Get Adobe Flash player

ກອງປະຊຸມ ຖອດຖອນບົດຮຽນ ການຮັບ ແລະ ແຈກຢາຍເຂົ້າສານຊ່ວຍເຫຼືອ

IMG_7525

ໃນວັນທີ 29 ຕຸລາ 2019 ກົມແຜນການ ແລະ ການເງິນ, ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມ ຖອດຖອນບົດຮຽນ ການຮັບ ແລະ ແຈກຢາຍເຂົ້າສານຊ່ວຍເຫຼືອ ຜູ້ປະສົບໄພນໍ້າຖ້ວມ ຢູ່ ແຂວງພາກກາງ ແລະ 1 ແຂວງພາກໃຕ້ ໃນໄລຍະຜ່ານມາ ຈາກກອງທຶນຄັງແຮເຂົ້າສຸກເສີນອາຊຽນ + 3 ຢູ່ທີ່ຫ້ອງປະຊຸມພະແນກກະສິກໍາ ແລະ ປ່າໄມ້ ແຂວງຄໍາມ່ວນ. ໃຫ້ກຽດເປັນປະທານໂດຍ ທ່ານ ສະຫວັນ ຫານພົມ ຮອງຫົວໜ້າກົມແຜນການ ແລະ ການເງິນ, ທ່ານ ໄຄສີ ດາລາສີ ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງຄໍາມ່ວນ. ມີຜູ້ເຂົ້າຮ່ວມທີ່ມາຈາກກະຊວງແຮງງານ ແລະ ສະຫວັດດີການສັງຄົມ, ພະແນກແຮງງານ ແລະ ສະຫວັດດີການສັງຄົມ ແຂວງກ່ຽວຂ້ອງ ພ້ອມດ້ວຍແຂກຖືກເຊີນເຂົ້າຮ່ວມທັງໝົດ 30 ກວ່າທ່ານ.

ທ່ານ ສະຫວັນ ຫານພົມ ຮອງຫົວໜ້າກົມແຜນການ ແລະ ການເງິນ ໄດ້ກ່າວເປີດກອງປະຊຸມໃນຄັ້ງນີ້ວ່າ: ຈຸດປະສົງແມ່ນເພື່ອປຶກສາຫາລື ແລກປ່ຽນຄໍາຄິດຄຳເຫັນ ກ່ຽວກັບການຈັດຕັ້ງປະຕິບັດການຮັບ ການແຈກຢາຍ ເຂົ້າຈາກຄັງແຮເຂົ້າສຸກເສີນ ອາຊຽນ + 3 ໃຫ້ແກ່ຜູ້ປະສົບໄພພິບັດນໍ້າຖ້ວມ ໃນບັນດາແຂວງຕ່າງໆ ໃນຊຸມປີຜ່ານມາ ໂດຍສະເພາະແມ່ນ ແຂວງຄໍາມ່ວນ, ສະຫວັນນະເຂດ ແລະ ແຂວງອັດຕະປື ເພື່ອສະຫຼຸບສັງລວມ ແລະ ຖອດຖອນບົດຮຽນ ນໍາໄປຈັດຕັ້ງປະຕິບັດ ໃຫ້ໄດ້ຮັບຜົນດີກວ່າເກົ່າໃນຊຸມປີຕໍ່ໜ້າ. ສໍາລັບ ຄັງແຮເຂົ້າສຸກເສີນ ອາຊຽນ + 3 ປະກອບມີ: 10 ປະເທດອາຊຽນ ມີ ສປ. ຈີນ, ຍີ່ປຸ່ນ ແລະ ສ. ເກົາຫລີ. ຊື່ງໃນຊຸມປີຜ່ານມາ ສປປ ລາວ ເຄີຍໄດ້ຮັບເຂົ້າ ຈາກໂຄງການຄັງແຮເຂົ້າສຸກເສີນ ອາຊຽນ + 3 ແລ້ວຈໍານວນ 6 ຄັ້ງຄື: ໃນປີ 2005 ຈໍານວນ 13,7 ໂຕນ(ຍີ່ປຸ່ນ), ປີ 2010 ຈໍານວນ 347 ໂຕນ(ຍີ່ປຸ່ນ), ປີ 2012 ຈໍານວນ 400 ໂຕນ(ຍີ່ປຸ່ນ), ປີ 2017 ຈໍານວນ 225 ໂຕນ(ຍີ່ປຸ່ນ), ປີ 2018 ຈານວນ 1.000 ໂຕນ(ສ. ເກົາຫລີ), ແລະ 2019 ຈໍານວນ 500 ໂຕນ(ສ.ເກົາຫລີ) ລວມທັງໝົດ 2.485,7 ໂຕນ ພ້ອມທັງຄ່າຂົນສົ່ງ, ເກັບຮັກສາເຂົ້າໄວ້ໃນສາງ ແລະ ແຈກຢາຍ ຈໍານວນທັງໝົດປະມານ 5 ແສນກວ່າໂດລາ. ໃນກອງປະຊຸມຍັງໄດ້ຮັບຟັງການລາຍງານ ກົນໄກການປະສານງານ ຂອງ ກະຊວງກະສິກໍາ ແລະ ປ່າໄມ້ ກັບ ຄັງແຮເຂົ້າສຸກເສີນ ອາຊຽນ + 3 ລວມທັງ, ສະເໜີຜົນການຈັດຕັ້ງປະຕິບັດ ແລະ ລາຍງານຜົນການຈັດຕັ້ງໃນການແຈກຢາຍເຂົ້າສານຊ່ວຍເຫຼືອ ຈໍານວນ 225 ໂຕນ ແລະ 1.000 ໂຕນ ຈາກແຂວງທີ່ໄດ້ຮັບການຊ່ວຍເຫຼືອໃນຄັ້ງນີ້ນໍາອີກ.

ພາບແລະຂ່າວໂດຍ: ພະແນກໂຄສະນາ ແລະຂ່າວສານ

 

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ