Get Adobe Flash player

ກອງປະຊຸມພົບປະກັບກຸ່ມຜະລິດພືດຜັກ ກະສິກໍາອິນຊີ

IMG_2759

ເພື່ອແກ້ໄຂວຽກງານການກໍານົດມາດຖານເງື່ອນໄຂສິນຄ້າ (ພືດຜັກ) ການກໍານົດລາຄາ, ການຈໍລະຈອນສິນຄ້າ, ສະພາບການບໍລິໂພກ ແລະ ການຈໍລະຈອນພືດຜັກຕ່າງໆ ພາຍໃນນະຄອນຫຼວງວຽງຈັນ. ໃນວັນທີ 04 ພະຈິກ 2019 ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມ ພົບປະກັບກຸ່ມຜະລິດພືດຜັກ ແລະ ພໍ່ຄ້າແມ່ຄ້າຄົນກາງ ຢູ່ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ຫາດດອກແກ້ວ, ເມືອງຫາດຊາຍຟອງ, ນະຄອນຫຼວງວຽງຈັນ. ໃຫ້ກຽດເປັນປະທານໂດຍ ທ່ານ ພວງປາຣິສັກ ປຣະວົງວຽງຄໍາ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້. ມີບັນດາຕາງໜ້າຈາກກະຊວງອ້ອມຂ້າງ, ພະແນກການກ່ຽວຂ້ອງ ແລະ ຕາງໜ້າກຸ່ມຜະລິດກະສິກໍາອິນຊີ ເຂົ້າຮ່ວມ.

ທ່ານ ວາດສະໜາ ສີຈະເລີນ ຮອງຫົວໜ້າພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນລາຍງານກ່ຽວກັບການຈັດຕັ້ງປະຕິບັດແຜນການປູກພືດປະຈໍາປີ 2019 ແລະ ແຜນການຜະລິດລະດູແລ້ງປີ 2020 ໃຫ້ຮູ້ວ່າ: ປີ 2019 ນະຄອນຫຼວງວຽງຈັນ ໄດ້ປັກດໍາເຂົ້ານາທັງໝົດ 66 ພັນກວ່າເຮັກຕາ ເທົ່າກັບ 97% ຂອງແຜນການທັງໝົດ, ຄາດວ່າຈະສາມາດສະໜອງເຂົ້າໃຫ້ໄດ້ 302.565 ໂຕນ, ຈະມີເຂົ້າເຫຼືອແຮໄວ້ ແລະ ຈໍລະຈອນຕະຫຼາດ ປະມານ 55.100 ໂຕນ, ການປູກພືດຜັກປະຕິບັດໄດ້ 112 ພັນກວ່າໂຕນ ທຽບໃສ່ແຜນການໄດ້ 99% ຜະລິດໄມ້ໃຫ້ໝາກ ປະຕິບັດໄດ້ 26 ພັນກວ່າໂຕນ ແລະ ປູກພືດອຸດສາຫະກໍາ ໄດ້ 4 ພັນກວ່າເຮັກຕາ. ອັນພົ້ນເດັ່ນກວ່າໝູ່ແມ່ນໂຄງການປູກຜັກອິນຊີ ສາມາດຜະລິດຜັກອິນຊີໄດ້ 3.000 ໂຕນ ໃນນັ້ນຂາຍໃນຕະຫຼາດນັດພືດຜັກອິນຊີໃນປີ 2019 ໄດ້ 1.500 ກວ່າໂຕນ ມູນຄ່າການຂາຍປະມານ 7,6 ຕື້ກີບ ເຊິ່ງຂາຍຢູ່ 6 ຈຸດ ໄດ້ຊ່ວຍແກ້ໄຂຄວາມທຸກຍາກ ແລະ ສ້າງລາຍຮັບໃຫ້ຊາວກະສິກອນໄດ້ເປັນຢ່າງດີ.

ໃນກອງປະຊຸມຄະນະຮັບຜິດຊອບຊ່ວຍວຽກສະເພາະກິດສົ່ງເສີມການຜະລິດ ແລະ ການຊົມໃຊ້ຜະລິດຕະພັນພາຍໃນ ແລະ ການຄຸ້ມຄອງສິນຄ້າອຸປະໂພກ ກະຊວງກ່ຽວຂ້ອງ ແລະ ຕາງໜ້າກຸມປູກຜັກອິນຊີ ໄດ້ຜັດປ່ຽນກັນສະເໜີປະກອບຄໍາເຫັນຕໍ່ວຽກງານປູກຜັກອິນຊີ. ໃນຕອນທ້າຍ ທ່ານ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ໃຫ້ກຽດໂອ້ລົມ ສະເໜີໃຫ້ເອົາໃຈໃສ່ເລື່ອງບັນຫາການອູດຕັນຂອງການຜະລິດພາຍໃນເຊັ່ນ: ເລື່ອງລາຄາສິນຄ້າກະສິກໍາ ທີ່ພໍ່ຄ້າ-ແມ່ຄ້າຄົນກາງຮັບຊື້ໄປຂາຍຕໍ່, ໃຫ້ພາກສ່ວນກ່ຽວຂ້ອງ ກວດກາສິນຄ້າກ່ອນສົ່ງອອກ ເພື່ອປ້ອງກັນສ່ອງຫວ່າງການກົດໜ່ວງລາຄາສິນຄ້າ ລວມທັງ ສະເໜີໃຫ້ພາກສ່ວນກ່ຽວຂ້ອງຊອກຫາແຫຼ່ງທຶນ, ໂຄງການ ເຂົ້າມາຊ່ວຍເຫຼືອ ເພື່ອຍົກລະດັບໃຫ້ແກ່ການຈັດຕັ້ງປະຕິບັດວຽກງານ ຂອງຊາວກະສິກອນໃຫ້ດີຂຶ້ນກວ່າທີ່ຜ່ານມາ.

ພາບແລະຂ່າວໂດຍ: ພະແນກໂຄສະນາແລະຂ່າວສານ

ຕິດຕາມຊ່ອງທາງ ຢູທູບ
Request for Expression of Interest for Individual Consultants
Capture001
ບົດລາຍງານໂຄງການ
ເອກະສານການປະເມີນການປົກປ້ອງທາງສັງຄົມ ຂອງໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ Social Assessment for  The Laos Reducing Rural Poverty and Malnutrition Project  September 2018 Capture2  
ລະບົບຖານຂໍ້ມູນຕ່າງໆ