນກະສິກຳ ແລະ ສິນຄ້າ ປະເພດອາຫານ ທີ່ມາຈາກປະເທດຂອງ GMS. ບັນດາຜູ້ແທນທີ່ເຊີນເຂົ້າຮ່ວມກອງປະຊຸມໃນຄັ້ງນີ້ ລະດັບຮອງລັດຖະມົນຕີກະສິກຳ ຂອງ ປະເທດ GMS, ຜູ້ປະສານງານ, ຜູ້ຕາງໜ້າອົງການຈັດຕັ້ງສາກົນ, ຜູ້ໃຫ້ທຶນ, ຜູ້ປະກອບການຂະໜາດນ້ອຍ ​ແລະ ກາງ, ມະຫາວິທະຍາໄລ, ຊ່ຽວຊານ, ຜູ້ຜະລິດ ແລະ ອື່ນໆ. ພ້ອມດຽວກັນນີ້, ມີຕາງໜ້າບໍລິ​ສັດ ຈາກ​ ສປປ ລາວ ຈຳນວນໜຶ່ງທີ່ຖືກຄັດເລືອກ ແລະ ເຊື້ອເຊີນ ນຳເອົາ​ຜະລິດ​ຕະພັນ ແລະ ​ສິນຄ້າກະສິກຳ ໄປວາງສະແດງ ແລະ ຈຳໜ່າຍຢູ່ ໃນງານ​ວາງສະ​ແດງສິນຄ້າດັ່ງກ່າວ ​ເປັນຕົ້ນ: ບໍລິສັດ Lao Farmer’ Products Export-Import, ບໍລິສັດ Sinouk Coffee ​ແລະ ບໍລິສັດ Lao Fresh Meat ແລະ ອື່ນໆ.

ການເຂົ້າຮ່ວມກອງປະຊຸມ ​ແລະ ງານ​ວາງສະ​ແດງໃນຄັ້ງນີ້ ແມ່ນມີຄວາມໝາຍຄວາມສຳຄັນຫຼາຍ ຕໍ່ກັບການພັດທະນາວຽກງານການ​ຜະລິດສະບຽງ​ອາຫານ ​ແລະ ການ​ຜະລິດເປັນ​ສິນຄ້າ ຂອງ ສປປລາວ ເພື່ອ​ເຊື່ອມ​ໂຍງ​ກັບ​ສາ​ກົນ​ໃນ​ໄລ​​ຍະ​ໃໝ່, ຫົວໜ້າຄະນະຜູ້ແທນ ຂອງ ສປປ ລາວ ກໍ່ໄດ້ຂຶ້້ນກ່າວບົດຄຳເຫັນຕໍ່ກອງປະຊຸມ ແລະ ພິທີເປີດງານວາງສະແດງ, ຊຶ່ງເປັນໂອກາດອັນດີໃນການແລກປ່ຽນບົດຮຽນ ກ່ຽວກັບ ແນວຄວາມຄິດ ແລະ ມາດຕະການ ໃນການຮ່ວມມື ເຮັດວຽກ 4 ປະສານຮ່ວມກັນ (ລະຫວ່າງ ພາກລັດ, ຜູ້ຜະລິດ, ຜູ້ປະກອບການ ແລະ ສະຖາບັນການເງິນ) ໃນບັນດາປະເທດ GMS ເພື່ອ​ຄົ້ນ​ຄ້ວາ​ສ້າງ​ເປັນໂຄງ​ການ​ເງິນ​ຊ່ວຍ​ເຫຼືອ​ຍາວ​ນານໃຫ້ບັນດາປະເທດຂອງ GMS ​ເພື່ອ​ສົ່ງ​ເສີມ​ການ​ຜະລິດ ​ແລະ ສົ່ງ​ອອກ​ສິນຄ້າກະສິກໍາ​ໃນ​ຂົງ​ເຂດ GMS ຮ່ວມ​ກັນ. ນອກຈາກນັ້ນ, ຍັງເປັນໂອກາດອັນດີໃຫ້ແກ່ຄະນະຜູ້ແທນ ສປປ ລາວ ໄດ້ພົບປະກັບຜູ້ໃຫ້ທຶນ ເປັນຕົ້ນທະນາຄານ​ພັດທະນາ​ອາຊີ (ADB), ຜູ້ປະກອບການຕ່າງໆ ແລະ ປະເທດ​ໃກ້​ຄຽງ ເພື່ອຊອກຫາກາລະໂອກາດໃນການພັດທະນາຮ່ວມກັນ ກ່ຽວກັບ ຕ່ອງໂສ້ມູນຄ່າ ການຜະລິດກະສິກຳເປັນສິນຄ້າ ແລະ ເປັນມິດຕໍ່ການປ່ຽນແປງດິນຟ້າອາກາດ, ການປັບປຸງພື້ນຖານ ໂຄງລ່າງ ດ້ານກະສິກຳ ທີ່ຕິດພັນກັບການຕ້ານແລ້ງ-ຕ້ານຖ້ວມ ແລະ ອື່ນໆ.

 

                                                                                                            ​​ໂດຍ: ບຸນ​ສີ ນັນທະ​ພອນ

                                                                                      ກວດ​ແກ້: ​ເຂັມ​ພອນ ທິພົມມະຈັນ

GMS Pavilion & Food Safety Forum
Mail Attachment
ລະບົບຖານຂໍ້ມູນຕ່າງໆ

ladnew
line
dic
line
lafl
line
NTFP mapper
line
Shifting
line
header-right
line
logo-large
line